Showing posts with label obituary. Show all posts
Showing posts with label obituary. Show all posts
16.5.14
தோழர்.பார்த்தசாரதியின் மறைவுக்கு அஞ்சலி!
நம்ப முடியவில்லை. எப்போதும் கலகலப்பும், கணீரென்ற குரலும், களங்கமற்ற நட்போடும், உற்சாகமுமாய் இருந்த அற்புதமான தோழர் பார்த்தாசாரதி உயிருடன் இல்லை என்னும் செய்தி வலிகொண்டதாக இருக்கிறது.
சத்திரப்பட்டி கிளையில் மேலாளராக பணியாற்றி வந்த தோழர்.பார்த்தசாரதி ராஜபாளையத்தில் ஒரு அறை எடுத்து தங்கியிருந்தார். 13.5.2014 அன்று காலையில் தங்கியிருந்த அறைக்கதவை பூட்டிக் கிளம்பி, வங்கிக்குப் புறப்படுகிற வேளையில் அவருக்கு நெஞ்சு வலி வந்திருக்கிறது. மருத்துவ உதவி ஏற்பாடு செய்வதற்குள் அவர் இறந்துவிட்டதாக தெரிய வருகிறது. அவருக்கு வயது 55.
நமது வங்கிக்கும், நமது சங்கத்துக்கும், அவரது குடும்பத்தாருக்கும் மிகப் பெரும் இழப்பு இது. நமது அஞ்சலியையும், அவரது குடும்பத்தாருக்கு ஆறுதலையும் தெரிவித்துக் கொள்கிறோம்.
தோழர்.பார்த்தசாரதிக்கு சுகர் கிடையாது. பிரஷர் கிடையாது. எந்த நோய்க்கான முகாந்திரமும் கிடையாது. அப்படிப்பட்டவர் திடுமென இறந்து போயிருக்கிறார்.
சத்திரப்பட்டி நமது வங்கியின் பெரிய கிளைகளில் ஒன்று. எப்போதும் வாடிக்கையாளர்கள் கூட்டம் அதிகமாயிருக்கும். NREGS அக்கவுண்டு வைத்திருப்பவர்கள் வேறு. அப்படியொரு கிளையில் அடிஷனல் ஆபிஸர் கிடையாது. கடந்த ஆறு மாத காலமாக நமது சங்கம் இதுகுறித்து நிர்வாகத்துடன் பேசி வந்தோம். ’அடிஷனல் ஆபிஸர் போடுகிறோம், போடுகிறோம்’ என்று சொன்ன நிர்வாகம் கடைசி வரை போடவில்லை.
நிர்வாகம் இதனை மனிதாபிமானத்துடன் அணுகியிருந்தால், கொடுத்த வாக்குறுதியை உடனடியாக நிறைவேற்றி இருந்தால் இன்று தோழர்.பார்த்தசாரதி நம்மோடு இருந்திருப்பார். அவரது மகளுக்கு திருமணம், மகனுக்கு நல்ல கல்வி என அவரது கடமைகளை சிறப்பாக செய்திருப்பார். 80, 90 வயதுக்கும் மேலாக வாழ்ந்திருப்பார்.
கொதிக்கிறது நெஞ்சம்.
25.9.13
அஞ்சலி: தோழர்.தங்கவேலு (அக்கநாயக்கன்பட்டி) காலமாகிவிட்டார்!
அக்கநாயக்கன்பட்டி கிளை மேலாளராக பணிபுரிந்து வந்த அருமைத் தோழர். தங்கவேலு அவர்கள் இன்று அதிகாலை காலமாகிவிட்டார்.
பிரியமாகவும், நட்பாகவும் பழகக்கூடிய அந்த அமைதியான மனிதரின்
நினைவுகள் அலைக்கழிக்கின்றன.அவரது இறுதிச்சடங்கு, திருநெல்வேலி ஆலங்குளம் அருகே உள்ள கழுநீர்க்குளம் கிராமத்தில் காலை 11 மணிக்கு நடைபெறுகிறது.
தோழர்.தங்கவேலு அவர்களின் மறைவிற்கு அஞ்சலியை நமது PGBEAவும், PGBOUவும் செலுத்துகின்றன. அவரை இழந்து வாடும் குடும்பத்தாருக்கு ஆறுதலைத் தெரிவிக்கின்றன.
2.4.13
PGB யில் தோழர்.முகர்ஜிக்கு அஞ்சலி!
தலைமையலுவலகத்தின் முன்பாக தோழர்.முகர்ஜியின் மறைவையொட்டி ஒரு எளிய இரங்கல் கூட்டம் நம்மால் ஏற்பாடு செய்யப்பட்டது. ஏபரல் 1ம் தேதி மாலையில், வங்கியின் ஆண்டுக்கணக்கை ஆராய்கிற அந்த முக்கியமான நேரத்திலும் வங்கியின் சேர்மன் திரு.சேவியர் திலகராஜ் அவர்களும், பொதுமேலேளார்கள் திரு.ராமநாதன் மற்றும் ராமசுப்பு அவர்களும் இரங்கல் கூட்டத்தில் கலந்து கொண்டனர். நூற்றுக்கும் மேற்பட்ட நமது சங்கத்தின் தோழர்களோடு PGBOA, PGBWU, PGB SC/ST welfare Association மற்றும் BEFI, TNGEA விலிருந்தும் தோழர்கள் வந்து கலந்து கொண்டனர்.
PGBOU தலைவர் தோழர்.போஸ்பாண்டியன் இரங்கல் கூட்டத்தை தலைமை தாங்கி நடத்தி, தோழர்.முகர்ஜி ஆற்றிய பணிகளையும், அவரது தனித்தன்மையையும் நினைவு கூர்ந்தார். வங்கியின் சேர்மன், பொதுமேலாளர்கள், PAD SM தோழர்.சுரேஷ் குமார், PGBOA vice president தோழர்.மாணிக்க வாசகம், PGB SC/ST Welvare Association பொதுச்செயலாளர் தோழர்.ராஜேந்திர சோழன், PGBWU பொதுச்செயலாளர் தோழர்.பாலாஜி பாலகிருஷணன், AIRRBEA TN தலைவர் தோழர்.பிச்சைமுத்து ஆகியோர் தோழர்.முகர்ஜியை போற்றி தங்கள் அஞ்சலியை செலுத்தினர். PGBEA தலைவர் தோழர்.மாதவராஜ் நிறைவுரையாற்றினார். தலைமையலுவலகத்தின் வாயிலிலிருந்து, கலெக்டர் ஆபிஸ் வளாகத்தின் வாயில் வரை ஊர்வலமாக தோழர்கள் சென்றனர்.
“தோழர்.முகர்ஜி விட்டுச் சென்ற பணிகளை நிறைவேற்றுவோம். அவரது நினைவுகளை ஏந்தி பயணத்தைத் தொடருவோம்” என தோழர்.போஸ்பாண்டியன் அழுத்தமாகச் சொல்லிய வார்த்தைகளே
இனி நமது எதிர்காலம்.
ரெட் சல்யூட் காம்ரேட், திலிப் குமார் முகர்ஜி!
மகத்தான தலைவர்!
மலர் தூவி அஞ்சலி!
வந்திருந்த தோழர்கள்!
தலைமை தாங்கிய தோழர்.போஸ் பாண்டியன்
தோழர்கள்
PGB சேர்மன் திரு.சேவியர் திலகராஜ்
தோழர்கள்
தோழர்கள்
பொதுமேலாளர் திரு.ராமநாதன்
பொதுமேலாளர் திரு.ராமசுப்பு
PAD SM தோழர்.சுரேஷ்குமார்
வங்கியின் உயரதிகாரிகள் தோழர்களோடு
PGBOA உதவித்தலைவர் தோழர்.மாணிக்க வாசகம்
PGB SC/ST Welfare Association பொதுச்செயலாளர் தோழர்.ராஜேந்திர சோழன்
தோழர்கள்
PGBWU பொதுச்செயலாளர் தோழர்.பாலாஜி
AIRRBEA TN த்லைவர் தோழர்.பிச்சைமுத்து
PGBEA தலைவர் தோழர்.மாதவராஜ்
தோழர்கள்
தோழர்கள்
ஊர்வலம்
ஊர்வலம்
ஊர்வலம்
Red Salute to Com.D.K.Mukherjee!
31.3.13
நமது மகத்தான தலைவர். தோழர்.திலிப்குமார் முகர்ஜி காலமாகிவிட்டார்!
தன் காலத்தை, கிராம வங்கிகளின் எதிர்காலத்திற்காகவும், கிராம வங்கி ஊழியர், அலுவலர்களின் வாழ்விற்காகவும் அர்ப்பணித்துக்கொண்ட அற்புதமான தலைவர் நம்மையெல்லாம் விட்டு பிரிந்து சென்று விட்டார். நமது மகத்தான தலைவர், தோழர்.திலிப் குமார் முகர்ஜி இன்று அதிகாலை காலமாகிவிட்டார்.
பார்த்ததும் சிரிக்கும் சிரிக்கும் அந்த குழந்தை முகமும், மேடைகளில் பிரச்சினைகளை முன்வைத்து ஆர்ப்பரிக்கும் அந்த போராளியின் முகமும் ஒருசேரத் தோன்றுகின்றன. பிரியமும், உற்சாகமுமும், விடா முயற்சியும் நம்பிக்கையும்தான் தோழர்.முகர்ஜி.
அவர் ஆற்றிய பணிகள், தலைமை தாங்கி நடத்திய இயக்கங்கள், பேச்சுவார்த்தைகள், மேற்கொண்ட பயணங்கள் எல்லாம் நமக்காகவே இருந்தன. காட்சிகள் நினைவுகளில் மிதந்த வண்ணம் இருக்கின்றன. கண்கள் குளமாகின்றன.
‘கிராம வங்கி ஊழியர்களுக்கு பென்ஷனை பெற்றுத் தந்துவிட்டுத்தான் மரணமடைவேன்” என்னும் அவரது வார்த்தைகள் இந்த நேரத்தில் ரீங்காரமிடுகின்றன.
அவர் காட்டிய பாதை நம்முனே நீண்டு செல்கிறது.
(நாளை மாலை விருதுநகரில் பாண்டியன் கிராம வங்கி தலைமையலுவலகத்தின் முன்பாக இரங்கல் கூட்டம் நடைபெறும். )
28.6.12
அஞ்சலி: தோழர்.ராமஜெயம் (முத்துராமலிங்கபுரம் கிளை) காலமாகிவிட்டார்
முத்துராமலிங்கபுரம் கிளையில் அலுவலராக பணிபுரிந்து வந்த தோழர்.ராமஜெயம் இன்று அதிகாலையில் காலமாகிவிட்டார்.
1979ல் JACயாக பணிக்குச் சேர்ந்த அவர், SAC, FS, Officer ஆக முன்னேறி, 2005 முதல் Scale II அலுவலராக பணிபுரிந்து வந்தார்.
சாத்தூரில் வசித்து வந்த அவர், சமீபகாலமாக உடல்நலக்குறைவாக இருந்தார். அவருக்கு வயது 59. இன்று மாலையில் இறுதிச்சடங்குகள் நடைபெறுகின்றன.
அவருக்கு PGBEAவும், PGBOUவும் அஞ்சலி செலுத்துகின்றன. அவரை இழந்து வாடும் குடும்பத்தாருக்கு ஆறுதல் சொல்கின்றன.
25.6.12
அஞ்சலி: அருமைத் தோழர். பழனியப்பன் (ரெகுநாதபுரம்) அவர்களுக்கு!
சமீபத்தில் messenger to clerk ஆக பதவி உயர்வு பெற்ற நம் அருமைத் தோழர். பழனியப்பன் இன்று மாலை காலமாகிவிட்டார்.
பதவி உயர்வையொட்டி, அவருக்கு கோனாபட்டிலிருந்து ரெகுநாதபுரத்திற்கு டிரான்ஸ்பர் செய்யப்பட்டு இருந்தது. இன்று (25.6.2012) மாலை வங்கிப்பணி முடித்துவிட்டு, ஊருக்கு ரெயிலில் பயணம் செய்யும்போது தவறி விழுந்து இறந்துவிட்டதாக தோழர்கள் தகவல் சொல்கின்றனர்.
மிகுந்த வேதனையாகவும், தாங்க முடியாத சோகமாகவும் இருக்கிறது.
நமது ஒவ்வொரு இயக்கத்திலும், போராட்டங்களிலும், கூட்டங்களிலும் கலந்துகொண்ட அந்த அற்புத மனிதரின் முகம் நிழலாடுகிறது. முப்பது வருடங்களாக நம்மோடு பழகி, சிரித்தவர் இன்று இல்லை!
Messenger to clerk பதவி உயர்வையொட்டி, நமது சங்கம் நடத்திய trainingல் அவரைப் பார்த்ததும், மாறி மாறி அவரிடம் கேள்விகள் கேட்டு, அவருக்கு ஆங்கிலத்தைச் சொல்லித் தந்ததும் நினைவில் ஆடுகின்றன.
“நீச்சலுக்கு என்று ஆற்றுக்குப் போனவனை
உள்வாங்கும் சுழி;
அதைக் கண்டும் காணாமல் போகும் நதி”
என்ற கவிதை வரிகள் வந்து அவஸ்தை செய்கின்றன.
அவருக்கு நாம் அஞ்சலி செலுத்துவோம். அவரை இழந்து வாடும் குடும்பத்தாருக்குஆறுதல் சொல்வோம்!
8.4.12
அஞ்சலி: ஓய்வு பெற்ற அலுவலர் திரு.மாரியப்பன் காலமானார்
பாண்டியன் கிராம வங்கியில். 2008 வரை நம்மோடு பணிபுரிந்து, ஓய்வு பெற்ற அலுவலர் திரு.மாரியப்பன் இன்று 8.4.2012 அன்று காலையில் காலமானார்.
முதுகுளத்தூர், பேரையூர், சங்கரலிங்கபுரம், நென்மேனி போன்ற கிளைகளில் பணிபுரிந்திருந்தார். அவர் கடைசியாக தலைமையலுவலகத்தில் பணிபுரிந்தார்.
சாத்தூரில் வசித்து வந்த அவருக்கு மனைவி, இரண்டு மகன்கள், ஒரு மகள் இருக்கின்றனர். அவருக்கு வயது 64.
இன்று மாலை சாத்தூரில் நடந்த அவரது இறுதிச் சடங்கில், சாத்தூரில் இருக்கும் நமது தோழர்கள் கலந்துகொண்டனர்.
அவரது மறைவுக்கு PGBEAவும், PGBOUவும் அஞ்சலியும், அன்னாரின் குடும்பத்தாருக்கு ஆழ்ந்த இரங்கலையும் தெரிவித்துக் கொள்கின்றன.
Subscribe to:
Posts (Atom)































