Showing posts with label photos. Show all posts
Showing posts with label photos. Show all posts

28.8.14

All Trade Unions in PGB - Gate Meeting on 27.8.2014

பாண்டியன் கிராம வங்கி நிர்வாகத்தின் அணுகுமுறையும், செயல்பாடுகளும் மிக மோசமான நிலையில் இருக்கிறது.

16.7.14

PGBEA - PGBWU இணைப்பு மாநாடு!

13.7.2014,!
ஞாயிற்றுக்கிழமை!!

 நமது தொழிற்சங்க இயக்க வரலாற்றில் மிக முக்கியமான நாளாகி விட்டிருந்தது. மாநாடு நடந்த ‘ஆரியாஸ் மஹாலின்’ ஒவ்வொரு பகுதியிலும் சந்தோஷமும், நட்பும் ததும்பி இருந்தது. ஏக்கங்கள் எல்லாம் கலைந்து, ஒரு கனவு மெய்ப்பட்ட சிலிர்ப்போடு தோழர்கள் அனைவரும் காணப்பட்டனர்.

17.12.13

10.12.2013 டெல்லி தர்ணாவும், அகில இந்தியச் செய்திகளும்


AIRRBEA அறைகூவலின்படி, அகில இந்தியக் கோரிக்கைகளை முன்வைத்து, போராட்டங்கள் நடந்து வருகிறது. அதன் முதற்கட்டமாக அந்தந்த கிராம வங்கி தலைமை அலுவலகம் முன்பாக 22.11.2013 அன்று ஒருநாள் தர்ணா நடத்தப்பட்டது. அதனை ஏற்று பாண்டியன் கிராம வங்கி தலைமை அலுவலகம் முன்பாக நாம் தர்ணா நடத்தியதை, நமது வலைப்பக்கத்தில் வெளியிட்டு இருந்தோம்.

அதனைத் தொடர்ந்து 10.12.2013 அன்று டெல்லி ஜந்தர் மந்தரில், தேசம் முழுவதும் உள்ள கிராம வங்கிகளிலிருந்து பிரதிநிதிகள் வந்து கலந்து கொள்ளும் தர்ணாவை AIRRBEA அறிவித்திருந்தது. 600க்கும் மேற்பட்ட தோழர்கள் கலந்து கொண்ட அந்த தர்ணாவில், தமிழ்நாட்டிலிருந்து, AIRRBEA இணைச்செயலாளர் தோழர்.மாதவராஜ் தலைமையில் நான்கு தோழர்கள் பங்குபெற்றனர்.

AIRRBEA தலைவர் தோழர் ராஜீவன் தலைமையில் நடைபெற்ற தர்ணாவில், அகில இந்தியப் பொதுச்செயலாளர் தோழர்.சையீதுகான் ,  AIRRBEAவின் அலுவலர்கள் சங்கமான NFRRBOவின் பொதுச்செயலாளர் தோழர்.வெங்கடேஸ்வர ரெட்டி ஆகியோர் கோரிக்கைகளை விளக்கிப் பேசினர்.

பல்வேறு அரசியல் கட்சிகளையும், அமைப்புகளையும் சேர்ந்தவர்கள் தர்ணாவில் கலந்துகொண்டு, நமது கோரிக்கைகளை வாழ்த்தியும், மத்திய அரசின் போக்கைக் கண்டித்தும் பேசினர். அவர்கள் வருமாறு:
       i.      Sri Basudev Acharia, MP, Chairman, Standing Committee on Agriculture in the Parliament.
          ii.            Sri Jagadambika Pal, MP, a veteran Congress Leader in the Parliament.
        iii.            Sri Raja Ram Pal, MP (from Congress Party).
        iv.            Sri Tapan Sen, MP, General Secretary, CITU.
          v.            Sri R Ananda Bhaskar, MP (Congress Party).
        vi.            Dr Ram Chandra Dome, MP, Deputy Leader of the CPIM Parliamentary Party.
      vii.            Dr (Smt) T N Seema, MP (CPIM Party).
    viii.            Sri Rajendra Agarwal, MP (BJP Party).
        ix.            Sri Mahendra Rai, MP (CPIM Party).

          x.            Sri Pulin Bihari Baske, MP (CPIM Party).

அன்றைய தினமே தோழர்கள் ராஜீவன், சையீதுகான் மற்றும், வெங்கடேஸ்வரரெட்டி ஆகியோர் திரு. அனுப் வத்வா (joint secretary, Ministry of Finance), அரவிந்த் குமார் மற்றும் திரு.தோக்ரா (Deputy Secretary, Department of Financial Services, Ministry of Finance) அகியோரை சந்தித்து மெமொரெண்டம் அளித்து பேசியிருக்கிறார்கள். நமது கோரிக்கைகளையும், பிரச்சினைகளையும் விரைவில் தீர்ப்பதற்கான நடவடிக்கைகளை எடுப்பதாகவும், அதுகுறித்து நம்மோடு பேச்சுவார்த்தைக்கு ஏற்பாடு செய்வதாகவும் Ministry Of Finance-ன் உயரதிகாரிகள் உறுதியளித்திருக்கிறார்கள்.

11.12.2013 மத்தியக் கமிட்டி கூட்டம்:

தொடர்ந்து அடுத்த நாள், 11.12.2013 அன்று ஹோட்டல் ஆரியாவில் AIRRBEAவின் மத்தியக் கமிட்டிக் கூட்டம் நடைபெற்றது.அதிலும் தோழர்.மாதவராஜ், தமிழ்நாட்டிலிருந்து கலந்துகொண்டார்.

22.11.2013 அன்று நபார்டு, அனைத்து கிராம வங்கிகள் சங்க பிரதிநிதிகளோடு நடத்திய பேச்சுவார்த்தைகள் குறித்தும், 10.12.2013 அன்று நமது AIRRBEAபிரதிநிதிகள் நிதியமைச்சக உயரதிகாரிகளிடம் நடத்திய பேச்சுவார்த்தைகள் குறித்தும் விவரங்கள் தெரிவிக்கப்பட்டன. தோழர்.நாகபூஷண்ராவ், பென்ஷன் வழக்கு குறித்த விபரங்களை தெரிவித்தார்.

அகில இந்திய கோரிக்கைகளை முன்வைத்து நடைபெறும் இயக்கம் குறித்து மாநில வாரியாக பகிர்ந்துகொள்ளப்பட்டன. தொடந்து Core Committee,  Legal subcommittee, Disciplinary Sub committee, Website subcommittee, SC/ST/OBC sub committee கள் அமைக்கப்பட்டன. தோழர்.மாதவராஜ் அகில இந்திய சங்கத்திற்கான website sub-committeeயில் உறுப்பினராக இருக்கிறார்.

நிதியமைச்சருடன் பேச்சுவார்தை:

11.12.2013 அன்று AIRRBEA தலைவர்கள், திரு. நமோ நராயண் மீனா (Minister of State, Finance) அவர்களை சந்தித்துப் பேசியிருக்கிறார்கள். கிராம வங்கிகள் லாபம் ஈட்டும் பட்சத்தில் பென்ஷன் உட்பட அனைத்து சலுகைகளும் வழங்கப்படும் என தெரிவித்திருக்கிறார் அமைச்சர்.  முந்தைய மத்திய நிதியமைச்சர் திரு.பிரணாப் முகர்ஜி அவர்கள் கிராம வங்கி ஊழியர்களுக்கு பென்ஷன் கொடுக்க கையெழுத்திட்ட பின்னர், மத்திய அரசு, நீதிமன்றத்தில் அப்பீல் செய்த விஷயமே அமைச்சருக்குத் தெரியாமல் இருந்தது. நமது தலைவர்கள் எடுத்துச் சொன்ன பிறகு, அதுகுறித்து ஆராய்வதாக சொல்லியிருக்கிறார்.

அடுத்த நாள் 12.12.2013 அன்று நமது தலைவர்கள், திரு.ஜெகதாம்பிகா பால் மற்றும் திரு.ராஜா ராம் பால் ( காங்கிரஸ் எம்பிக்கள்) ஆகியோரோடு நிதியமைச்சரை சந்திக்கச் சென்றனர். எம்.பிக்கள் இருவரும் நமக்கு ஆதரவாகப் பேச, நிதியமைச்சர்  சிதம்பரம், கிராம வங்கி ஊழியர்களுக்கு வணிக வங்கி ஊதியம் கிடைக்க தான் உதவியதாகவும், அதுபோல, இப்போதும் நமது பிரசினைகளில் அக்கறை செலுத்துவதாகவும் தெரிவித்திருக்கிறார்.


டெல்லி தர்ணா காட்சிகள்:











26.11.13

தோழர் சோலை மாணிக்கம் பணி நிறைவு விழா காட்சிகள்

பாண்டியன் கிராம வங்கியின் வரலாற்றில், 24.11.2013 எனும் நாள், நெகிழ்ச்சியும், அன்பும், தோழமையும் நிறைந்த ஒரு அற்புத நாளாக நினைவில் நிறைந்திருக்கிறது. தோழர்.சோலைமாணிக்கத்தின் பணி நிறைவு விழா, ஒரு குடும்ப விழாவாகவும், தொழிற்சங்கத்தின் திருவிழாவாகவும் அமைந்துவிட்டது.  அவர் இந்த வங்கியில் வாழ்ந்த வாழ்க்கையின் அர்த்தங்களை  எல்லோருக்கும் அழகாகவும் சரியாகவும் சொல்லியிருக்கிறது. அந்தக் காட்சிகள் இங்கே:

கரிசல்குயில் திருவுடையான் அவர்களின் இசையோடு ஆரம்பம்

தோழர்.சோலைமாணிக்கம் அவர்களையும்,  திருமதி சோலைமாணிக்கம் அவர்களையும் மேடைக்கு அழைத்து அமர வைத்த காட்சி

தோழர்.சங்கரசீனிவாசனின் தலைமையுரை

தோழர்.சங்கரலிங்கம் பேசுகிறார்

மார்க்சீய கம்யூனிஸ்ட் கட்சி மாவட்டச் செயலாளர் 
தோழர்.சேகர் கௌரவிக்கிறார்

தமிழ்நாடு அரசு ஊழியர் சங்க மாநிலச் செயலாளர்
 தோழர்.பாலசுப்பிரமணியன் வாழ்த்து

நம் தோழர்கள்...

BEFI மாவட்டத் தலைவர் தோழர்.மாரிக்கனி

பாண்டியன் கிராம வங்கி சிவகங்கை மண்டல மேலாளர்
திரு.சங்கிலிப்பாண்டி வாழ்த்து

women subcommittee செயலாளர் தோழர்.சிவகாமி வாழ்த்து

PGB Thrift Soceirty  தலைவர், தோழர்.ஸ்ரீரமச்சந்திரன் வாழ்த்து

பல்லவன் கிராம வங்கி ஊழியர் சங்க பொதுச்செயலாளர்
தோழர்.சுரேஷ் வாழ்த்து

பல்லவன் கிராம வங்கி ஆபிஸர்ஸ் யூனியன் பொதுசெயலாளர்
தோழர்.ஸ்ரீனிவாசமூர்த்தி வாழ்த்து

நமது அன்புக்குரிய அட்வகேட் கீதா அவர்களின் வாழ்த்து

IOBSA தலைவர் தோழர்.பாலச்சந்திரன் வழ்த்து

AIRRBEA தலைவர் தோழர்.ராஜீவன் வழ்த்து

AIRRBEA  Joint Secretry  தோழர். மதனன்
AIRRBEA Vice president  தோழர்.நாகபூஷன்ராவ் இருவருக்கும் நடுவில்
தோழர்.சோலைமாணிக்கம்

தோழர்.மாதவராஜ் தனது நினைவுகளிலிருந்து...

நமது தோழர்கள்

உணர்ச்சிப் பெருக்கோடு தோழர் அண்டோ கால்பர்ட்

தமிழ்நாடு அரசு ஊழியர் சங்கத் தலைவர்கள்

தோழர்கள் சுரேஷ்பாபு, ஞானதேசிகன் ஆகியோரோடு...

தோழர்.பிச்சுக்கிருஷ்ணன் கவிதையோடு...

தோழர்.முத்துவிஜயன் வாழ்த்து

பல்லவன் கிராம வங்கித் தோழர்களோடு

தோழர்கள் தொடர்ந்து வந்து கௌரவிக்கிறார்கள்....

தோழர்.சோலைமாணிக்கம் ஏற்புரையில்..

Workers Unity
Zindabad!

PGBEA செயற்குழு சார்பில் தோழர்.சந்தானசெல்வம்
கடிகாரம் அளிக்கிறார்...

தோழர்.சோலைமாணிக்கம் தன் குடும்பத்தாரோடு...

தோழர்களின் மனங்களில் உயர்ந்து நிற்கும் 
நமது தோழர்.சோலைமாணிக்கம்!




23.11.13

அகில இந்திய கோரிக்கைகளை முன்னெடுத்து நமது இயக்கம்!


AIRRBEAவின் அறைகூவலை ஏற்று கீழ்க்கண்ட கோரிக்கைகளை முன்வைத்து அகில இந்திய அளவில், இயக்கங்களை நடத்திக்கொண்டு இருக்கிறோம்.

1.  Scrap RRBs Act Amendment Bill, 2013 aimed at privatization of Gramin Banks.
2.     Implement Pension Parity and agreement dated 29-10-1993 in RRBs.
3.     Establish State Level Rural Banks, one for NE States, under NRBI
4.     Regularize all Part Time/Casual/Daily Waged workers.
5.     Allow participation of Workman/Officers in the Board of RRBs.
6.     Recruit adequate staff, promote staff in time and effect massive branch expansion.
7.     Allow Special Leave to T.U. Leadership at par with those in Banking Industry.
8.     Relax service period for promotion of all cadres of staff including Office Attendant at par Sponsor Bank

இந்தக் கோரிக்கைகளை விளக்கி இராமநாதபுரம், திருநெல்வேலி, காரைக்குடி, மதுரை ஆகிய நான்கு மையங்களில் பிரச்சாரக்கூட்டங்களை நடத்தி முடித்திருந்தோம்.

திருநெல்வேலி கூட்டத்தில் தோழர்கள்....

காரைக்குடி மையக்கூட்டத்தில் தோழர்கள்...

மதுரை மையக் கூட்டத்தில் தோழர்கள்...

இந்தப் பிரச்சாரக் கூட்டங்களை அடுத்து, நேற்று, 22.11.2013 அன்று தலைமையலுவலகம் முன்பாக ஒருநாள் தர்ணா நடத்தியிருக்கிறோம். ஏறத்தாழ நூறு தோழர்கள் பங்கெடுத்த இந்த தர்ணாவை PGBOU தலைவர் தோழர்.சாமுவேல் ஜோதிக்குமார் துவக்கி வைத்தார். தோழர் சோலைமாணிக்கத்தின் கோஷங்களால் பந்தல் களை கட்டியது.

அகில இந்தியக் கோரிக்கைகளோடு ஸ்தலப் பிரச்சினைகளையும் முன்வைத்து தோழர்கள் பேசினார்கள். PAD மற்றும் AIVDயின் செயல்பாடுகள் குறித்துப் பேசப்பட்ட போதெல்லாம் தோழர்கள் ஆவேசமடைந்ததையும், கடும் அதிருப்தியை தெரிவித்ததையும் பார்க்க முடிந்தது. பணி ஓய்வு பெறுகிறவர்கள் மீது நடத்தப்படுகிற தாக்குதல்கள், ஒழுங்கு நடவடிக்கைகளில் அரங்கேற்றப்படும் அராஜகங்கள், லீவில் கடைப்பிடிக்கப்படும் அராஜகங்கள், பொதுவாக எந்த காரியத்தையும் பெரும் காலதாமதம் செய்து இழுத்தடித்து வதைக்கும் நிகழ்வுப் போக்குகளை தோழர்கள் கடுமையாக விமர்சித்தனர்.

தமிழ்நாடு அரசு ஊழியர் சங்க மாவட்டத் தலைவர்கள் கலந்துகொண்டு தர்ணாவை முடித்து வைத்தனர்.








5.8.13

PGB Cricket!

நம்மிடம் இருந்து பிறந்த சிறுபொறி, நேற்றைய தினத்தை பாண்டியன் கிராம வங்கியில் ஒரு பசுமையான நாளாக உருவாக்கியிருந்தது.

பாண்டியன் கிராம வங்கியில், ஒரு குதூகலமான, உற்சாகமான சூழலை உருவாக்குவதற்கு நாம் நிர்வாகத்திடம் சில யோசனைகள் சொன்னோம். அதில் ஒன்று, கிரிக்கெட் டீம்கள் ஆரம்பித்து, இங்கு பணிபுரிபவர்களை விளையாட வைப்பது. நமது சிந்தனையை உள்வாங்கிக்கொண்ட நிர்வாகம் சரியாக ஒரு வாரத்திற்குள் அதனை நடைமுறைப்படுத்தியிருக்கிறது.

கிரிக்கெட் விளையாட விரும்புகிறவர்கள் தங்கள் பெயரை பதியலாம் என அழைப்பு விடுக்கவும், ஏறத்தாழ 56 ஊழியர்களும், அலுவலர்களும் தங்கள் பெயர்களை பதிய, தலைமையலுவலகத்திற்கு வேகமும், ஆர்வமும் பற்றிக்கொண்டது

நிர்வாகம் உடனடியாக பணிகளைத் துவக்க, இதோ நேற்று திருநெல்வேலியில், பேட்டை இந்துக் கல்லூரியில், நான்கு டீம்கள் கலந்துகொண்ட இரண்டு 16/16 மேட்கள் நடந்து முடிந்திருக்கின்றன.

மைதானம் முழுவதும் காற்றோடும், இளம் வெயிலோடும் நம் தோழர்கள் நிறைந்திருந்தனர்.

2008க்குப் பிறகு இந்த வங்கியில் பணிக்குச் சேர்ந்த இளைஞர்களின் கொண்டாட்டம் இது. இவர்களின் துடிப்பு சீனியர்களையும் பற்றிக்கொண்டது.

நேற்றைய தினம், ’உலக நண்பர்கள் தினம்’. நட்பை கிரிக்கெட்டின் மூலம் பரிமாறிக்கொண்டார்கள்.

இதுபோன்ற நிகழ்வுகள் நெருக்கத்தையும், தோழமையையும் மேலும் வளர்ப்பதாகவே நாம் கருதுகிறோம்.

பங்கு கொண்ட அனைவரையும், பார்வையாளர்களையும் PGBEAவும், PGBOUவும் வாழ்த்துகின்றன. பாராட்டுகின்றன.

கிரிக்கெட் விளையாட்டின் சில காட்சிகள்: