Showing posts with label training. Show all posts
Showing posts with label training. Show all posts

2.9.13

PGBEA NEWS : 2.9.2013



Transfers:

Transfer குறித்த பணிகள் இன்னும் நிர்வாகத்தரப்பில் முழுமையடையவில்லை. வங்கியின் சேர்மன்  பூனாவுக்குச் செல்வதால், டிரான்ஸ்பர்கள் 4ம் தேதிக்குப் பிறகுதான் வெளியிடக் கூடிய சாத்தியங்கள் இருப்பதாகச் சொல்லப்பட்டது. நேற்று பொதுமேலாளரை சந்தித்துப் பேசிய PGBEA தலைவர்கள், தாங்கள் 4ம் தேதி கல்கத்தாவுக்குச் செல்லவிருப்பதால், அதுசமயம் டிரான்ஸ்பர்கள் போட வேண்டாமென்றும், கல்கத்தாவிலிருந்து திரும்பி வந்த பிறகு, 10ம் தேதிக்குப் பிறகு டிரான்ஸ்பர்கள் போடலாமே என்று தங்கள் கருத்தைத் தெரிவித்தனர். நிர்வாகமும் ஒப்புக்கொண்டு இருக்கிறது. எனவே, ஆபிஸர்கள், கிளர்க்குகள், மெஸஞ்சர்கள் அனைவருக்கும் சேர்த்து மொத்தமாக, செப்டம்பர் 10ம் தேதிக்குப் பிறகு டிரான்ஸ்பர் ஆர்டர்கள் வெளியிடப்படும்.

Training:

புதிதாக பணிக்குச் சேர்ந்த கிளரிக்கல் தோழர்களுக்கு செப்டம்பர்  2ம் தேதி முதல்  3 நாட்கள் தலைமையலுவலகத்தில் வைத்து Training  கொடுக்கப்படுகிறது. ஒவ்வொரு Regionக்கும் 10 பேர் வீதம் மொத்தம் 40 பேருக்கு Training  கொடுப்பதற்கு ஏற்பாடு செய்யப்பட்டு இருக்கிறது. இந்த Training-ன் போது அவர்களது original certificate அவர்களுக்குத் திருப்பிக் கொடுக்க நிர்வாகம் சம்மதம் தெரிவித்திருக்கிறது.

Staff Housing Loan and Staff vehicle Loan:

ஸ்பான்ஸர் வங்கிக்கு இணையாக Staff Housing Loan மற்றும்  Staff vehicle Loan வழங்கப்பட வேண்டுமென தொடர்ந்து PGBEAவும், PGBOUவும் வலியுறுத்தி வந்தன. சமீபத்தில் நடந்த போர்டு மீட்டிங்கில் இந்த கோரிக்கை நிறைவேற்றப்பட்டு இருக்கிறது. இதன் மூலம் கிளரிக்கல் தோழர்களுக்கு Staff Housing Loan 8 லட்சமும், ஆபிஸர்களுக்கு 12 லட்சமும் வழங்கப்படும். Confirm ஆன அனைவரும் இந்த கடன்களைப் பெற தகுதியுள்ளவராகின்றனர்.

Disciplinary Proceedings:

வரும் காலங்களில், ஒழுங்கு நடவடிக்கைகளின் எண்ணிக்கை குறைக்கப்பட்டு, வங்கியில் பணிபுரிவர்களிடம் ஒரு அச்சமற்ற மனநிலை உருவாக வழிவகுக்க வேண்டுமென Enquiry Officers, Presenting Officers மீட்டிங்கில் நிர்வாகத்தரப்பில் அறிவுறுத்தப்பட்டதாகச் சொல்லப்படுகிறது. அது உண்மையாய் இருக்க வேண்டுமென்பது அனைவரின் விருப்பமாக இருக்கிறது.

Recruitment:

ஒவ்வொரு பதவியிலும் 2013ம் வருடத்திற்கான காலியிடங்கள் அடையாளம் காணப்பட்டு  Board meetingல் இறுதி செய்யப்பட்டு இருக்கிறது. இப்போது ஐ.ஓ.பிக்கு அனுப்பபட்டு இருக்கிறது. ஐ.ஓ.பியின் அனுமதி பெற்றவுடன்,  பதிய பணி நியமனத்திற்கான பணிகள் துவங்கப்படும் எனத் தெரிகிறது.

விளையாட்டு:

திருநெல்வேலியில் நடந்த கிரிக்கெட் போட்டியின் அனுபவத்தை, வங்கியின் வளர்ச்சிக்கு பயன்படுத்த நிர்வாகம் தீமானித்துள்ளதாக தெரிகிறது. அடுத்து காரைக்குடியில் கிரிக்கெட் போட்டியை ஒட்டி,  deposit campagin மற்றும் Marketingஐயும் இணைத்து நடத்தலாம் என ஆராய்ந்து வருகிறது.

(இனி அவ்வப்போது இதுபோல செய்திகள் வாசிக்கப்படும்.)

17.6.12

Free coaching class to Dalit youths and staff relatives for IBPS written exam



கிராம வங்கிகளில் office Assistants  மற்றும் Officers பணிநியமனத்திற்காக வருகிற செப்டம்பர் முதல் வாரத்தில் IBPS  எழுத்துத் தேர்வு நடத்த அறிவிப்பு வெளியாகி இருக்கிறது. Onlineல் apply  செய்யக் கடைசி நாள் 25.6.2012. இதுகுறித்து ஏற்கனவே நமது வெப்சைட்டில் செய்திகள் வெளியிட்டு இருக்கிறோம்.

இந்த எழுத்துத் தேர்வில் பெற்ற மதிப்பெண்களை வெளியிட்டு, தேர்வு எழுதிய எல்லோருக்கும் Mark sheetஐ IBPS செப்டம்பர் இறுதிக்குள் கொடுத்துவிடும். அதற்குப் பிறகு பாண்டியன் கிராம வங்கி, பல்லவன் கிராம வங்கி, புதுவை பாரதியார் கிராம வங்கி நிர்வாகங்கள் தங்களுக்குத் தேவையான பணியிடங்களைக் குறிப்பிட்டு விளம்பரங்கள் செய்வார்கள். அதில் IBPS நடத்திய எழுத்துத் தேர்வில் எத்தனை சதவீதம் மதிப்பெண்கள் பெற்றவர்கள் விண்ணப்பிக்கலாம் எனக் குறிப்பிடுவார்கள். அதன் அடிப்படையில் விண்னப்பங்கள் பெற்று, அவர்களுக்கு நேர்முகத் தேர்வு நடத்தி, புதிய பணிநியமனங்கள் கிராம வங்கிகளில் நடைபெற இருக்கின்றன.

போட்டோ, கையெழுத்து முதற்கொண்டு அனைத்தையும் scan  செய்து online application லேயே அனுப்ப வேண்டும். மேலும் credit/debit   cardகள் மூலமும் fees  செலுத்தலாம். ஓரளவுக்கு இதைப் பற்றித் தெரிந்த, நகரம் சார்ந்த மக்களுக்கு இந்த முறைகள் சாத்தியமாகிவிடும். ஆனால் கிராமப்புறத்தில் உள்ளவர்களுக்கும், அதிலும் குறிப்பாக தலித் மக்களுக்கும் இந்த முறைகள் மிகப் புதியவையாகவும், அதற்கான வாய்ப்பும் வசதியும் இல்லாமலும் இருக்கும்.

அவர்களுக்கு இதுகுறித்து தெரியப்படுத்தவும், onlineல் apply செய்ய உதவவும், அவர்களுக்கு எழுத்துத் தேர்வுக்கான பயிற்சி அளிக்கவும் ‘அம்பேத்கர் கல்வி மற்றும் வேலை வாய்ப்பு பயிற்சி மையம்’ கோவையில் 2009ல் துவங்கப்பட்டு, இன்று தமிழகமெங்கும் திருநெல்வேலி, மதுரை உட்பட 11 மையங்களில் செயல்பட்டு வருகிறது. இன்று அதன் மூலம் பல தலித் இளைஞர்கள் பல்வேறு துறைகளிலும் வேலைவாய்ப்பு பெற்று வருகின்றனர். பெரும்பாலும் இந்த மையங்களை அகில இந்திய இன்சூரன்சு ஊழியர்கள் சங்கத்தின் தோழர்களே நடத்தி வருகின்றனர். மதுரையில் போக்குவரத்து ஊழியர்கள் சங்கம் இந்த காரியத்தில் ஈடுபட்டு வருகிறது.

கிராம வங்கிகளில் நடைபெற இருக்கும் பணிநியமனங்களையொட்டி, PGBEAவும், PGBOUவும் இந்த இயக்கத்தில் இணைந்து விருதுநகரை மையமாக வைத்து ஒரு பயிற்சிமுகாம் நடத்தலாம் என யோசித்தோம். அதன் அடிப்படையில் நேற்று 16.6.2012 அன்று மாலை 5 மணிக்கு நமது சங்க அலுவலகத்தில் ஒரு ஆலோசனைக் கூட்டம் நடைபெற்றது.


அம்பேத்கர் கல்வி மையத்தின் சார்பில் தோழர் கணேஷ் கோவையில் இருந்து வந்து கலந்துகொண்டார். மதுரை, அருப்புக்கோட்டை, விருதுநகர் பகுதிகளில் பணிபுரியும் இன்சூரன்ஸ் ஊழியர்கள் கலந்துகொண்டனர். தீண்டாமை ஒழிப்பு முன்னணியின் சார்பில் தோழர்கள் முருகேசன், ஞானகுரு கலந்து கொண்டனர். நம் தரப்பில் தோழர்கள் போஸ்பாண்டியன், மாதவராஜ், பெருமாள்சாமி, பார்த்தசாரதி(sattur), பிரான்சிஸ்(HO), பாலாஜி (HO) கலந்துகொண்டோம்.

தீண்டாமை ஒழிப்பு முன்னணி மற்றும் தலித் அமைப்புகள் மூலம் இந்த பயிற்சிமுகாம் குறித்து தெரியப்படுத்துவது, கல்வித்தகுதியுள்ள தலித் இளைஞர்களை online apply செய்ய உதவுவது, விருதுநகரில் நமது சங்க அலுவலகத்தில் வைத்து பயிற்சிமுகாம் நடத்துவது எனவும் திட்டமிடப்பட்டு ஏற்பாடுகள் செய்யப்பட்டு வருகின்றன. தலித் இளைஞர்களோடு, நமது வங்கியில் பணிபுரியும் ஊழியர்கள் மற்றும் அலுவலர்களின் சொந்தங்களுக்கும் இந்த பயிற்சியளிக்க வேண்டும் என்னும் நமது யோசனையையும் வந்திருந்தவர்கள் ஏற்றுக்கொண்டார்கள்.

ஜுலை 1ம் தேதி இந்த பயிற்சிமுகாம் ஆரம்பித்து ஒவ்வொரு ஞாயிற்றுக்கிழமையும் நமது சங்க அலுவலகத்தில் வைத்து ஆக்ஸ்ட் இறுதிவரை எட்டு வாரங்கள் நடைபெறும். அதற்கென syllabus உடன் பாடங்கள் முறையாக நடத்தப்படும். நம் தோழர்கள் தாங்கள் பணிபுரியும் கிளைகளில் வரும் வாடிக்கையாளர்களிடம் இதுகுறித்துத் தெரிவியுங்கள். இன்னும் apply செய்ய ஒரு வாரமே இருக்கிறது. அவர்களுக்குத் தெரிந்தவர்களை online apply செய்யச் சொல்லுங்கள். தாங்களும் அதற்கு உதவுங்கள். அதுகுறித்து விளக்கங்கள் வேண்டியிருந்தால் இந்த தொலைபேசி எண்களோடு தொடர்பு கொள்ளுங்கள்.
தோழர் பவளவண்ணன் - 9965690611
தோழர். ஞானகுரு - 9442312040
தோழர்.பரமசிவம் - 9486026779
தோழர். ராஜாராம் - 9443731165

நம் வங்கியில் பணிபுரியும் தோழர்களின் சொந்தங்கள் பயிற்சி பெற விரும்பினால், தோழர்கள் போஸ்பாண்டியன் மற்றும் மாதவராஜ் ஆகியோரோடு தொடர்பு கொள்ளுங்கள்.

15.4.12

Training for messengers

நேற்று, 14.4.2012 அன்று, மதுரையில் வைத்து திட்டமிட்டபடி, மெஸஞ்சர்த் தோழர்களுக்கான training  நடந்தது.

துவக்கி வைத்துப் பேசிய தோழர்.சோலைமாணிக்கம், பத்தாம் வகுப்பில் தேர்ச்சி பெற்று இருக்க வேண்டும் என்று நிர்வாகம் செய்த முயற்சிகளை முடித்து, அனைவரையும் பதவி உயர்வுக்கு அழைக்க PGBEA செய்த முயற்சிகளை தெளிவு படுத்தினார். மாற்று சஃங்கம் PGBWU இவ்விஷயத்தில் நிர்வாகத்திற்கு ஆதரவாகவும், ஊழியர்களுக்கு விரோதமாகவும் நிலைபாட்டை எடுத்ததை அம்பலப்படுத்தினார்.

தோழர்.முத்துராமலிங்கம் (நமது தோழர்.போஸ்பாண்டியன் சகோதரர்) அவர்கள் ஆங்கிலத்திலும், நமது PGBEA தோழர்.கோபால் சுப்பிரமணியன் (சாம்பவார் வடகரை கிளை) அவர்கள் கணிதத்திலும் பயிற்சி கொடுத்தனர். காலை 10.30 மணி தொடங்கி மாலை 6.30 வரை நடந்த நிகழ்வில், தோழர்கள் தங்கள் சந்தேகங்கள் பலவற்றைப் பகிர்ந்து கொண்டனர். விளக்கம் பெற்றனர். தோழர்.மாதவராஜ் இறுதியாக, தேர்வு எழுதும் முறை குறித்தும், தேர்வில் வெற்றி பெறுவதற்கான வழிகள் குறித்தும் யோசனைகள் தெரிவித்தார்.


இந்த பயிற்சி முகாம் சிறப்பாக நடைபெற, ஏற்பாடுகள் செய்த தோழர்.சுரேஷ்பாபு (திருமங்கலம்) அவர்களுக்கு நன்றி தெரிவிக்கப்பட்டது.

பயிற்சி முகாமின் காட்சிகள்:











1.8.11

Accommodation for new clerical recruitees during training at PGB Head Office

புதிதாக பணிநியமனம் செய்யப்பட்ட கிளரிக்கல் தோழர்களுக்கு ஆகஸ்ட் 3,4,5,6 தேதிகளில் முதல் Batch ஆகவும், ஆகஸ்ட் 8,9,10,11 தேதிகளில் இரண்டாம் Batchஆகவும் பாண்டியன் கிராம வங்கி தலைமையலுவலகத்தில் வைத்து training இருக்கிறது.

பாண்டியன் கிராம வங்கி தலைமையலுவலகம் அமைந்திருக்கிற விருதுநகர் கலெக்டர் ஆபிஸ் வளாகம் மதுரை-திருநெல்வேலி நெடுஞ்சாலையில், விருதுநகருக்கு வெளியே அமைந்திருக்கிறது.  Training  வருகிறவர்கள் தங்க வேண்டுமானால் லாட்ஜ்களோ, மேன்ஷன்களோ விருதுநகர் ஊருக்குள்ளேதான் அமைந்திருக்கின்றன. அங்கிருந்து பஸ்ஸோ, ஆட்டோவோ பிடித்துத்தான் வரவேண்டும். கலெக்டர் ஆபிஸ் அருகில் லாட்ஜ்கள் இல்லை.

எனவே, training  வருகிறவர்களின் வசதியைக் கவனத்தில் கொண்டு, PGBEA கலெக்டர் ஆபிஸ் அருகிலேயே, அவர்கள் தங்குவதற்கான இடங்களை ஏற்பாடு செய்திருக்கிறது. இரண்டு சங்க அலுவலகக் கட்டிடங்களும், 11 அறைகள் கொண்ட ஒரு மேன்ஷனும் இருக்கின்றன. கலெக்டர் ஆபிஸுக்கு எதிரே Regional Transport Office (RTO) அலுவலகம் அருகே உள்ள CO colonyயில் அமைந்திருக்கின்றன. எனவே accommodationக்காக தனியாக trainees  செலவு செய்யத் தேவையில்லை. மேலும் ஒரே இடத்தில் அருகருகே தங்கிக்கொள்வதன் மூலம் உங்களுக்குள் பரிச்சயமும்,புரிந்துணர்வும் ஏற்படும்.

ஆண்கள் தங்குவதற்கு ஒரு தனிக் கட்டிடமும், பெண்கள் தங்குவதற்கு தனிக் கட்டிடமும், குடும்பத்தோடு வருகிறவர்கள் தங்க ஒரு மேன்ஷனும் (சுகன்யா மேன்ஷன்) என திட்டமிடப்பட்டு இருக்கின்றன. (படத்தில் காண்க).

(படத்தை கிளிக் செய்து பெரிதாக காணலாம்)
Print/download

மொத்தம் 50 பேர் வரை ஒரே சமயத்தில் தங்கிக் கொள்ள முடியும். இதுவரை 11 பெண் தோழர்களும், 21 ஆண் தோழர்களும் தங்க வருவதாகச் சொல்லியிருக்கின்றனர். மேலும் accommodation விரும்புகிறவர்கள் கீழ்க்கண்ட போன்களிலோ, இ-மெயில் முகவரியிலோ உடனடியாக தொடர்பு கொள்ளும்படி வேண்டிக் கொள்கிறோம். ஏற்கனவே வருவதாகச் சொன்னவர்கள், தாங்கள் எப்போது விருதுநகர் வருகிறீர்கள் என்பதைத் தெரியப்படுத்துங்கள்.

போன்கள்:
9443866719
9443373135

இ-மெயில்கள்
pgbea.vnr@gmail.com
gs@pgbea.net

மதுரையிலிருந்து திருநெல்வேலி வழியாகச் செல்கிற பேருந்துகளும், திருநெல்வேலியிலிருந்து மதுரை வழியாகச் செல்கிற பேருந்துகளும், Virudhunagar collectorate ல் நிற்கும்.

சுகன்யா மேன்ஷக்கு எதிரே PGBOUவின் உறுப்பினரும், பாண்டியன் கிராம வங்கி மேலாளர்களில் ஒருவருமான தோழர்.விஜயராகவன் அவர்களின் வீடு இருக்கிறது. தங்களின் உதவிக்கு அவரையும் நாடலாம். அவரது போன் நம்பர்: 9442060454.

நமது PGBEA  தோழர்களும் ஆகஸ்ட் 2 ம் தேதி இரவிலிருந்து சங்க அலுவலகத்தில் இருப்பார்கள். அவர்களும் தங்களுக்கு உதவுவார்கள்.

மேலும் விபரங்களுக்கு FEEDBACK மூலம் தொடர்பு கொள்ளலாம்.

21.7.11

Training to new Recruitees in PGB head office

clerical-ஆக புதிதாக பணிநியமனம் செய்யப்பட்டவர்களுக்கு இரண்டு batchகளாக பிரித்து விருதுநகரில் உள்ள தலைமையலுவகத்தில் வைத்து Training  கொடுப்பதென நிர்வாகம் தீர்மானித்திருக்கிறது. ஒவ்வொரு Batchக்கும் மூன்று நாட்கள் training  நடத்தவும் முடிவு செய்திருக்கிறது.

முதல் Batchக்கான training ஆகஸ்ட் 3ம் தேதி ஆரம்பிக்கிறது. அதில் 69 பேர் இடம் பெறுகிறார்கள். அவர்கள் அனைவருக்கும் நேற்று (20.7.11) அன்று தலைமையலுவலத்தில் இருந்து உரிய தபால்கள் அனுப்பப்பட்டு விட்டன.

Training  முடிந்ததும், புதிதாக பணி நியமனம் செய்யப்பட்டவர்கள், கிளைகளில்  பணியில் சேர வேண்டியிருக்கும்.

கடுமையான ஆள் பற்றாக்குறையால் மூச்சு முட்டிக்கொண்டு இருக்கும், பாண்டியன் கிராம வங்கிக் கிளைகளும், ஊழியர்களும் சற்று ஆசுவாசப்படுத்திக் கொள்ளலாம். புதிய காற்றாக, இளைஞர்கள் வருகிறார்கள்.