Showing posts with label Pandyan Grama Bank Employees Association. Show all posts
Showing posts with label Pandyan Grama Bank Employees Association. Show all posts

5.8.11

Pandyan Grama Bank Employees and Officersக்கு ஒரு எச்சரிக்கை: “ஜாக்கிரதை!”

ஒரு தொழிற்சங்கம் என்பது அதன் உறுப்பினர்களின் நலன் மட்டும் அல்லாமல் ஒட்டுமொத்த ஊழியர்களின் நலன்களுக்காக செயல்படுவதாக இருக்க வேண்டும்.  குறுகிய, சுய லாபங்களை கணக்கிடுவதாக இருக்க முடியாது. அப்படி இருந்தால் அது முதலாளிகளின் லாப வெறி கொண்டதாக மட்டுமே இருக்க முடியும். வியாபாரிகள்தாம் தங்க பொருட்களை விற்க மயக்கும் விளம்பரங்களைச் செய்வார்கள். ஜிகினாத்தனமான ஜோடனைகளில் ஈடுபடுவார்கள். மோசமான அரசியல்வாதிகள்தாம் பெரும்செலவு செய்து, ஒட்டுக்கு ரூ.1000/-, ரூ.500/- கொடுத்து விலை பேசுவார்கள்.  நாற்றமெடுக்கும் தங்கள் லட்சணங்களை மறைக்க செண்ட் அடிப்பது போல அவர்களது சொல்லும் செயலும் இருக்கும். ஆனால் பூக்கடைக்கு இந்த விளம்பரங்களும்,  பொய்யான ஜோடனைகளும் தேவையில்லை. பாண்டியன் கிராம வங்கியில் PGBEAவும், PGBOUவும் அப்படிப்பட்ட பூக்கடைகள் என்பதை பெருமையாகச் சொல்ல முடியும்.

PGBEAவுக்கும், PGBOUவுக்கும் சில நெறிகள் இருக்கின்றன.  நாங்கள் பொய்யான வாக்குறுதிகள் சொல்வதில்லை. சரி, தவறுகளை எந்தவித தயக்கமுமில்லாமல் பேசுபவர்கள். முகத்துக்கு நேரே உண்மைகளைச் சொல்பவர்கள். நியாயங்களுக்காக போராடுபவர்கள்.  நாளைய லட்சியங்களை விட்டுக்கொடுத்து, ‘இன்று இந்தக் காரியம் நடந்தால் சரி’என்று  நினைக்காதவர்கள். எப்போதும் ஒரே மாதிரியாகப் பேசவும், செயல்படவும் முயற்சிப்பவர்கள்.  பொய்யாக நடிக்கத் தெரியாதவர்கள்.

போராட்டங்களுக்காகவும், தொழிற்சங்க நடவடிக்கைகளுக்காகவும் வேண்டுமானால் PGBEA  மற்றும் PGBOU தலைவர்கள் இந்த நிர்வாகத்தால் பழிவாங்கப்பட்டிருக்கலாம். ஆனால் வங்கிக்கும், வாடிக்கையாளர்களுக்கும் துரோகம் செய்தவர்கள் PGBEAவின், PGBOUவின் தலைவர்களாய் இருக்க முடியாது. அப்படி இருக்க ஒருபோதும் அதன் பெருமைக்குரிய உறுப்பினர்கள் அனுமதிக்க மாட்டார்கள். முறைகேடாக வங்கியை பயன்படுத்தி சம்பாதித்தவர்கள் என்று இந்த நிர்வாகங்களால் PGBEA மற்றும் PGBOUவின் தலைவர்களை நோக்கி சுண்டுவிரலைக்கூட நீட்ட முடியாது. அந்த பாரம்பரியம் PGBEAவுக்கும்,  PGBOUவுக்கு மட்டுமே இங்கு உண்டு.

வங்கியில் பணி புரிந்துகொண்டே, கந்துவட்டியால் சம்பாதித்தவர்கள் எங்கள் தலைவர்களாய் இருக்க முடியாது. தங்களுக்கு கமிஷன் கிடைக்க வேண்டுமென்று தங்கள் உறுப்பினர்களை multi level business ல் ஈடுபடுத்துபவர்கள் எங்கள் தலைவர்களாய் இருக்க முடியாது.  அரசு கொடுத்த debt reliefஐ முறைகேடாக பயன்படுத்தி அதில் ஆதாயம் தேட முடிந்தவர்கள் எங்கள் தலைவர்களாய் நிச்சயம் இருக்க முடியாது.

அவர்கள் யாரென்று கேட்கிறீர்களா? உங்களுக்கு RM wealth creations  என்றால் என்ன தெரியுமா? அங்கிருந்து ஆரம்பிப்போம். அதற்குமுன் PGB  employees மற்றும் officers  அனைவருக்கும் இப்போது சொல்லிக்கொள்வது ஒன்றுதான். “ஜாக்கிரதை!”

(தொடரும்)

இதுவா தொழிற்சங்கம்?  இவர்களா தொழிற்சங்கத் தலைவர்கள்? - இரண்டாம் பகுதிதான் இது.விரைவில் மூன்றாம் பகுதி!

4.7.11

முப்பது இஞ்ச் டிரான்ஸ்பரின் பின்னணி!

மெஸஞ்சரிலிருந்து கிளரிக்கலாக பதவி உயர்வு பெற்ற தோழர்களுக்கு கண்டம் விட்டு கண்டம் போல தொலைதூரங்களுக்கு டிரான்ஸ்பர் போடப்பட்டு இருக்கிறது. அருகிலேயே டிரான்ஸ்பர் செய்ய வாய்ப்பிருந்தும், அவர்களுக்கு, பதவி உயர்வு பெற்றதற்கு தண்டனை போல இந்தக் கொடுமையை நிர்வாகம் இழைத்திருக்கிறது.

அதுபோலவே, கிளரிக்கலிருந்து ஆபிஸர்களாய் ஆனவர்களையும், ஆபிஸர்களில் ஸ்கேல் ஒன்றிலிருந்து இரண்டுக்கு பதவி உயர்வு பெற்றவர்களையும் ஒரு கை பார்த்திருக்கிறது நிர்வாகம்.

ஆனால், ஆபிஸர்களில் ஸ்கேல் இரண்டிலிருந்து மூன்றுக்கு டிரான்ஸ்பர் ஆனவர்களில் சிலருக்கு அருகருகே டிரான்ஸ்பர் போட்டு அழகு பார்த்திருக்கிறது. அதில் ஒருவருக்கு முப்பது இஞ்ச் தூரத்தில் டிரான்ஸ்பர் போட்டு சாதனை நிகழ்த்தியிருக்கிறது நிர்வாகம்!

நமது தொழிற்சங்கங்கள் பேசியபோது, "ஒன்றிரண்டு டிரான்ஸ்பர்க‌ள் நிர்வாக‌ வ‌ச‌திக்காக‌ போட‌க்கூடாதா?" என‌ நிர்வாகம் சொல்லியது. அப்ப‌டி அந்த‌ முப்ப‌து இஞ்ச் டிரான்ஸ்ப‌ரால் என்ன‌ நிர்வாக‌ வ‌ச‌தி என்று குழ‌ப்ப‌மாக‌வே இருந்த‌து. இப்போது அத‌ற்கு விடை கிடைத்திருக்கிற‌து.

ச‌மீப‌த்தில் காரியாப்ப‌ட்டியில் mobile banking ம‌ற்றும் business  correspondent ‍‍ஐ துவ‌க்கி வைக்கும் நிக‌ழ்ச்சியொன்றை ரிச‌ர்வ் வ‌ங்கி உய‌ர‌திகாரியை வைத்து ந‌ம‌து நிர்வாக‌ம் ஏற்பாடு செய்த‌து. அதற்கு வ‌ருகை புரிந்த‌ வி.ஐ.பிக்க‌ளை வ‌ர‌வேற்க‌ அந்த‌ முப்ப‌து இஞ்ச் டிரான்ஸ்ப‌ர்க்கார‌ர்தான் முன்னின்று ஏற்பாடுக‌ள் செய்திருக்கிறார். இந்தியாவுக்கு வ‌ந்த‌ புஷ்ஷுக்குக் கூட‌ இந்திய‌ அர‌சாங்க‌ம் இப்ப‌டியெல்லாம் ம‌ல‌ர் தூவி ம‌ரியாதை செய்திருக்காது. செண்டா மேளம், "நீங்க‌ ந‌ல்லாயிருக்க‌ணும் நாடு முன்னேற‌..." இத‌ய‌க்க‌னி பாட்டு எல்லாம் ஒலிக்க‌ ம‌க‌ளிர் குழு பெண்க‌ளை வ‌ரிசையாக‌ நிற்க‌ வைத்து சிவ‌ப்புக்கம்ப‌ள‌த்தில் ந‌ட‌ந்து வ‌ரும் வி.ஐ.பிக்க‌ள் மீது ம‌ல‌ர் தூவ‌ச் செய்திருக்கிறார். அந்த‌க் காட்சியைப் பார்த்து பெருமையில் பூரித்துச் சிரிக்கிறார் பாருங்க‌ள்:



ந‌ம‌க்குச் சிரிப்பு வ‌ர‌வில்லை. அவ‌மான‌மாக‌ இருக்கிற‌து. ஒரு சில‌ரை ம‌ரியாதை செய்கிறோம் என்று பெண்க‌ளை இழிவு ப‌டுத்தும் காரிய‌ம் இது என்றே நினைக்கிறோம். இந்த‌க் காரிய‌த்தைச் செய்வ‌த‌ற்கு பெண்க‌ள்தானா கிடைத்தார்க‌ள்.

அந்த‌ப் பெண்க‌ளின் ஏழ்மையும், எதிர்கால‌ம் குறித்த‌ நிச்ச‌ய‌ம‌ற்ற‌ தன்மையும் தானே இப்ப‌டிக் கொண்டு வந்து நிறுத்தியிருக்கிற‌து. வ‌ச‌தியான‌வ‌ர்க‌ளை இப்ப‌டிக் கொண்டு வ‌ந்து இவ‌ர்க‌ளால் நிறுத்த‌ முடியுமா? அப்ப‌டியெனில், வ‌றுமையில் உழ‌ல்ப‌வ‌ர்க‌ள் மீது இவ‌ர்க‌ளுக்கு இருக்கும் பார்வை இதுதானா? இதுதான் வ‌ங்கியின் ம‌கிழ்வுட‌ன் கூடிய‌ ம‌ல‌ர்முக‌ சேவையா? வாழ்க்கை நிலைமையை உய‌ர்த்திக்கொள்ள‌ வ‌ங்கியை நாடி வ‌ருப‌வ‌ர்க‌ளை இப்ப‌டியா ப‌ய‌ன்ப‌டுத்துவ‌து? கிராம‌ வ‌ங்கிக‌ளின் நோக்க‌த்தையே சீர்குலைக்கும் ந‌ட‌வ‌டிக்கை இது என‌ நாம் க‌ருதுகிறோம்.

அந்த‌க் கால‌த்து ராஜாக்க‌ளுக்கு இதுபோன்ற‌ ம‌ரியாதைக‌ள் செய்ய‌ப்ப‌ட்டு இருக்க‌லாம். ஆனால் இது ஜ‌ன‌நாய‌க‌க் கால‌ம். இங்கு ம‌னித‌ர்க‌ள் அனைவ‌ரும் ச‌ம‌ம் என்கிற‌து அர‌சிய‌ல‌மைப்புச் ச‌ட்ட‌ம். அந்த‌ ஜ‌ன‌நாய‌க‌த்தைப் போற்றும் செய‌லா இது?

இப்போதுதான் தெரிகிற‌து. பெரிய‌குள‌ம் கிளை திற‌ப்பு விழாவிலும் இதுபோன்று காரிய‌ங்க‌ள் ந‌ட‌ந்த‌தாம். அத‌ற்கும் ஏற்பாடு செய்த‌தும் அவ‌ர்தானாம்.

அருவ‌ருப்பான இந்த‌க் க‌லாச்சார‌த்தை நாம் எதிர்க்கிறோம். ஆனால் நிர்வாக‌ம் ம‌திக்கிற‌து. அத‌ற்காகத்தான் அவருக்கு பதவி உயர்வும், கூடவே முப்ப‌து இஞ்ச்சில் 'நிர்வாக‌ வ‌ச‌திக்காக‌'  ஒரு டிரான்ஸ்ப‌ரும் கொடுத்து இருக்கிற‌து போலும்!



1.7.11

Madurai Zonal meeting 30.6.2011

திட்டமிட்டபடி, மதுரை வட்டாரக்கூட்டம் 30.6.2011 மாலை 6 மணிக்கு, TNGEA அலுவலகத்தில் நடைபெற்றது. நாகலாபுரம் கிளையில் பணிபுரியும் தோழர்.ராஜேந்திரன்  தலைமை தாங்கினார். 

ஜூன்7ம் தேதி வேலைநிறுத்தம், ஆகஸ்ட் 5 ம்தேதிக்கு ஒத்திவைக்கப்பட்ட செய்திக் தோழர்களிடம் பரவியதாலும், ஜூன் காலிறுதியாண்டு கணக்குகள் முடிக்க வேண்டியிருந்ததாலும், 50 தோழர்கள் போலவே கலந்துகொண்டனர்.

BEFI சங்கத்தின் சார்பில், இந்தியன் வங்கியில் பணிபுரியும் தோழர் ராமசமி கோரிக்கைகளை வலியுறுத்திப் பேசினார். ஆகஸ்ட் 5ம் தேதி நிச்சயம் ஒருநாள் வேலைநிறுத்தம் நடைபெறும், நாம் தயாராய் இருப்போம் என தெரிவித்தார். PGBOU  தலைவர் தோழர்.போஸ்பாண்டியன், அரசும், நிர்வாகங்களும் சேர்ந்து வங்கித்துறையை சீரழிப்ப்பதை எதிர்த்து வங்கி ஊழியர்கள் திரள வேண்டிய அவசியத்தை வலியுறுத்தினார். PGBEA  தலைவர் தோழர்.மாதவராஜ், இது நம் எதிர்காலத்திற்கான போராட்டம் என்பதையும், பாண்டியன் கிராம வங்கியில் நிர்வாகத்தின் அராஜகப் போக்கையும், ஊழியர்களின் நலனை கொஞ்சம் கூட மதிக்காத நிலைமைகளையும் எடுத்துரைத்தார். PGBEA பொதுச்செயலாளர் தோழர்.சோலைமாணிக்கம், நம்மைத் தற்காத்துக்க்கொள்ள, நாம் போராட்டத்திற்கு தள்ளப்படுகிறோம் என்பதை விவரித்தார். PGBOU செயற்குழு உறுப்பினர் தோழர்.விஸ்வநாதன் நன்றி தெரிவித்தார்.











subburaj retirement function at H.O - 30.6.2011






30.6.11

Scale IV பதவி உயர்வு

1. K.S.சங்கரநாராயணன்  SM, PDSD, H.O
2. செல்வராஜ், RM, இராமநாதபுரம்
3.நெடுஞ்செழியன், RM, திருநெல்வேலி
4. தெய்வநாயகம், RO,  தூத்துக்குடி
5. N.T.கோமதிநாயகம், SM, Advances, HO
6. ஞானப்பிரகாசம், RM, விருதுநகர்
7.சங்கிலிப்பாண்டி, SM, கீழவெளிவீதி

ஆகியோர் நமது வங்கியில் முதன்முறையாக Scale IV அலுவலர்களாக பதவி உயர்வு பெற்றிருக்கிறார்கள்.

அனைவருக்கும் PGBEA  தனது வாழ்த்துக்களைத் தெரிவித்துக் கொள்கிறது.

அதே வேளையில், 12 இடங்கள் காலியிடங்களாக அறிவிக்கப்பட்டு, 7 பேர் மட்டும் தேர்ந்தெடுக்கப்பட்டு இருப்பது சரியான நடைமுறை இல்லை எனவும் கருதுகிறது.

28.6.11

EA சர்க்குலர் 28.6.2011

சுற்றறிக்கை எண் : 2/2011 நாள்: 28.6.2011

அருமைத் தோழர்களே!

வணக்கம்.

நமது பொறுமை, நிதானம் எல்லாவற்றையும் இந்த நிர்வாகம் அளவுக்கு மீறி சோதித்துக்கொண்டு இருக்கிறது. கடுமையான ஆள் பற்றாக்குறையிலும், பணிச்சுமையிலும் தவித்துக்கொண்டு இங்கு பணிபுரிந்தாலும், நமக்கு குறைந்தபட்ச மரியாதை கூட கிடையாது என்று சொல்கிறது நிர்வாகம். குளறுபடிகள் மற்றும் கோளாறுகளுக்கு மொத்த உருவமாய்த் திகழும் இந்த நிர்வாகம், இங்கு ஊழியர்களை பாடாய் படுத்திக்கொண்டு இருக்கிறது. வங்கியின் வளர்ச்சியின் மீதான அக்கறையாலும்,  ‘எதற்கெடுத்தாலும் சண்டை போடுபவர்கள்' என்று பழி சொல்ல ஒரு கூட்டம் காத்துக் கிடப்பதாலும், நாமும் நிறையவே பொறுமையாக இருந்து பார்த்துவிட்டோம். பேச்சு வார்த்தைகள் மூலமாக முடிந்தவரை விவகாரங்களை சுமூகமாக தீர்த்துக்கொள்ளலாம் என்று நாம் கடைப்பிடித்த அமைதியை கொஞ்சம் கூட இந்த நிர்வாகம் மதிக்கவில்லை.

கம்யூட்டர் அலவன்சு இதர கிராம வங்கிகளில் கொடுத்து மாதங்கள் பலவாகிவிட்டன. இங்கு அதற்கான முயற்சிகளையே நிர்வாகத்தரப்பில் காணோம். ‘காம்ப்ளிமண்ட்' இந்த வருடமாவது தருவார்கள் என எதிர்பார்த்தோம். அதிலும் ஏமாற்றமே மிஞ்சுகிறது. இப்படி இன்னும் பல சலுகைகளைச் சொல்ல முடியும். எந்தவிதமான பொருளாதாரக் கோரிக்கைகளையும் இந்த நிர்வாகம் நிறைவேற்றித் தரவில்லை.

பதவி உயர்வும், புதிய பணிநியமனமும் ஒரே நேரத்தில் நடந்திருந்தால் இங்கு பெரிய அளவுக்கு ஆள் பற்றாக்குறை ஏற்பட்டு இருக்காது. அதிலும் சரியான திட்டமிடுதல் இல்லாமல் கடந்த மூன்று மாதங்களாக வங்கியே நிலைகுலையுமளவுக்கு கிளரிக்கல் பற்றாக்குறை தாண்டவமாடுகிறது. உடல்நலமில்லையென்றாலும், நெருங்கிய உறவினர்களுக்கு நலல்து கெட்டது என்றாலும் அதற்கெல்லாம் செல்ல முடியாமல் அனைவரும் புழுங்கிக்கொண்டு இருக்கின்றனர். தனக்குரிய லீவினை எடுக்க முடியாமல், எல்.டி.சி செல்ல முடியாமல் பெரும் அதிருப்தியில் இருக்கின்றனர். சங்கங்கள் தானாக முயற்சி எடுத்து அங்குமிங்கும் பேசி, தொலைதூர மாவட்டங்களுக்கு டெபுடேஷன் ஏற்பாடு செய்தால், ‘லீவு நாட்களுக்கு' அலவன்சு கிடையாது என்று கெடுபடி மட்டும் கொடிகட்டி பறக்கிறது.

இந்த நிலையில். நிர்வாகம் இன்னொரு புறம் கிளைகளை திறந்துகொண்டே இருக்கிறது. இருக்கிற கிளைகளிலேயே, ஆள் பற்றாக்குறையால் வாடிக்கையாளர் சேவை செய்ய முடியாமல் திண்டாட, புதிய கிளைகளை திறப்பது என்ன வகையான நிர்வாகம் என்று தெரியவில்லை. போதிய மனித சக்தியோடு கிளைகளை திறப்பதை நாம் எப்போதுமே வரவேற்கிறோம். ஆனால், ஆட்களே இல்லாமல் நமது நிர்வாகம் மந்திரத்தில் மாங்காய் பறிக்க முயல்வதைத்தான் நாம் எதிர்க்கிறோம்.

இப்படி, அதிரடியாக திறக்கப்படும் கிளைகளுக்கு, அதிரடியாக மாறுதல் உத்தரவுகளையும் பிறப்பித்துக்கொண்டே இருக்கிறது நிர்வாகம். சென்ற வெள்ளிக்கிழமை 24.6.2011 அன்று காரைக்குடி, புதுக்கோட்டை, சிங்கம்புணரி போன்ற அதிக வணிகம் உள்ள கிளைகளையெல்லாம் இப்போது ‘சிங்கிள் மேன்' கிளைகளாக்கி விட்டு இருக்கிறது. அங்கு பணிபுரியும் நமது தோழர்களை தானடித்த மூப்பாய் புதிய கிளைகளுக்கு தூக்கி வீசியிருக்கிறது. நாம் இதனை கடுமையாக எதிர்த்தோம். நிர்வாகத்தின் நடவடிக்கை சரியல்ல என்றும், வேண்டுமானால் இரண்டு மாதங்களுக்கு யாரையாவது டெபுடேஷன் போட்டு கிளைகளை நடத்துங்கள் என்றும்  சம்பந்தப்பட்ட ஆர்.எம்மிடமும், பணியாளர்துறை எஸ்.எம்மிடமும் பேசினோம். தொடர்ந்து டெபுடேஷன்கள் ஏற்பாடு செய்யப்பட்டன.

ஆனால், இன்று 28.6.2011 அன்று திடீரென்று, டெபுடேஷன்களை கேன்சல் செய்துவிட்டு, ஏற்கனவே போட்ட டிரான்ஸ்பர்களின்படி, நம் தோழர்களை  உடனே ரிலீவ் செய்ய உத்தரவு பிறப்பித்திருக்கிறது நிர்வாகம். கேஷ் பார்த்துக்கொண்டு இருந்த தோழரை, பாதியில் அப்படியே நிறுத்தி, மாறுதல் செய்யுமாறு உயர் இடத்தில் இருந்து கடுமையான ஆணை வேறு! என்ன அராஜகம் இது. ஒரு விதியும், முறையும், குறைந்த பட்ச நாகரீகமும் கூட கிடையாதா? இது என்ன பொதுத்துறை வங்கியா, அல்லது யாருடைய தனிப்பட்ட சொத்தா?

Yes.... it is the last straw on the camel's back. இனி வேடிக்கை பார்த்துக்கொண்டு இருக்க முடியாது. நடக்கும் காட்டு தர்பாரை முழுமையாக அம்பலப்படுத்தும் வேளை நெருங்கியிருக்கிறது. இனியும் பொறுக்க முடியாது, நமக்கு இழைக்கப்படும் அநியாயங்களுக்கு எதிராக கிளர்ந்தெழும் தருணம் வந்திருக்கிறது.

எதற்கெடுத்தாலும் ‘system ' ‘system'  என்றும், தனக்கு systemதான் முக்கியம், அதை யாராவது மீறினால் நான் பொறுத்துக்கொள்ள மாட்டேன் என்றும் வாய்க்கு வாய் நமது சேர்மன் அவர்கள் சொல்வார். இங்கு எல்லாம் system  படிதான் நடக்கிறதோ? எல்லா systemகளையும் மீறுவதும், மீற வைப்பதும், சிதைப்பதும் நிர்வாகமே. CBSல் ஆயிரம் கோளாறுகள். எத்தனை டம்மி passwordகள். customer IDயில் எத்தனை சமாளிப்புகள். TXN  இல்லாமலேயே pass பண்ண நிர்வாகமே தூண்டுவது, யாருடைய passwordஐயும் யாரும் பயன்படுத்துவது என எவ்வளவு எவ்வளவு இருக்கிறது. இங்கெல்லாம் சேர்மன் system பற்றி பேச மாட்டார்.

டிரான்ஸ்பர்களில் எல்லாம் systemபடிதான் நடக்கிறதோ? வேண்டியவர்களுக்கு, அவர்கள் விரும்புகிறவரை மாற்றி மாற்றி டிரான்ஸ்பர்கள். பக்கத்திலேயே டிரான்ஸ்பர்கள். ஆனால்  மற்றவர்களுக்கு? அவர்கள் மனிதர்கள் இல்லையா? பிரமோஷனில் என்ன system  கடைப்படிக்கப்படுகிறது?  ஒழுங்கு நடவடிக்கைகளில் என்ன system  கடைப்பிடிக்கப்படுகிறது?

இனி, நாம் இங்கு எது system  என்று சொல்லித் தருவோம். விரைவில் நமது சங்க செயற்குழு கூடி அதற்கான பாடத்திட்டங்களை முடிவு செய்யும்.

சந்திப்போம்.


தோழமையுடன்
   
(M.சோலைமாணிக்கம்)  
பொதுச்செயலாளர் - PGBEA

Mobile banking என்ற பேரில் அவுட்சோர்சிங்!

26.6.2011 அன்று பாண்டியன் கிராம வங்கியில் நடமாடும் வங்கி (mobile banking) திட்ட துவக்க விழா காரியப்பட்டியில் நடந்து முடிந்திருக்கிறது. ரிசர்வ் வங்கியின் செயல் இயக்குனர் திரு. கருப்பசாமி, இந்தியன் ஓவர்சீஸ் வங்கி பொதுமேலாளர் திரு.மிஸ்ரா, பாண்டியன் கிராம வங்கியின் சேர்மன் திரு.நடராஜன் ஆகியோர் கலந்துகொண்டு இருக்கின்றனர். ரிசர்வ் வங்கியின் ‘அனைவருக்கும் வங்கிச் சேவை’ என்னும் திட்டத்தின் கீழ் நடமாடும் வங்கி துவங்கப்படுவதாகவும், வாரம் ஒரு முறை கிராமங்களுக்கு நடமாடும் வங்கி குறிப்பிட்ட நேரத்திற்கு சென்று, பண பரிவர்த்தனை போன்ற நடவடிக்கைகளை செய்யும். நடமாடும் வங்கி சேவை மூலம் பயண நேரம், செலவு, காத்திருப்பது உள்ளிட்ட சிரமங்களை போக்க இந்த சேவை உதவும் என்றும் அறிமுகப்படுத்தப்பட்டு இருக்கிறது.

இந்த Mobile banking பாண்டியன் கிராம வங்கியில் மட்டுமில்லை, அனைத்து வணிக வங்கியிலும் அறிமுகப்படுத்துவதற்கு அரசும், நிர்வாகங்களும் துடித்துக்கொண்டு இருக்கின்றன. வங்கித்துறையில் தொழிற்சங்கங்களுக்கும் இடையேயான ஒப்பந்தத்தில், வங்கியின் நிரந்தரப் பணிகளில் (permanent jobs) அவுட்சோர்சிங் இருக்ககூடாது என்பதும், வங்கித்துறைக்கு அப்பாற்பட்ட  information and technology போன்ற நடவடிக்கைகளுக்கு அவுட்சோர்சிங் செய்துகொள்ளலாம் என்பதே ஒப்புக்கொள்ளப்பட்ட ஷரத்தாக இருக்கிறது. ஆனால் இங்கே Mobile banking என்ற பேரில் சேமிப்பு, பண பட்டுவாடா போன்ற வங்கிச்சேவையின் நிரந்தரப்பணிகளை நடத்த ஏற்பாடு செய்யப்படுகிறது.

அதாவது Mobile banking என்ற பேரில் அவுட்சோர்சிங் நடத்தவும், பெரும் உழைப்புச் சுரண்டல் செய்யவும் ஏற்பாடுகள் நடக்கின்றன. நாம் இதனை அனுமதிக்க முடியாது. வரும் ஜூலை 7ம் தேதி ஒருநாள் வேலை நிறுத்தத்தில் இதுவும் ஒரு கோரிக்கையாக இருக்கிறது. Mobile bankingக்கு குறைந்த ஊதியத்தில் அவுட்சோர்சிங் என்று ஆட்களை நியமிக்காமல், நிரந்தரப்பணிக்குரிய ஊதியத்துடன், நிரந்தரஊழியர்களையே நியமிக்க வேண்டும் என்பதே நமது நிலைபாடு!

26.6.11

எரிகிற தீயில் எண்ணெய் ஊற்றும் நிர்வாகம்!

புதிதாக திறக்கப் போகும் கிளைகளுக்கு காரைக்குடி, புதுக்கோட்டை, சிங்கம்புனரி போன்ற கிளைகளிலிருந்து 5 கிளரிக்கல் தோழர்களுக்கு நிர்வாகம் 24.6.2011 அன்று 5 கிளரிக்கல் தோழர்களுக்கு மாறுதல் உத்தரவுகள் பிரப்பித்து இருந்தது.

நமது சர்க்குலரில் ஏற்கனவே சுட்டிக்காட்டியபடி, வங்கியே கடுமையான ஆள் பற்றாக்குறையில் தவித்துக்கொண்டு இருக்க,  நிர்வாகத்தின் இந்த நடவடிக்கை, எரிகிற தீயில் எண்ணெய் ஊற்றுவதாகவே இருக்கிறது. காரைக்கடி, புதுக்கோட்டை போன்ற கிளைகளில் இனி கிளியரிங் செல்வதற்குக்கூட கிளரிக்கல் இருக்க மாட்டார்கள். நாம் நிர்வாகத்தின் தவறான நடைமுறையைக் கடுமையாக விமர்சனம் செய்தோம். புதிதாக திறக்கப் போகும் கிளைகளுக்காக, ஏற்கனவே இருக்கிற கிளைகளை பாதிப்படையச் செய்யாதீர்கள் என அறிவுறுத்தினோம்.

மேலும், தன் இஷ்டத்துக்கு நம் தோழர்களை மாறுதல் செய்து, கடுமையான வேலைப்பளுவை திணிக்கும் போக்கை நாம் அனுமதிக்கமுடியாது என்பதையும் தெளிவுபடுத்தினோ. நிர்வாகம் இப்போது, மாறுதல் உத்தரவுகளை நீக்கிவிட்டு, டெபுடேஷன் ஏற்பாடுகள் செய்வதாக கேள்விப்படுகிறோம்.

புதிய பணிநியமன வேலைகளை துரிதப்டுத்தி, தேவையான மனித சக்தியை வைத்துக்கொண்டு, புதிய கிளைகளை திறப்பதே நல்ல நிர்வாகமாக இருக்க முடியும் என்பதையும் சொல்லிக்கொள்கிறோம்.

com.Subburaj Retirement function by PGBOU








Nellai Zonal meeting 25.6.2011




24.6.11

22.6.2011 Gate Meeting







Computer Increment - Govt.Order

முழுமையாக CBS  ஆன கிராம வங்கிகளுக்கு உடனடியாக கம்ப்யூட்டர் இன்கிரிமெண்ட் வழங்கப்பட வேண்டும் என்கிற அரசு ஆணை





EA & OU சர்க்குலர் 25.5.2011


பாண்டியன் கிராம வங்கி ஊழியர்கள் சங்கம்
(360/RMD) (இணைப்பு AIRRBEA & BEFI)
பாண்டியன் கிராம வங்கி ஆபிஸர்ஸ் யூனியன்
(144/KMR) (இணைப்பு AIRRBEA)

சுற்றறிக்கை எண் : 2 நாள்: 25.5.2011

அருமைத் தோழர்களே!

வணக்கம்.

வங்கியில் நிலவும் சூழல்களையும், பிரச்சினைகளையும்  ஆராய்வதற்கும் எதிர்கொள்வதற்கும் நமது இரு சங்கங்களின் சப் கமிட்டி கடந்த 23.5.2011 அன்று கூடியது. ஆக்கபூர்வமான, ஆரோக்கியமான விவாதங்களுக்குப் பிறகு, தெளிவான பார்வைகளுடன் வழிமுறைகள் திட்டமிடப்ப்பட்டன.

1. பிரமோஷன் நடந்து முடிந்து ஒரு மாதத்திற்கும் மேலாகிறது. பெருமளவுக்கு கிளரிக்கல் பற்றாக்குறை ஏற்பட்டு இருக்கிறது. 205 கிளைகளுக்கு, 250 கிளரிக்கல் எப்படி போதும்? ஏறத்தாழ 180 கிளைகள் single man கிளைகளாக இயங்க வேண்டிய நிலையில் இருக்கின்றன. இதனால் வங்கியில் ஒரு அசாதாரணச் சூழலும், நெருக்கடியும் உருவாகியிருக்கிறது. கிளரிக்கல் தோழர்கள் ஒரு ஆத்திர அவசரத்துக்குக் கூட லீவு எடுக்க முடியாமல் தவிக்கின்றனர். லீவு எடுத்தால் டெபுடேஷன் ஏற்பாடு செய்வதற்குள் போதும் போதுமென்றாகி விடுகிறது. தினம் தினம்  தலைமையலுவலகம், வட்டார அலுவலகம், சங்கங்கள் எல்லோருக்கும் இதுவே முக்கிய அலுவலாக மாறிப்போயிருக்கிறது. கிளையில் பணிகள் தாமதமாகின்றன, வணிகம் பாதிக்கப்படுகிறது. ஊழியர்கள மன உளைச்சலுக்கு ஆளாகின்றனர்.  இந்த நிலைமைக்கு பொறுப்பேற்று, நிர்வாகம் புதிய பணி நியமனத்தை போர்க்கால அடிப்படையில் துரிதப்படுத்த வேண்டும் என இரு சங்கங்களும் வலியுறுத்துகின்றன.

2. கடந்த ஒரு வருடமாகவே, பணியாளர் துறையில் பணிகள் மிக மந்தமாகவும், ஊழியர் பிரச்சினைகள் காலதாமதம் செய்யப்பட்டும் நடைபெற்று வருகின்றன.  எல்.டி.சி  போன்ற சலுகைப் பெறுவதற்குக் கூட இங்கு பெரும் போராட்டம் நடத்த வேண்டி இருக்கிறது. கடைநிலை ஊழியர்களாயிருந்து எழுத்தர்களாக பதிவி உயர்வு பெற்றவர்களை கண்டம் விட்டு கண்டம் போல தொலைதூரத்துக்கு விரட்டியடிக்கப்பட்டு இருக்கின்றனர். டிரான்ஸ்பர்களில் பாரபட்சம்  தொடர்ந்து கடைப்பிடிக்கப்படுகிறது.  GM(A)வின்  அணுகுமுறையும், நடவடிக்கைகளுமே இவை யாவற்றுக்கும் காரணமாக இருக்கிறது. மாற்றுச் சங்கத்தினருக்குத் தேவையானவற்றை சிரமேற்கொண்டு செய்கிறார். ஆனால் நமக்கு சேர்மன் ஒப்புக்கொண்ட டிரான்ஸ்பர்களைக் கூட இவர் போடுவதில்லை.  அப்படி என்ன அவர்களோடு அவருக்கு உறவு என்பது மெல்ல மெல்ல வெளிச்சத்துக்கு வந்து கொண்டு இருக்கிறது. GM(A)வைப் பற்றி பலமுறைகள்  வங்கியின் சேர்மன் அவர்களிடம் புகார் செய்திருக்கிறோம். ஆனாலும், அவர் திருந்துகிறவராயில்லை. அவரால் ஏற்பட்டு இருக்கக்கூடிய குழப்பங்களும், பாதிப்புகளும் சரிசெய்யப்பட வேண்டும். இல்லையென்றால் அவருக்கு எதிரான நடவடிக்கைகளில் இரு சங்கங்களும் சேர்ந்து ஈடுபட வேண்டிய அவசியம் நேரும் என தெரிவித்துக் கொள்கிறோம்.

3. பொருளாதாரக் கோரிக்கைகள் பல இங்கு நிறைவேற்றப்படாமல் காலம் தாழ்த்தப்பட்டுக் கொண்டே இருக்கின்றன. நூறு சதவீதம் CBS  ஆன கிராம வங்கி ஊழியர்களுக்கும், அலுவலர்களுக்கும் கம்யூட்டர் இன்கிரிமெண்ட் கொடுக்கப்பட வேண்டும் என  மார்ச் மாதத்திலேயே அரசாணை வந்து விட்டது. ஏப்ரல் போய், மே மாதமும் முடியப் போகிறது. இன்னும் கம்ப்யூட்டர் இன்கிரிமெண்ட் நமக்கு வழங்கப்படவில்லை. பல கிராம வங்கிகளில் ஊழியர்களும் அலுவலர்களும் கம்ப்யூட்டர் இன்கிரிமெண்ட் பெற்றுவிட்ட நிலையில், நாம் இன்னும் பெறாமல் இருப்பது அதிருப்தியளிக்கிறது. இதுபோல மேலும் பல கோரிக்கைகள்  நிலுவையில் இருக்கின்றன. அவைகளில்  சிலவற்றை இப்போது முன்வைக்கிறோம். நிர்வாகம் உடனடியாக இவைகளை நிறைவேற்ற  வேண்டும் என கேட்டுக் கொள்கிறோம்.
a. Computer increment to all
b. Newspaper allowance to all 
c. Compliment to all
d. Enhancemant of LTC facilities
e. Reimbursement of fuel expenses

4. மத்திய அரசின்  தொழிலாளர் விரோதப் போக்கு இக்காலக் கட்டத்தில் எந்த நியதிகளும், நியாயங்களுமற்று துரிதப்படுத்தப்பட்டு இருக்கிறது. சமீபத்தில் நாடாளுமன்றத்தில் அறிமுகப்படுத்தப்பட்டு இருக்கும் வங்கிச் சட்டங்கள் திருத்த மசோதாவும், பென்சன் நிதி மசோதாவும் அப்படிப்பட்டவையாகவே இருக்கின்றன.

வங்கிச் சட்ட திருத்த மசோதாவின் மூலம் அந்நிய தனியார் வங்கிகள் இந்திய வங்கித் துறைய ஆக்கிரமிக்கும். இதனால் சாதாரண மனிதர்களுக்கான வங்கியாக இனி செயல்பட முடியாத நிலை ஏற்படும். பொதுத்துறை வங்கிகளின் கட்டுப்பாடும், தனியார்களுக்கேப் போய்விடும்.

புதிய பென்சன் நிதியம் ஒழுங்கமைப்பு மசோதாவின் மூலம், சந்தை நிலைமைக்கு ஏற்ப ஓய்வூதியம் வழங்க ஏற்பாடு செய்யப்படும். அதாவது லாபம் வந்தால் மட்டுமே பென்சன் அல்லது பட்டை நாமம்தான்.

இவைகளோடு கிராம வங்கிகளை தனியாருக்குத் தாரை வார்க்கும் முயற்சிகளும் நடந்து கொண்டு இருக்கின்றன. மேலும் கண்டேல்வால் கமிட்டி பரிந்துரையின் படி, ஒவ்வொரு வங்கிக்கும் ஒவ்வொரு சம்பளம், வங்கிகளுக்குள்ளேயே ஊழியர்களுக்கும் வித்தியாசமான ஊதிய நிர்ணயம், கடைநிலை ஊழியர்கள் என்ற பகுதியினரையே இல்லாமல் ஆக்குவது, எழுத்தர்களை அலுவலர்களில் பாதியாகக் குறைப்பது என நடவடிக்கைகளைத் துவக்கவும் மத்திய அரசு தயாராகி வருகிறது. இவைகள் நம்மையும் பாதிக்கும் எனத் தனியாகச் சொல்ல வேண்டியதில்லை.

இந்த இரு மசோதாக்களை எதிர்த்து BEFI  நாடு முழுவதும் இயக்கம் நடத்த முடிவு செய்துள்ளது. வணிக வங்கியில் உள்ள பிற சங்கங்களும் இணைந்து போராட்டம் நடத்தவும் தயாராகி வருகின்றன. நமது அகில இந்திய சங்கம் AIRRBEAவும் இந்த இயக்கத்தில் நம்மை இணைத்துக் கொள்வது என அறைகூவல் விடுத்திருக்கிறது.

அதன் ஒரு பகுதியாக வரும் ஜூன் 22ம் தேதி, நமது தலைமையலுவலகத்தில் மாலை நேர ஆர்ப்பாட்டம் நடத்த நமது சங்கங்கள் இணைந்து முடிவு செய்திருக்கின்றன. இது நமது இருப்பைத் தக்க வைத்துக்கொள்ளவும், எதிர்காலம் குறித்த கவலையுடனும் நடத்தும் போராட்டம். அனைவரும் ஒன்றிணைந்து நிற்க வேண்டிய தருணம் இது. தயாராவோம் அணிவகுக்க.....

தோழமையுடன்

EA சர்க்குலர் 1.5.2011

பாண்டியன் கிராம வங்கி ஊழியர்கள் சங்கம்
(360/RMD) (இணைப்பு:AIRRBEA &BEFI)
விருதுநகர்

சுற்றறிக்கை எண்: 3/2011

அருமைத் தோழர்களே!

வணக்கம்.

சென்ற ஆண்டுக் கணக்கின் விபரங்கள், உற்சாகமூட்டுவதாக இருக்கின்றன.
நிர்ணயித்த இலக்கான 5000 கோடி வணிகத்தைத் தொட முடியவில்லையென்றாலும்
வங்கியின் வளர்ச்சி ஆரோக்கியமாகவே இருக்கிறது. ஏறத்தாழ 70கோடியை
வங்கியின் லாபம் தொட்டு நிற்கிறது.  கடுமையான ஆள் பற்றாக்குறை,
சிக்கல்கள் தந்த  சி.பி.எஸ் சூழல் எல்லாவற்ரையும்ம் இதனை சாதிக்க
முடிந்திருக்கிறதென்றால், அது பாண்டியன் கிராம வங்கியின் ஊழியர்கள்
மற்றும் அலுவலர்களின் உழைப்பும், வங்கியின் மீது இருக்கிற அக்கறையுமே
முதற்காரணமாகிறது. அவர்கள் அனைவருக்கும் இந்த நேரத்தில் நமது சங்கம்
வாழ்த்துக்களைத் தெரிவித்துக் கொள்கிறது.

வங்கியில் பிரமோஷன்களை விரைவாக நடத்தி, முடிவுகளை காலதாமதமின்றி அறிவித்த
நிர்வாகத்தை நிச்சயம் நாம் பாராட்டலாம்.   பொதுவாக பிரமோஷன்களில் இதுவரை
இல்லாத அளவுக்கு சீனியர்கள் பதவி உயர்வு பெற்றிருப்பதும் நல்ல விஷயமே.
அதே வேளையில், மெஸஞ்சர்களிலிருந்து கிளரிக்கல் பிரமோஷனில்,
சீனியாரிட்டியில் முதலிரண்டு இடம் கொண்டவர்களுக்கு வாய்ப்பு கொடுக்கப்
படாதது உறுத்துகிறது. இந்தை பிரமோஷன்களில் இதுபோன்ற குறைகள்
கரும்புள்ளிகளாக நீடிக்கின்றன.

மிகக் குறைவாக ஊதியம் வாங்கிக்கொண்டு, மெஸஞ்சர்களாயிருந்து எழுத்தர்களாக
பதவி உயர்வு பெற்றவர்களை இரண்டு மாவட்டங்கள் தள்ளி, தொலைதூரத்திற்கு
மாறுதல் அளித்துவிட்டு, அதிகச் சம்பளம் பெறுகிற ஸ்கேல் திரி அலுவலர்களில்
சிலருக்கு மிக அருகிலேயே மாறுதல் போடப்பட்டு இருப்பது சரியில்லாத
நடைமுறை. இதுபோன்ற குறைகள் பணிச்சூழலையும், பணிகள் செய்வதிலிருக்கும்
ஆர்வத்தையும் பாதிக்கும். பொதுவாகவே, இங்கு சிலருக்கு எல்லாம் அவர்கள்
விருப்பபடியே  எல்லாம் நடக்கின்றன. அவை மிக வெளிப்படையாகவும்
இருக்கின்றன. நிர்வாகம் இந்தப் போக்கை மாற்றிக்கொண்டு அனைவருக்கும்
பொதுவானதாகவும், நியாயமாகவும் இருக்க வேண்டும் என விரும்புகிறோம்.
வேண்டுகோள் விடுக்கிறோம்.

அடுத்து, புதிதாக எழுத்தரகப் பதவி உயர்வு பெற்றவர்களை, அதிக வணிகம் உள்ள
கிளைகளில் கேஷ் பார்க்கும் நிர்ப்பந்தம் ஏற்பட்டு இருக்கிரது. பெரும்
சிரமத்திற்கிடையில், அவர்கள் பணிபுரிந்து வருகிறார்கள். கிளைகளில் அந்த
ஊழியர்களின் மன அழுத்தத்தைக் குறைக்க, அனைவரும் ஒத்துழைக்க வேண்டும் என
விரும்புகிறோம்.

சமீபத்தில் போடப்பட்ட கிளரிக்கல்  டிரான்ஸ்பர்களில், பாரபட்சங்கள்
இருந்தன. அவற்றை சேர்மனிடம் எடுத்துரைத்தோம். உடனடியாக சிலவற்றையும்,
பிதிய பணிநியமனத்தின்போது மற்றவற்றையும் சரிசெய்து தருவதாக
உறுதியளித்திருக்கிறார்.

இந்த நிதியாண்டில் அதிக லாபம் ஈட்டியதற்காகவும், சி.பி.எஸ் நூறு சதவீதம்
ஆனதற்காகவும், ஊழியர்கள் அனைவருக்கும் cash reward ஆக, ரூ.5000/-
தோழர்களுக்கு வழங்கவேண்டும் என கோரிக்கை வைத்தோம்.  வரும் மே9ம்தேதி
நடக்கும் வங்கி நிர்வாகக்குழு கூட்டத்தில் வைத்து cash reward  கொடுக்க
முயற்சிப்பதாய் சேர்மன் கூறினார்.

100 சதவீதம் சி.பி.எஸ் ஆன வங்கிகளில், அனைவருக்கும் கம்ப்யூட்டர்
இன்கிரிமெண்ட் கொடுக்க வேண்டும் என  அரசு ஆணைப் பிரப்பித்து இருக்கிறது.
வணீக வங்கியில் உள்ளதுபோல ,  restrospective effective ஆக கொடுக்க
வேண்டும் என்பதே நமது நமது நிலைபாடு. இருந்தாலும், இப்போதைக்கு அரசு
ஆணைப் பிறப்பித்திருப்பதை இங்கும் அமல்படுத்த வேண்டும் என கோரிக்கை
வைத்திருக்கிறோம். அதுகுறித்து நபார்டிலிருந்து கடிதம் வந்தவுடன்
தருகிறோம் என சேர்மன் உறுதியளித்திருக்கிறார். மிக விரைவில் நம்
அனைவருக்கும் கம்ப்யூட்டர் இன்கிரிமெண்ட் கிடைக்கும்.

நடந்து முடிந்த பிரமோஷனையொட்டி, கிளரிக்கல் எண்ணிக்கை கணிசமாய்க்
குறைந்திருக்கிறது. இங்கு ஒன்றிரண்டு கிளைகளைத் தவிர, அனைத்துக்
கிளைகளும்  single man  கிளைகளாகி விட்டன. பெரும் ஆள் பற்றாக்குறை
தாண்டவமாடுகிறது. லீவு, டெபுடேஷன் முதற்கொண்டு அனைத்துமே
சிரமமாயிருக்கிறது. நிர்வாகம் மிக விரைவாக பணிநியமனம் நடத்தி, இந்த
இக்கட்டான இந்தச் சூழலை சரிசெய்ய வேண்டும்.

தோழர்களே!
அதிக பணிச்சுமை, மன அழுத்தம், தொலைதூர மாறுதல் எல்லாம் அலைக்கழிக்கும்
ஒரு சோதனையான காலம் இது.  எல்லாவற்றையும் விரைவில் சரி செய்ய முனைவோம்.
ஆரோக்கியத்தை பேணுங்கள். நம்பிக்கையோடு இருங்கள்.

தோழமையுடன்

(மெ.சோலைமாணிக்கம்)
பொதுச்செயலாளர்

23.6.11

EA - OU சர்க்குலர் 22.3.2011


அருமைத் தோழர்களே!

வணக்கம்.

முதலில் உங்கள் அனைவருக்கும் உற்சாகமான செய்தி.
கர்நாடகா ஹைகோர்ட்டில்,  ‘சம வேலைக்கு சம் ஊதியம்' என்னும் கோட்பாட்டின் அடிப்படையில் நமது அகில இந்திய சங்கம் தொடர்ந்த வழக்கில் இன்று தீர்ப்பு வந்திருக்கிறது.
“வணிக வங்கி ஊழியர்களுக்கு இணையான பென்ஷன் கிராம வங்கி ஊழியர்களுக்கும் வழங்கப்பட வேண்டும்”
பதினைந்து ஆண்டுகளுக்கு மேலான நமது போராட்டம் இப்போது வெற்றியின் விளிம்பில் வந்து நிறுத்தியிருக்கிறது. நமது மாநட்டில் தோழர்.முகர்ஜி இதுகுறித்து நம்பிக்கையோடு சொன்ன வார்த்தைகள் இதோ நிஜமாகி இருக்கின்றன.  
அது மட்டுமல்ல, அத்தோடு நமக்கு உரிய ‘கம்யூட்டர் இன்கிரிமெண்ட்”டும் வழங்கப்பட வேண்டும் என தீர்ப்பு சொல்லி இருக்கிறது. ஊழியர்கள், அலுவலர்கள்  அனைவருக்கும் கம்யூட்டர் இன்கிரிமெண்ட் உண்டு.
இவ்விரண்டையும், அரசு ஆறுமாத காலத்துக்குள் அமல்படுத்த வேண்டுமென என தீர்ப்பு கால வரையறையும் செய்திருக்கிறது.
இக்காரியம் நமது AIRRBEAவால் மட்டுமே சாத்தியமாகி இருக்கிறது.
நம்பிக்கை மிகுந்த இந்த தகவலோடு நாம் நமது மாநாட்டுச் செய்திகளை பார்ப்போம்.
இன்னும் அந்த எழுச்சி மிக்க தருணங்களே நமக்குள் நிறைந்திருக்கின்றன. பிப்ரவரி, 12, 13 தேதிகளில் நடந்த நமது மாநாடுகள்,  நம் தொழிறசங்க வரலாற்றின் மிக முக்கியமான அத்தியாயம் என்பதை, மாநாட்டுக்கு வந்திருந்த அனைவருமே உணர்ந்திருந்தார்கள்.  மாற்றங்களை நோக்கி  மிகச் சரியான திசையில் நாம் பயணிக்கிறோம் என்பதை உறுதிசெய்த மாநாடுகளாக இவை இருந்தன.

பெண் ஊழியர், அலுவலர் மாநாடு:

பிப்ரவரி 12ம் தேதி காலையில், நமது சங்கங்களின் உறுப்பினர்களாக இருக்கும் பெண் தோழர்களின் மாநாடு நடைபெற்றது. அன்றை தினம் வங்கிக்கு விடுமுறை இல்லாத போதும், வங்கியில் நிலவும் கடுமையான ஆள்பற்றாக்குறையை மீறியும், முப்பது பெண் தோழர்கள் மாநாட்டுக்கு வந்திருந்தனர். மாநாட்டைத் துவக்கி வைத்துப் பேசிய PGBEA  தலைவர் தோழர்.மாதவராஜ்,  இத்தனை வருட தொழிற்சங்க நடவடிக்கைகளுக்குப் பிறகு, இப்படியொரு மாநாட்டை நடத்த இப்போதுதான் முடிந்திருக்கிறது என்பதை சுயவிமர்சனமாக முன்வைத்தார். அதே நேரம், நமது சங்கங்கள் எப்போதுமே, பெண்களின் பிரச்சினைகளை உணர்ந்தே செயல்பட்டு வந்தது என்பதை நினைவுபடுத்தினார்.  கிளைகளில் கழிப்பிடங்களைத் திறக்க வேண்டும் என்று இருபத்தாறு வருடங்களுக்கு முன்பு கோரிக்கை வைத்து போராடியதிலிருந்து, இன்று மாறுதல்களில் பெண்களுக்கு முன்னுரிமை கொடுக்க வேண்டும் என்று வலியுறுத்துவது வரை நம் இரு சங்கங்களின்  செயல்பாடுகளை சுட்டிக்காட்டினார். இருந்தபோதும், பெண்களுக்கான பிரச்சினைகளை அவர்களே பேசுவதும், முன்வைப்பதுமே இன்னும்  அழுத்தமானதும் அர்த்தமுள்ளதும் ஆகும் என மாநாட்டின் அவசியம் குறித்துப் பேசினார். 

தொடர்ந்து பங்கேற்ற பெண் ஊழியர்களும், அலுவலர்களும் தாங்கள் கிளைகளில் சந்திக்கும் பிரச்சினைகளைப் பேசினர்.  மெல்ல மெல்ல எழுந்த அவர்களின் குரல்கள் பிறகு வெப்பத்தோடு பற்றியதை மாநாட்டு அரங்கம் கண்டது. அவைகளை தொகுத்தும், விளக்கமளித்தும்  தோழர்.பிரேமலதா (கனரா வங்கி), BEFI-TN சார்பில் அவர்கள் பேசினார்கள். பெண் ஊழியர்கள் இன்றைய காலக்கட்டத்தில் சந்திக்கும் பிரச்சினைகளையும், அவற்றை எப்படி எதிகொள்வது என்பதையும் பல நிகழ்வுகள் மற்றும் அனுபவங்களின் மூலம் தெளிவாக்கினார்.  இறுதியாக தோழர்.கிருஷ்ணன் ( BEFI -TN  மாநிலச் செயலாளர்) அவர்களும் கலந்துகொண்டு வாழ்த்திப் பேசினார்.

நம் வங்கியில் பணிபுரியும் பெண் உழியர்கள் மற்றும் அலுவலர்களை ஒருங்கிணைக்கவும், அவர்களது பிரச்சினைகளை கேட்டறிந்து தீர்ப்பதற்கான வழிமுறைகளை ஆராயவும் பெண் ஊழியர்களுக்கான சப்-கமிட்டி ஒன்று அமைக்கப்பட்டது. அதன் கன்வீனராக,  தோழர். சிவகாமி (  பாப்பாக்குடி ) அவர்களும், உறுப்பினர்களாக தோழர்.வசந்தா ( எட்டையபுரம் ), தோழர்.புஷ்பராணி (புதுக்குடி ), தோழர். சித்திரகவிதா ( அரசரடி ), தோழர்.சுகப்பிரியா ( விருதுநகர்) ஆகியோர் தேர்ந்தெடுக்கப்பட்டனர்.  அவ்வப்போது இந்த சப்-கமிட்டி கூடி, விவாதித்து, நிலைமைகளை ஆராயும்.  பெண் ஊழியர்களும், அலுவலர்களும், இந்த சப்-கமிட்டியை தொடர்புகொண்டு தங்கள் நமது தொழிற்சங்க வரலாற்றில் இது ஒரு மைல்கல்.

பொது மாநாடு:

பிப்ரவரி 12ம் தேதி மாலையில் PGBEA  தலைவர், தோழர்.மாதவராஜ் கொடியேற்றி வைக்க, கோஷங்களோடு  மாநாடு களை கட்டியது. அருமைத் தோழர். பாலசுப்பிரமணியன் அவர்களின் நினைவரங்கத்தில் PGBEAவின் பிரதிநிதிகள் மாநாடு துவங்கியது. தோழர்.கிருஷ்ணன் ( BEFI -TN  மாநிலச் செயலாளர்)  நமது கடந்த கால போரட்டங்களை நினைவுகூர்ந்து, வங்கித்துறை இன்று சந்திக்கும் சவால்களையும் தெளிவுபடுத்தினார். அவுட்சோர்சிங் குறித்த தெளிவும், அந்த தற்காலிக  நிரந்தரமாக்கும் உறுதியும் சங்கங்களுக்கு இன்றைக்கு வேண்டு இருக்கிறது என நமக்கு இருக்கும் கடமையை சுட்டிக்காட்டினார். அத்துடன் அன்றைய மாநாட்டு நிகழ்வுகள் நிறைவடைந்தன.

அடுத்த நாள், பிப்ரவரி 13ம் தேதி காலை பொது மாநாடு துவங்கியது. அரங்கம் கொள்ளாமல் தோழர்கள் திரண்டு இருந்தனர். பார்த்து, சிரித்து, அரட்டையடித்து, ஒரே உற்சாகக்குரல்கள் எங்கும் மலர்ந்திருந்தன. பொது மாநாட்டிற்குத் தலைமை தாங்கிய தோழர்.போஸ் பாண்டியன் , எந்தச் சூழலில் இந்த மாநாடு நடைபெறுகிறது என்பதையும்,  தீரமிக்க  போராட்டங்களுக்குப் பிறகு திரண்டு நிற்பதையும் எடுத்துரைத்தார். அடுத்து பேசிய தோழர். தமிழ்ச்செல்வன் ““ஒரு தொழிற்சங்க மாநாட்டில், எழுத்தாளனை ஏன் பேச அழைத்தீர்கள்?” என்ற கேள்வியுடன் துவங்கி, அதற்கு பதிலும் அவரேச் சொல்வதாக மொத்தப் பேச்சும் இருந்தது. “நம்முடைய நிலத்த யாரோ ஒருத்தன் வந்து  culture செய்வதை நாம் அனுமதிப்போமா? வெட்டுக்குத்து, பஞ்சாயத்து என அவ்வளவு அலப்பரை செய்வோம். ஆனா நம்ம மூளைய மட்டும் காலகாலமா எவன் எவனோ cultureசெய்றானே, அதுபத்தி யோசிக்கவாவது செய்றோமா?” என்ற அவரது உரை கலாச்சாரம் குறித்த பல கேள்விகளை தொழிற்சங்க அரங்கத்தில் எழுப்புவதாய் அமைந்திருந்தது. புதுவை பாரதியார் கிராம வங்கி ஊழியர்கள் சங்கத்திலிருந்து வந்திருந்த தோழர் செந்தமிழ்ச்செல்வன் மாநாட்டை வாழ்த்திப் பேசினார். 

அடுத்து நமது அகில இந்திய பொதுச் செயலாளர் தோழர்.திலிப் குமார் முகர் ஜி பலத்த கரவொலிகளுக்கிடையில் பேச ஆரம்பித்தார்.  BEFI-TN  செயலாளர் தோழர்.சி.பி.கிருஷ்ணன் அவர்கள் மிக அற்புதமாக அவரது பேச்சை மொழியாக்கம் செய்தார். AIRRBEA என்னும் நமது அகில இந்திய சங்கம், கிராம வங்கி ஊழியர்களின் வாழ்வில் எப்படி இரண்டறக் கலந்து இருக்கிறது என்பதை நிலைநிறுத்துவதாக தோழர்.முகர்ஜியின் உரை இருந்தது. சமவேலைக்கு சம ஊதியம் என்னும் கோரிக்கையை வென்றெடுத்தது,  அதில் இருந்த அனாமலிகளைச் சரிசெய்தது, பிரமோஷன்களில் முன்னேற்றம் காணப் போராடியது என நீண்ட வரலாற்றில், நாம் இப்போது எங்கே இருக்கிறோம் என்பதை உணர்த்தியது. கிராம வங்கிகளை கார்ப்பரேட் நிறுவனக்களுக்கு தாரை வார்க்க அரசு செய்யும் முயற்சிகளைக் குறிப்பிட்டு, நாம் அதனை முறியடிப்போம் என சூளுரைத்தார். ‘தேசீய கிராமப்புற வங்கி' என்பதுதான் பல பிரச்சினைகளுக்குத் தீர்வு என்பதையும், அதை முன்னெடுத்துச் செல்ல அவசியத்தையும் எடுத்துரைத்தார். 

இறுதியாக பென்ஷன் குறித்து நாம் தொடர்ந்த வழக்கினையும், அதைத் தொடர்ந்து அரசோடு நாம் நடத்திய பேச்சு வார்த்தைகளையும், அரசுக்கெதிராக நாம் நடத்திய போராட்டங்கலையும் விவரித்தார். இப்போது, ‘பென்ஷன் கொடுத்தே ஆக வேண்டும்' என்னும் நிலைமை அரசுக்கு ஏற்பட்டு இருப்பதையும், அதற்கான வழிமுறைகளை ஆராயும் கட்டத்திற்கு அரசு இறங்கி வந்திருப்பதையும் ஒவ்வொன்றாக விளக்கினார். அதற்கான நிதி 9000 கோடி தேவைப்படுவதையும், கையிருப்பில் 2000 கோடி இருப்பதையும், இன்னும் 7000 கோடிக்கு என்ன செய்வது என்று அரசு நம்மிடம் யோசனைகள் கேட்பதையும் தெரிவித்தார். நாம் ‘சம வேலைக்கு சம ஊதியம்' அமல் செய்யப்பட்ட 1992ம்  வருடத்திலிருந்து, பென்ஷன் அளிக்க வேண்டும் என்று கோரிக்கை வைத்திருப்பதையும், அரசு 1995ம் ஆண்டிலிருந்து  தருவதற்கான சாத்தியங்கள் இருப்பதையும் சொல்லி, “இன்னும் அதிக பட்சம் மூன்று மாதங்களுக்குள் பென்ஷன் கிராம வங்கி ஊழியர்களுக்கும், அலுவலர்களுக்கும் கிடைக்கும்” என உறுதிபடத் தெரிவித்தார். வந்திருந்தவர்களின் உற்சாக கரவொலிகள் அடங்க வெகுநேரம் பிடித்தது.

அத்துடன் பொது மாநாடு நிறைவடைந்தது.  நம்பிக்கையில் நிறைந்து நின்ற நம் தோழர்கள், அற்புதமான மதிய உணவை ரசித்தனர்.

பிரதிநிதிகள் மாநாடு:

மதியத்திற்கு மேல்  PGBOU, PGBEA வின் பிரதிநிதிகள் மாநாடு தனித்தனியே நடந்தது.  PGBOUவின் பிரதிநிதிகள் மாநாட்டில் முன்னாள் பொதுச்செயலாளர் தோழர்.பாரதி கிருஷ்ணகுமார் சிறப்புரையாற்றினார்.  PGBOU  உறுப்பினர்களின் சந்தாத்தொகை ரூ 100/லிருந்து ரூ.150/ஆகவும், PGBEA  உறுப்பினர்களின் சந்தாத் தொகை ரூ 50/-லிருந்து ரூ.100/ஆகவும் இம்மாநாடுகளில் உயர்த்தப்பட்டு இருக்கின்றன.

இரண்டு சங்கங்களின் பிரதிநிதிகள் மாநாட்டிலும் பொதுச்செயலாளர் அறிக்கைகளும், வரவு செலவு அறிக்கைகளும் வைக்கப்பட்டன. தோழர்கள் ஆக்க பூர்வமான விவாதங்களுக்கும், விமர்சனங்களுக்குப் பிறகு இரண்டு சங்கங்களின் புதிய செயற்குழுக்களும் ஏகமனதாக தேர்ந்தெடுக்கப்பட்டன.

PGBOU புதிய செயற்குழு:

1.President : தோழர். போஸ்பாண்டியன் (விருதுநகர்)
2.Vice president :    ” ”  . விஸ்வநாதன் (சிங்கம்புனரி)    
3.General Secretary :   ” ”     . சங்கரலிங்கம் (வட்டார அலுவலகம், தூத்துக்குடி)
4. Joint Secxretary :   ” ”  . சுல்பிஹர் அலி (கடமலைக்குண்டு)
5. treasurer :   ” ”  . பெருமாள் சாமி (கல்குறிச்சி)
6. Asst.Trearurer :   ” ”  . சுப்புராஜ் (தலைமையலுவலகம்)
7. EC member :    ” ”  . சாமுவேல் ஜோதிக்குமார் ( ஒத்தக்கடை)
8. ” ”  :    ” ”  . சண்முகநாதன் (வள்ளியூர்)
9. ” ”  :    ” ”  . நடராஜன் (வட்டார அலுவலகம், 
திருநெல்வேலி)
10. ” ”  :     ” ”  .நரேன் (மானாமதுரை)
11. ” ”  :     ” ”  . முத்துக்கருப்பன் ( புளியால்)

PGBEA புதிய செயற்குழு:

1.President : தோழர். மாதவராஜ் (சாத்தூர்)
2.Vice president :    ” ”  . சங்கர் (சங்கரலிங்கபுரம் ) 
3.Vice president :    ” ”  . அருண் பிரசாத் சிங் (வி.எம்.சத்திரம்)     
4.General Secretary :   ” ”     . சோலைமாணிக்கம் (விருதுநகர்)
5. DGS :   ” ”  . காமராஜ் (ஏழாயிரம் பண்ணை)
6. AGS :   ” ”  . சுப்பிரமணியன்(பழைய பேட்டை)
7. AGS :   ” ”  . அண்டோ கால்பட்(பசுவந்தனை)
8. treasurer :   ” ”  . சுந்தர வடிவேல்(டி.யூ.மங்கை)
9. Asst.Trearurer :   ” ”  . அருளானந்தம்(பரமக்குடி)
10. EC member :    ” ”  . சட்டையப்பன்( வள்ளியூர்)
11. ” ”  :    ” ”  . ராஜேந்திரன் (திருமங்கலம்)
12. ” ”  :    ” ”  . பாலசுப்பிரமணியன்(பாரதிநகர்)
13. ” ”  :     ” ”  .நாசர் (எஸ்.வி.கரை)
14. ” ”  :     ” ”  . சுப்புலட்சுமி ( சிவகாசி)
15. ” ”  :     ” ”  .புஷ்பராணி ( புதுக்குடி)
16. ” ”  :     ” ”  . சிவகாமி ( பாப்பாக்குடி)
17. ” ”  :     ” ”  . சந்திரசேகர்( காரைக்குடி)
18. ” ”  :     ” ”  . ராஜமனோஹர் ( ஏர்வாடி-R)
19. ” ”  :     ” ”  . சக்திவேல் ( பேரையூர்)


முதன் முறையாக நமது சங்க செயற்குழுவில் மூன்று பெண் தோழர்கள் தேர்ந்தெடுக்கப்பட்டு இருக்கின்றனர். புதிதாக பணி நியமனம் செய்யப்பட்ட தோழர்களில் மூன்று தோழர்களும், சங்க செயற்குழ்வில் இணைக்கப்பட்டு இருக்கின்றனர். இதுவும் இம்மாநாட்டின் புதிய அத்தியாயங்கள்.

AIRRBEA-TN மாநில மாநாடு:

மாலை ஐந்து மணி அளவில், நமது மாநில மாநாடு நடைபெற்றது. இப்போது புதுவையிலிருந்தும்  கிராம வங்கிகள் ஆரம்பிக்கப்பட்டு அங்குள்ள் சங்கம் நம்மோடு இணைக்கப்பட்டு இருப்பதால், இனி AIRRBEA - TN and Pondicherry  என சங்கம் விரிக்கப்பட வேண்டும் என தீர்மானிக்கப்பட்டது. இப்போது நமது மாநில அமைப்பில்  6  உறுப்புச் சங்கங்கள் இருக்கின்றன. புதிதாக மாநிலக்குழுவும் தேர்ந்தெடுக்கப்பட்டது. தோழர். பாரதி கிருஷ்ணகுமார் நிறைவுரையாற்றினார்.
புதிய மாநிலக்குழு:

1.President : தோழர். பிச்சைமுத்து (Pandyan GBOU)
2.Vice president :    ” ”  .செல்வகுமார் திலகராஜ் (Pandyan GBOU ) 
3.Vice president :    ” ”  . சிவராமன்(Puduvai barathiyar GBOU)     
4.General Secretary :   ” ”     . சோலைமாணிக்கம் (Pandyan GBEA)
5. JGS :   ” ”  . காமராஜ் (Pandyan GBEA)
6. JGS :   ” ”  . சுரேஷ்(Pallavan GBEU)
8. treasurer :   ” ”  . சாமுவேல் ஜோதிக்குமார்(Pandyan GBOU)
9. Asst.Trearurer :   ” ”  . சீனிவாசன்(Pallavan GBEU)
10. EC member :    ” ”  . மாதவராஜ்( Pandyan GBEA)
11. ” ”  :    ” ”  . சங்கரலிங்கம் (Pandyan GBOU)
12. ” ”  :    ” ”  . விஸ்வநாதன் (Pandyan GBOU)
13. ” ”  :     ” ”  .கணேசன்  (Pandyan GBOU)
14. ” ”  :     ” ”  . சுப்பிரமணியன் ( Pandyan GBEA)
15. ” ”  :     ” ”  .அண்டோ கால்பட்( Pandyan GBEA)
16. ” ”  :     ” ”  . அருண் பிரசாத் சிங் (Pandyan GBEA)
17. ” ”  :     ” ”  . சிவசங்கரன்(Pallavan GBOU)
18. ” ”  :     ” ”  . மஹேஸ்வரன்( Pallavan GBOU)
19. ” ”  :     ” ”  . ஸ்ரீனிவாச மூர்த்தி (Pallavan GBOU)
19. ” ”  :     ” ”  . ரவீந்திரன்((puthuvai barathiar GBEU)
19. ” ”  :     ” ”  . சசிக்குமார்((puthuvai barathiar GBEU)
19. ” ”  :     ” ”  . செந்தமிழ்ச்செல்வன்(puthuvai barathiar 
GBEU) 
19. ” ”  :     ” ”  . முருகன் (puthuvai barathiar GBOU)
19. ” ”  :     ” ”  . விஜய் ஜெயந்திநாதன் (puthuvai barathiar 
GBOU)
19. ” ”  :     ” ”  . சிவராமன் (puthuvai barathiar GBOU)

தோழர்களே!

மிகுந்த நம்பிக்கைக்குரிய செய்திகள் இந்த நேரத்தில் வந்திருக்கின்றன. நம் எதிர்காலத்தை உத்திரவாதப்படுத்தும் நிலைமை உருவாகி இருக்கிறது. மாற்றங்களை நோக்கிய நமது பயணம் தொடர்கிறது.  நம் சங்கங்களின் நடவடிக்கைகள்  செயல் ஊக்கம் பெறுகின்றன.
இந்த நாள் நமது நாள்.
இனி வரும் நாட்களும் நமது நாட்களே!!

தோழமையுடன்

(M.சோலைமாணீக்கம்) (T.சங்கரலிங்கம்)
பொதுச்செயலாளர் - PGBEA பொதுச்செயலாளர் - PGBOU

14.6.2011- EA , OU சப் கமிட்டி

14.6.2011 அன்று பாண்டியன் கிராம வங்கி ஊழியர்கள் சங்கம் (Pandyan Grama Bank Employees Association) மற்றும் பாண்டியன் கிராம வங்கி ஆபிஸர்ஸ் யூனியன் (Pandyan Grama Bank Officers Union) சப் கமிட்டி திருநெல்வேலியில் கூடியது.

PGBEA சார்பில் தலைவர் மாதவராஜ், உதவித்தலைவர்கள் சங்கர், அருண் பிரகாஷ்சிங், உதவிப்பொதுச்செயலாளர் சுப்பிரமணியன் ஆகியோரும், PGBOU  சார்பில் பொதுச்செயலாளர் சங்கரலிங்கம், லீகல் அட்வைசர் செல்வகுமார் திலகராஜ், செயற்குழு உறுப்பினர்கள் நடராஜன், சண்முகநாதன் ஆகியோர் கலந்துகொண்டனர்.

ஜூலை 7ம் தேதி ஒருநாள் வேலை நிறுத்தம் குறித்த விவாதிக்கப்பட்டது.

அகில இந்திய அளவில், AIBEA, NCBE, AIBOC, BEFI ஆகிய சங்கங்கள், வங்கித்துறையையும், வங்கி ஊழியர்களின் எதிர்காலத்தையும் பாதுகாக்க இந்த ஒருநாள் வேலை நிறுத்தத்தில் ஈடுபடுகின்றன.

நமது அகில இந்திய கிராமப்புற வங்கி ஊழியர்கள் சங்கம் (All India Regional Rural Bank Employees Association), தனக்குரிய சமூக தொலை நோக்குப் பார்வையுடன் இந்த வேலைநிறுத்தத்தில் ஈடுபடுவதாக அறிவித்துள்ளது.  எனவே நாமும் ஜூலை 7ம் தேதி வேலை நிறுத்தத்தில் ஈடுபடுகிறோம். நமது சங்க சுற்றறிக்கையில் தெளிவாக சொல்லியிருக்கிறோம்.

22.6.2011 அன்று தலைமையலுவலகம் முன்பாக இந்த வேலைநிறுத்தம் குறித்து மாலை நேர ஆர்ப்பாட்டம் நடத்த இருக்கிறோம்.

25.6.2011 அன்று திருநெல்வேலியிலும், 30.6.2011 அன்று மதுரையிலும் நமது இரு சங்கங்களின் சார்பில் உறுப்பினர்கள் சந்திப்பும் நடத்த இருக்கிறோம்.

11.6.2011 - நமது சங்க சப் கமிட்டி

11.6.2011 அன்று நமது சங்க சப் கமிட்டி காரைக்குடி அருகில் பள்ளத்தூரில் நடைபெற்றது.

தலைவர்.மாதவராஜ், பொதுச்செயலாளர்.சோலைமாணிக்கம், உதவித்தலைவர்கள் தோழர் சங்கர், உதவிப்பொதுச்செயலாளர்கள் தோழர் சுப்பிரமணியன், தோழர் அண்டோ கால்பட், உதவிப்பொருளாளர்.தோழர் அருளானந்தம், செயற்குழு உறுப்பினர்கள் சுரேஷ் பாபு, சந்திரசேகர் ஆகியோர் கலந்து கொண்டனர்.

மாறுதல்கள், புதிய பதவி நியமனம், ஜூலை 7 அகில இந்திய வேலை நிறுத்தம் குறித்து விரிவாக விவாதிக்கப்பட்டது.

7.6.2011 - வங்கிச் சேர்மனுடன் பேச்சுவார்த்தை

7.6.2011 அன்று வங்கிச் சேர்மன் அவர்களுடன் பேச்சுவார்த்தை நடைபெற்றது.

நமது தரப்பில் தலைவர்.மாதவராஜ், உதவித்தலைவர்.சங்கர், உதவிப்பொதுச் செயலாளர் தோழர்.சுப்பிரமணியன் ஆகியோர் கலந்து கொண்டனர்.

மாறுதல்கள், கிளைகளில் ஆள் பற்றாக்குறை, புதிய பதவி நியமனம், computer increment, Newspaper allowance, compliment  குறித்து பேசப்பட்டது.

பாண்டியன் கிராம வங்கியில் புதிய பணி நியமனம்!

நமது பாண்டியன் கிராம வங்கியில் கிளரிக்கல் மற்றும் ஆபிஸர்களுக்கான புதிய பணி நியமனப் பணிகள் நடைபெற்று வருகின்றன.

15.6.2011 அன்று, முதற்கட்ட நேர்முகத்தேர்வு நடைபெற்றது.

இதில் ஆபிஸர்களுக்குரிய 85 போஸ்ட்களுக்கு 37 பேரே, எழுத்துத் தேர்வில் வெற்றி பெற்றிருந்தனர். அவர்களிலும் 29 பேரே, நேர்முகத்தேர்வில் பங்கு பெற்றனர்.;

எழுத்தர்களுக்கு 15.6.2011, 16.6.2011, 17.6.2011, 18.6.2011, 20.6.2011 ஆகிய நாட்களில் நேர்முகத் தேர்வு, விருதுநகரில் உள்ள தலைமையலுவலகத்தில் வைத்து நடைபெறுகிறது.

ஜூன் இறுதி வாரத்தில் முடிவுகள் அறிவிக்கப்பட்டு, ஜூலை முதல் வாரத்தில், புதியவர்கள் பணியில் அமர்த்தப்படுவார்கள் என நிர்வாகத்தரப்பில் சொல்லப்படுகிறது.