Showing posts with label demands. Show all posts
Showing posts with label demands. Show all posts

21.1.16

PGBWU circular 1/2016 dated 20.1.2016


இன்று நம் சங்கத்தின் சுற்றறிக்கை தயாராகி இருக்கிறது. திங்கட்கிழமை கிளைகளுக்கு கிடைக்கும். அதற்கு முன்பு படிப்பதற்காக:

24.9.14

AIRRBEA agenda Notes for JCC meeting on 24.09.2014


இன்று மும்பையில் நமது AIIRBEA தலைவர்கள் கிராம வங்கி ஊழியர்கள் மற்றும் அலுவலர்கள் பிரச்சினை குறித்து, Joint Consultative Committeeயுடன் பேசுகிறார்கள். அப்போது அவர்கள் முன் வைத்துப் பேச இருக்கும் விஷயங்களை இங்கு தருகிறோம். கிராம வங்கி ஊழியர்கள் மற்றும் அலுவலர்கள் பிரச்சினைகளில் எவ்வளவு அக்கறையும், தெளிவும் நமது AIRRBEAவுக்கு இருக்கிறது என்பதை இந்த அஜெண்டாவே சொல்லும்!

28.7.14

புதிய செயற்குழுவின் முதல் கூட்டம்!


இணைப்பு மாநாட்டிற்கு பிறகு, PGBWUவின் முதல் செயற்குழுக் கூட்டம் குற்றாலத்தில், 27.7.2014 அன்று நடந்தது.

26.5.14

பொதுவான பிரச்சினைகளில் அனைத்துச் சங்கங்களின் கூட்டு இயக்கம்!


பாண்டியன் கிராம வங்கியில் ஊழியர்கள் நலன்களும், உரிமைகளும் புறக்கணிக்கப்பட்டு வருகின்றன. இதனை பாண்டியன் கிராம வங்கியில் உள்ள அனைத்து சங்கங்களும் சமீப காலமாக விமர்சித்து வருகின்றன.

தொடரும் நமது இயக்கம்!

ஊழியர்கள் மற்றும் அலுவலர்களின் நலன்களுக்கு எதிராக செயல்பட்டு வரும் பாண்டியன் கிராம வங்கி நிர்வாகத்தை எதிர்த்து PGBEAவும், PGBOUவும் தொடர் இயக்கங்கள் ஆரம்பித்து நடத்தி வருகிறோம்.

3.5.14

PGBEA - PGBOU Circular 7/2014 dated 03.05.2014



சுற்றறிக்கை: 7/2014         நாள்: 03.05.2014

பாராளுமன்றத் தேர்தல் நடந்து கொண்டு இருக்கிறது. நமக்கும், நம் பிரச்சினைகளுக்கும் யார் பாராளுமன்றத்தில் குரல் கொடுக்கிறார்களோ அவர்களுக்கு நாம் வக்களிப்போம் என்னும் நோக்கத்தில் நாம் இடதுசாரி வேட்பாளர்களை ஆதரிக்க BEFI அழைப்பு விடுத்திருந்தது. அதனை நமது சென்ற சர்க்குலரில் வெளியிட்டு இருந்தோம். உடனே எதோ குறிப்பிட்ட அரசியல் கட்சி சார்புடன் நடந்துகொண்டதாக PGBOA சர்க்குலரில் புலம்பி இருக்கிறது.  புதிய தலைமுறையின் எதிர்காலத்தை கேள்விக்குறியாக்கிய புதிய பென்ஷன் திட்டத்தை அறிமுகப்படுத்தியது வாஜ்பாய் தலைமையிலான பா.ஜ.க அரசு. அதை அமல்படுத்தியது மன்மோகன்சிங் தலைமையிலான காங்கிரஸ் அரசு. சீர்திருத்தங்கள் என்னும் பெயரில் வங்கித்துறையையும், வங்கி ஊழியர்களின், அலுவலர்களின் வாழ்க்கையை சிதைக்கும் கொள்கைகளில் இந்த இரண்டு அரசுகளுக்கும் எந்த வித்தியாசமுமில்லை. பெருமுதலாளிகளுக்கு சலுகைகள் செய்து கொடுத்து பொதுமக்களை வாட்டி வதைக்கும்  நடவடிக்கைகளிலும் இந்த இரு அரசுகளுக்கும் எந்த வித்தியாசமுமில்லை. இவைகளை எதிர்த்து வங்கி ஊழியர்களும், அலுவலர்களும் போராடுகிற போதெல்லாம்  ஆதரவு தந்தவர்கள் இடதுசாரி கட்சிகள் மட்டுமே. எனவேதான் நாம் அவர்களை ஆதரிப்போம் என்றோம். இது கட்சி அரசியல் அல்ல. வர்க்க அரசியல். தொழிலாளர்களின் வர்க்க அரசியல். இதைப் புரிந்துகொள்ள முடியாவிட்டால் அவர்களுக்கு சிந்தனையில் கோளாறு இருப்பதாக அர்த்தம்.  அரசியல் அற்றவர்கள் நாங்கள்' எனச் சொல்வதுதான் அவமானத்துக்குரியதும் அசிங்கமானதுமாகும்.

நமது வங்கியில் இட ஒதுக்கீட்டில் நடக்க இருந்த மோசடி:

புதிய பணிநியமனம் செய்வதில் பாண்டியன் கிராம வங்கி நிர்வாகம் காட்டிய கால தாமதத்தை நமது சென்ற சர்க்குலரில் கடுமையாக விமர்சித்து இருந்தோம். அதற்குப் பிறகு அவசரம், அவசரமாக ஆபிஸர்களுக்கு மட்டும் இண்டர்வியூ தேதியை அறிவித்து, நிர்வாகத்திலிருந்து அழைப்புக் கடிதங்கள் அனுப்பப்பட்டன. இதுகுறித்து எந்தச் செய்திகளையும், தகவல்களையும் வங்கிக்குரிய அதிகாரபூர்வ வெப்சைட்டில் வெளியிடவில்லை. இந்த நிர்வாகம்  Transparent-ஆக இருக்க மறுக்கிறது என்பதன் அடையாளம்தான் இது.

அழைப்புக் கடிதங்கள் தனித்தனியாக அனுப்பப்பட்ட பிறகுதான், அதிகமான மார்க்குகள் எடுத்தவர்கள் சிலர் இண்டர்வியூக்கு அழைக்கப்படாதது தெரிய வந்தது. அதன் பிறகு நாம் விசாரிக்க ஆரம்பித்தால் ஒரு மிகப்பெரும் மோசடி வெளிப்பட்டது. இட ஒதுக்கீடு முறையை அமல்படுத்தாமல் இண்டர்வியூக்கு  தகுதி பெறுவதற்கு கீழ்க்கண்டவாறு  கட்-ஆப் மார்க்குகள் நிர்ணயம் செய்யப்பட்டு இருந்தன.

General Category - 108
OBC category - 123
SC/ST category - 112

அதாவது, எழுத்துத் தேர்வில் 108 மதிப்பெண்கள் பெற்ற  ஜெனரல் பிரிவைச் சேர்ந்த ஒருவர் இண்டர்வியூவில் கலந்துகொள்ள முடியும். ஆனால் 111 மார்க்குகள் எடுத்த எஸ்.ஸி/எஸ்.டி பிரிவைச் சேர்ந்த ஒருவர் இண்டர்வியூவில் கலந்து கொள்ள முடியாது. 122 மார்க்குகள் பெற்ற ஓபிசி வகுப்பைச் சேர்ந்த ஒருவர் கலந்துகொள்ள முடியாது.

பார்த்த மாத்திரத்தில் மிகப்பெரும் கோளாறு இருப்பது தெரிந்தது. இது எப்படிநடந்தது என்று ஆராயும்போது, நிர்வாகமும் IBPSம் சேர்ந்து நடத்திய  மோசடி வெளிப்பட்டது. ஜெனரல் பிரிவில் முதலில் கட் -ஆப் மார்க்குகள் நிர்ணயம் செய்ய வேண்டும். அதில் அதிமான மார்க்குகள் எடுத்த எஸ்.ஸி/எஸ்.டி பிரிவினரும், ஓபிசி பிரிவினரும் சேர்க்கப்பட வேண்டும். அவர்கள் போக மீதமிருக்கும் எஸ்.ஸி/எஸ்.டி பிரிவினருக்கும், ஓபிசி பிரிவினருக்கும் தனித்தனியாக கட்-ஆப் மார்க்குகள் நிர்ணயம் செய்ய சேண்டும். ஆனால் நமது வங்கியில் ஜெனரல் பிரிவில் அதிகமான  மார்க்குகள் எடுத்த எஸ்.ஸி/எஸ்.டி பிரிவினரும், ஓபிசி பிரிவினரும் சேர்க்கப்படவில்லை. உடனடியாக நமது இரு சங்கங்களும் இதற்கு கடுமையான எதிர்ப்பைத் தெரிவித்து நிர்வாகத்துக்கு கடிதம் எழுதினோம். நமது வெப்சைட்டில் இதனை அம்பலப்படுத்தி செய்திகள் வெளியிட்டோம். நம் வங்கியில் இருக்கும் அனைத்து சங்கங்களுக்கும் இந்த அநியாயத்தை தெரிவித்து, அனைவரும் சேர்ந்து இதனை முறியடிக்க வேண்டும் என கேட்டுக் கொண்டோம். அவர்களும் ஆதரவு தெரிவித்தனர்.

தமிழ்நாடு தீண்டாமை ஒழிப்பு முன்னணியும் இதனைக் கேள்விப்பட்டு, இது சமூக நீதிக்கும், இந்திய அரசியல் அமைப்பு விதிகளுக்கும் எதிரானது என வங்கி நிர்வாகத்துக்கு கடிதம் எழுதி உடனடியாக சரி செய்ய வேண்டுகோள் விடுத்தது.

நாம் 30.4.2014 வங்கியின் சேர்மனை சந்தித்துப் பேசினோம். சரிசெய்வதற்கான முயற்சிகள் எடுப்பதாகச் சொன்னார். ஆனால் இண்டர்வியூ திட்டமிட்டபடி 3.5.2014ல்  நடக்க இருப்பது தெரிய வந்ததும், தமிழ்நாடு தீண்டாமை ஒழிப்பு முன்னணியின்  சார்பில் 2.5.2014 அன்று தலைமையலுவலகத்தின் முன்பாக ஆர்பாட்டம் நடத்த அழைப்பு விடுக்கப்பட்டது. போஸ்டர்கள் அடித்தும், பத்திரிகை செய்திகள் வாயிலாகவும் பொது மக்களிடத்தில் இவ்விஷயத்தைக் கொண்டு சென்று, மத்திய மாநில அரசுகள் உடனடியாக இந்த முக்கியமான பிரச்சினையில் தலையிட வேண்டுகோள் விடுத்தது.

இந்த நிலையில், 2.5.2014 பிற்பகலில் நிர்வாகம் தனது முடிவை மறு பரீசீலனை செய்து, தாங்கள் ஏற்கனவே நிர்ணயித்த கட் -ஆப் மார்க்குகளின் படி இண்டர்வியூ நடத்தாமல், சுமூகமாக பிரச்சினையை தீர்ப்பதற்கு முன்வந்தது. நம்மோடும் தீண்டாமை ஒழிப்பு முன்னணியோடும் பேச்சுவார்த்தை நடத்தியது.  இந்தப் பேச்சுவார்த்தையில் தமிழ்நாடு தீண்டாமை ஒழிப்பு முன்னணியின் சார்பாக மாநிலச் செயலாளர் கணேஷ், விருதுநகர் மாவட்ட செயலாளர் எஸ்.ஞானகுரு, பாண்டியன் கிராம வங்கி ஆபிசர்ஸ் யூனியனின் துணைத் தலைவர்  பி.எஸ். போஸ் பாண்டியன்,  பொதுச் செயலாளர் சங்கரலிங்கம்,  பாண்டியன் கிராம வங்கி ஊழியர்கள் சங்கத்தின் பொதுச் செயலாலர் ஜா. மாதவராஜ், எஸ்.சி/எஸ்.டி. நலச்சங்கத்தின் பொதுச் செயலாளர் வை.ராஜேந்திர சோழன், பாண்டியன் கிராம வங்கி வொர்க்கர்ஸ் யூனியன் பொதுச் செயலாளர் பாலாஜி பாலகிருஷ்ணன் ஆகியோர் கலந்து கொண்டனர். நிர்வாகத் தரப்பில் முதன்மை மேலாளர்கள் ஞானப்பிரகாசம் மற்றும் சுரேஷ் குமார் ஆகியோர் கலந்து கொண்டனர்.

நிர்ணயிக்கப்பட்ட கட்-ஆப் மதிப்பெண்கள் தவறானவை என்பதை ஏற்றுக் கொண்ட பாண்டியன் கிராம வங்கி நிர்வாகம், அதிகாரிகள் நேர்காணலுக்கு விண்ணப்பித்திருக்கும் அனைவருக்கும் அழைப்பு அனுப்புவது என்று முடிவு செய்தது. நேர்காணல் நிறைவு பெற்று வெளியிடப்படும் தேர்வு முடிவுகளில் அரசியல் சட்டம் வழங்கியுள்ள இட ஒதுக்கீட்டு உரிமைக்கு உத்தரவாதம் தரப்பட வேண்டும் என்பதை தீண்டாமை ஒழிப்பு முன்னணி மற்றும் அதிகாரிகள், ஊழியர்கள் சங்கங்கள் வலியுறுத்தின. அதையும் நிர்வாகம் ஏற்றுக் கொண்டது.

தோழர்களே, நமது முன்முயற்சியால் ஒரு மிகப்பெரிய அநீதி களையப்பட்டு இருக்கிறது. இந்திய அரசின் இட ஒதுக்கீடு முறையை சரியாக வருங்காலத்திலும் இந்த  நிர்வாகம் பின்பற்றுவது உறுதி செய்யப்பட்டு இருக்கிறது. ஆதரவு தந்த தீண்டாமை ஒழிப்பு முன்னணிக்கும், நமது வங்கியில் உள்ள PGBWU, PGBOA, PGB SEWA சங்கங்களுக்கும் நமது நன்றியைத் தெரிவித்துக் கொள்வோம்.

CC / DPN லோன்கள் படுத்தும் பாடு!

CC / DPN ஐ.ஓ.பியில் உள்ளது போல நமக்கும் வழங்கப்படும் என நிர்வாகம் சொல்லியது. ஏப்ரல் முதல் வாரத்தில் சர்க்குலரும் வெளியிட்டது. அதிலேயே ஏராளமான கண்டிஷன்களைப் போட்டது. ஒழுங்கு நடவடிக்கைகள் உள்ளவர்களுக்கும், லீவு regularise செய்யப்படாதவர்களுக்கும் கிடையாது என்றார்கள். ஒழுங்கு நடவடிக்கைகளை காலாகாலத்தில் முடிக்காததற்கும், leave regularise  செய்யப்படாததற்கும் நாம் காரணமல்ல. அவர்கள் மீது தவறுகளை வைத்துக்கொண்டு ஊழியர்களையும், அலுவலர்களையும் ஏன் தண்டிக்கிறீர்கள் என்னும் கேள்விக்கு இன்று வரை நிர்வாகத்திடம்   இருந்து பதில் இல்லை. இந்த நிலையில் Time-barred அக்கவுண்டகளுக்கு ஆபிஸர்கள் பொறுப்பு என பலருக்கும் CC/DPN லோன்கள் நிறுத்தி வைக்கப்பட்டு இருக்கிறது. இது சர்க்குலரில் விதிக்கப்படாத கண்டிஷன். தன்னிஷ்டத்திற்கு இந்த நிர்வாகம் நடத்தும் அராஜகம் இது.

மீதமுள்ளவர்களுக்கு எதாவது ஒரு ‘கொரி' போட்டு திருப்பி அனுப்பப்படுகிறது. DPN லோனில் overdue இருக்கிறது என்றெல்லாம் காரணங்கள். DPN லோனுக்குரிய instalment தலைமையலுவலகம்தான் நிர்ணயிக்கிறது. மாதாமாதம் தலைமையலுவலகம்தான் பிடிக்கிறது. அப்புறம் எப்படி overdue வரும்? மாஸ்டரில் தவறு இருக்கிறது என அனைவருக்கும் தெரியும். Overdue இருப்பதை பார்க்கத் தெரிந்த டிபார்ட்மெண்ட் அதனை அடுத்த கணமே சரி செய்ய நடவடிக்கை எடுப்பதை விடுத்து, மொத்த லோன் பேப்பர்களையும் கொரி போட்டு திருப்பி அனுப்புவது எந்த மாதிரியான செயல்?

இந்த வங்கியில் பணிபுரியும் ஊழியர்களும், அலுவலர்களும் ஒரு லோன் போட்டு விட்டு, இப்படி அலைக்கழிக்கப்படுவது, அவர்களை அவமானப்படுத்தும் செயலாகவே நாங்கள் கருதுகிறோம். நாமொன்றும் குற்றவாளிகளுமல்ல, அவர்கள் வீட்டு வாசலில் நிற்கும் பிச்சைக்காரர்களுமல்ல.

400க்கும் மேற்பட்ட CC / DPN  லோன்கள் குவிந்துகிடக்க, இந்த இருபது நாட்களில் 60 லோன்களே சாங்ஷன் செய்யப்பட்டு இருக்கின்றன. என்ன நிர்வாகம் இது. இதில் இந்த வங்கி லாபம் அடைவதைப் பற்றியும், பல parameterகளில் சாதனை புரிந்திருப்பதைப் பற்றியும் நாங்கள் பெருமைப்பட என்ன இருக்கிறது. சந்தோஷப்பட  என்ன இருக்கிறது. நிர்வாகம் தருகிற ஸ்வீட் பாக்ஸ் இனிக்கவில்லை.

மிக முக்கிய வெற்றி:

மேலசெவல் கிளையில் மெஸஞ்சராய் பனிபுரிந்துவந்த தோழர்.செல்வராஜ், அதிகமாக லீவு எடுத்துவிட்டார் என்று அவர் ரிடையர் ஆவதற்கு ஒரு நாள் முன்பு ஒரு சார்ஜ் ஷீட் கொடுத்தது நிர்வாகம். இது சரியில்லை என நிர்வாகத்துடன் பேசினோம். ஜெனரல் மேனேஜர் மிஸ்டர் ராமநாதன், “ஒரு பதிலைக் கொடுங்கள். சுமூகமாக முடித்து விடலாம்” என்றார். பதிலைக் கொடுத்தோம். ஆனால் அதனை  ஏற்றுக் கொள்ளாமல், அவருக்கு என்கொயரி போடப்பட்டது. இதுகுறித்து நமது அதிருப்தியை மிஸ்டர் ராமநாதனிடம் தெரியப்படுத்தினோம். சீக்கிரமாக என்கொயரி நடத்தி முடித்து விடலாம் என்றார் அவர். இதுதான் மிஸ்டர் ராமநாதனின் கழுத்தறுக்கும் பாணி. 2013 ஜூன் மாதம் ரிடையர் ஆன தோழர்.செல்வராஜுக்கு இன்று வரை என்கொயரி நடத்தி முடிக்கப்படவில்லை.  கிராஜிவிட்டி கொடுக்கப்படவில்லை. தி.டவுண் கிளையில் அவர் வைத்திருக்கும் நகைக்கடன் கட்ட முடியாமல் ஏலத்துக்குச் செல்லும் நிலைமை ஏற்பட்டது. மிகுந்த சிரமங்களுக்கு உள்ளானார் தோழர்.செல்வராஜ். சேர்மன் முதற்கொண்டு அனைவரிடமும் பேசிப் பார்த்தோம். பலனில்லை. அவருக்கு கிராஜுவிட்டி கொடுக்கப்பட வேண்டும் என லேபர் ஆபிஸில் வழக்குத் தொடர்ந்தோம். ரிடைய ஆன நாளில் இருந்து கிராஜுவிட்டி 10 சதவீதம் வட்டியுடன் கொடுக்கப்பட வேண்டும் என இப்போது தீர்ப்பாகி இருக்கிறது.

நமது கோரிக்கைகளும், இயக்கங்களும்:

தீர்க்கப்படாத பிரச்சினைகளை முன்வைத்து, இயக்கம் நடத்துவது எனவும், மே 1ம் தேதி நமது சங்க அலுவலகத்தில் நமது இரு சங்கங்களின் செயற்குழுக்களும் இணைந்து எதிர்கால நடவடிக்கைகளை தீர்மானிக்க இருப்பதையும் தெரிவித்து இருந்தோம். திட்டமிட்டபடி சங்க அலுவலகத்தில் கூடினோம். முன்னணித் தோழர்கள், மண்டலக் கமிட்டி உறுப்பினர்களும் அழைக்கப்பட்டு இருந்தனர். மார்க்சீய சிந்தனையாளரும், தொழிற்சங்க அனுபவங்கள் நிரம்பப்பெற்றவருமான தோழர். எஸ்.ஏ.பெருமாள் அவர்கள் நமது அழைப்பை ஏற்று  ‘மே தினச் சிந்தனைகளை' நம்மோடு பகிர்ந்து கொண்டார். முதலாளி வர்க்கம் எப்படி இந்த அற்புதமான வளங்களையும், மனிதர்களையும் சுரண்டுகிறது என்பதையும், அதை மீட்க நாம் போராட வேண்டிய அவசியத்தையும் இரண்டு மணி நேரம் மிக எளிமையாகச் சொன்னார். அருமையான உரையாடல்களுக்குப் பிறகு, மதியம் நமது கூட்டுச் செயற்குழுக் கூட்டம் நடந்தது.

ஒழுங்கு நடவடிக்கைகளை இழுத்தடித்து, பல ஊழியர்களின், அலுவலர்களின் வாழ்க்கையில் விளக்கை ஊதி அணைக்கும் இந்த நிர்வாகத்தின் போக்கில் மாற்றமே இல்லை. ஓய்வு பெறுகிற கடைசி நாட்கள் நிம்மதி குலைந்து, அமைதி இழந்து அலுவலர்கள் தவிப்பதற்கு எந்த விமோச்சனமும் இல்லை. கிளைகளில் பெருகும் வேலைப்பளுவை சரிசெய்யும் நடவடிக்கைகளுக்கான அறிகுறிகளே இல்லை. ஒப்புக்கொண்ட சிறு விஷயங்களைக் கூட நிறைவேற்றுவதற்கும் முனைப்பு இல்லை.  காலதாமதம் என்னும் பெரு நோய்  தலைமையலுவலகத்தைப் போட்டு ஆட்டிப்படைத்துக் கொண்டு இருக்கிறது. தலைமையலுவலகத்தை புனரமைக்க நடவடிக்கைகள் இல்லை.

இவை யாவுக்கும் பின்னணியில் வங்கியின் ஜெனரல் மேனேஜர் மிஸ்டர் ராமநாதனே இருக்கிறார் என குற்றம் சாட்டுகிறோம். அவரது இயல்பும், நடவடிக்கைகளும், அணுகுமுறையும்  மோசமானதாக இருக்கிறது என்பதை நமது அனுபவத்தில் அறிகிறோம். தலைமையலுவலகத்தை புனரமைப்பதில் ஏற்படும் தடங்கல்களுக்கும், CC / DPN லோன்களில் எழுந்திருக்கும் கடுமையான அதிருப்திக்கும், ஒழுங்கு நடவடிக்கைகளில் இரக்கமற்று நடந்து கொள்வதற்கும், அவரே மையப்புள்ளியாய் இருக்கிறார். Officers Recruitment விஷயத்தில் cut off marks முன்கூட்டியே தெரிந்தும், வேண்டுமென்றே அதை மறைத்து, இட ஒதுக்கீட்டுக்கு எதிராக செயல்பட்டு இன்று பிரச்சினை பூதாகரமாவதற்கு மிஸ்டர் ராமநாதனே  காரணம். மனித உணர்வுகளுக்கு கொஞ்சங்கூட மதிப்பளிக்காமல் காலதாமதம் செய்வதில் அப்படியொரு கொடூரமான திருப்தி இவருக்குண்டு. அவரது போக்கை மாற்றிக் கொள்ள வேண்டும். இல்லையென்றால் மாற்றுவோம் என எச்சரிக்கிறோம்.

நாம் விரும்புகிற மாற்றங்கள் ஏற்படும் வரையில் நாம் தொடர்ந்து இயக்கம் நடத்துவது என முடிவு செய்திருக்கிறோம். அதன்படி-

1) அனைத்து நகரங்களிலும் நமது பிரச்சினைகளை விளக்கி ஃபிளக்ஸ் போர்டுகள் வைப்பது.

2)  நான்கு மண்டல அலுவலகங்கள் முன்பாகவும் கீழ்க்கண்ட தேதிகளில் ஆர்ப்பாட்டங்கள் நடத்துவது.
 
14.05.2014 - துத்துக்குடி
21.05.2014 - நெல்லை
28.5.2014   - விருதுநகர்
04.06.2014 - சிவகங்கை

ஆர்ப்பாட்டங்களையொட்டி, மண்டல வாரியாக கூட்டங்கள் நடத்தப்படும். அதுகுறித்த தகவல்கள் மண்டலச் செயலாளர்கள் மூலம் தோழர்களுக்குத் தெரிவிக்கப்படும்.

3) ஜூன் 10 ம் தேதி மதுரை கலெக்டர் அலுவலக வளாகத்தில், ஓய்வூதியச் சலுகைகள் பெறாமல் பாதிப்புக்குள்ளான ஓய்வு பெற்ற தோழர்கள் குடும்பத்தோடு ஆர்ப்பாட்டம் நடத்துவது.

இந்த கோரிக்கைகள் நம் அனைவருக்கும் பொதுவானவை. எனவே அனைத்துச் சங்கங்களுக்கும் அழைப்பு விடுத்து, ஒன்றுபட்ட இயக்கத்திற்கு திட்டமிடுவது எனவும் கூட்டுச் செயற்குழு தீர்மானித்திருக்கிறது. ஜூன் இரண்டாம் வாரத்தில் மீண்டும் கூடி அடுத்தக் கட்ட நடவடிக்கைகளை தீர்மானிப்போம்.

நமது போராட்ட அறிவிப்புகளுக்குப் பிறகு, LFC/ LTC மற்றும் Lodging expenses to Officers ஆகிய கோரிக்கைகளில் முன்னேற்றங்கள் ஏற்பட்டு இருக்கின்றன. ஸ்பான்ஸர் வங்கியிலிருந்து அனுமதி வந்திருப்பதாக சொல்லப்படுகிறது. வரவேற்கிறோம். அதே வேளையில் நிறைவேறாத விஷயங்கள் இன்னும் நிறைய இருக்கின்றன. அதற்கான பயணத்தைத் தொடருவோம்.....

தோழமையுடன்



   
(J.மாதவராஜ்)                                              (T.சங்கரலிங்கம்)
பொதுச்செயலாளர் - PGBEA           பொதுச்செயலாளர் - PGBOU                       

24.4.14

PGBEA - PGBOU Circular 6/2014 dated 22.4.2014


சுற்றறிக்கை: 6/2014   நாள்: 22.04.2014

அருமைத் தோழர்களே!

வணக்கம்.

மிகுந்த வருத்தத்துடனும், அதிருப்தியுடனும் இந்த சுற்றறிக்கையை வெளியிட வேண்டியிருக்கிறது. பொறுப்புகளை தட்டிக் கழிப்பதும், எல்லையற்ற கால தாமதமும் இந்த நிர்வாகத்தின் இயல்புகளாய் இருக்கின்றன.  பிரச்சினைகளை தீர்ப்பதற்கு நாம் காட்டி வந்த பொறுமை, பேச்சுவார்த்தையில் நாம் காட்டிய நிதானம், கடைப்பிடித்து வந்த சுமூகமான நடைமுறை எல்லாவற்றையும் இந்த நிர்வாகம் தவறாக புரிந்துகொண்டு இருக்கிறது என நினைக்கிறோம்.

நமது இரு சங்கங்களும் இணைந்து சில கோரிக்கைகளை முன்வைத்து, இயக்கம் நடத்துவது என தீர்மானித்திருந்தோம். அதனை தோழர்களுக்கு சுற்றறிக்கை மூலம் தெரியப்படுத்தி இருந்தோம். இதற்கு இடையில், நிர்வாகத்துடன் நடத்திய பேச்சுவார்த்தைகளில் சில உத்திரவாதங்கள் தரப்பட்டன.

1. பல ஒழுங்கு நடவடிக்கைகளில் முடிவுகள் எடுக்கப்படாமல் நிலுவையில் இருக்கின்றன. அதனால் சம்பந்தப்பட்ட தோழர்களின் கிராஜுவிட்டி மற்றும் ஓய்வு காலச் சலுகைகள் நிறுத்தி வைக்கப்பட்டு இருக்கின்றன. முப்பது வருடங்களுக்கும் மேலாக இந்த வங்கியில் பணிபுரிந்த அந்தத் தோழர்களின்  எதிர்காலம் இருண்டு போய் இருக்கிறது. கடந்த ஒரு வருடத்திற்கும் மேலாய் நாம் தொடர்ந்து இதுகுறித்துப் பேசி வருகிறோம். `இதோ`, `அதோ` என்று இழுத்தடித்துக்கொண்டே இருந்தது நிர்வாகம். கடைசியாக ` இந்த பிப்ரவரி மாதத்தில் முடித்துத் தருகிறோம்` என்றார்கள். பிறகு  `கண்டிப்பாக மார்ச் மாதத்தில் முடித்துத் தருகிறோம்` என்றார்கள். ஆனால் பாதிக்கப்பட்ட ஒரு தோழருக்குக் கூட ஒழுங்கு நடவடிக்கை இன்னும் முடித்துத் தரவில்லை.

2. அது போலவே, பிப்ரவரி மாதத்திற்குள் ஆபிஸர்களுக்கும், கிளரிக்கலுக்கும் புதிய பணி நியமனத்தை முடித்து விடுவோம் என்றார்கள். ஏப்ரலுக்குள் ஜெனரல் டிரான்ஸ்பர்கள் போட்டு விடிவோம் என்றார்கள். ஆனால் அதற்கான அறிகுறிகளே இல்லை. ஆபிஸர்களுக்கு மட்டும் பணிநியமனத்திற்கான அறிவிப்பு வெளியானது. இன்னும் இண்டர்வியூ துவக்கப்படவில்லை. கிளரிக்கலுக்கோ எதுவுமே இல்லை. பணி நியமனம் வருகிறது, வருகிறது என்று வேக வேகமாக 22 கிளைகள் மட்டும் திறக்கப்பட்டு விட்டன. கடுமையான ஆள் பற்றாக்குறையிலும், வேலைப்பளுவினாலும் நம் தோழர்கள் அவதிப்படுகின்றனர். பல்லவன் கிராம வங்கியில் பிப்ரவரி மாதத்திற்குள் புதிய பணி நியமனம் முடிந்து விட்டது. நம் வங்கியில் எதுவும் தொடங்கப்படவே இல்லை. கேட்டால் ஐ.ஓ.பியில் இருந்து அனுமதி வரவில்லை என்கிறார்கள். அதற்கு யார் பொறுப்பு? அதற்கு யார் கஷ்டப்படுவது?

3.Ehnancement of LTC/ LFC, Reimbursenment of petrol expenses, Lodging expenses for Officers on par with sponsor Banks  என நாம் பல பொருளாதார கோரிக்கைகளை முன்வைத்திருக்கிறோம். எதையுமே இந்த நிர்வாகம் நிறைவேற்றவில்லை. 2012, 2013ம் ஆண்டுகளில் வருடக் கணக்கையொட்டி விடுமுறை நாட்களில் பணிபுரிந்ததற்கு overtime Allowance கேட்டோம். இன்று வரை நிறைவேற்றவில்லை.

4. தலைமையலுவலகத்தில் தொடர்ந்து பணியாற்றியவர்களை, sensitive postகளில் தொடர்ந்து மூன்று வருடங்களுக்கு மேல் இருப்பவர்களை இடமாற்றம் செய்யுங்கள் என வலியுறுத்தி வந்தோம். ஏப்ரல் மாதத்தில், இடமாற்றம் செய்வதாக நிர்வாகம் ஒப்புக்கொண்டது. ஏப்ரல் மாதமும் முடியப்போகிறது. ஆனால் நிர்வாகத் தரப்பில் அதற்கான முகாந்திரமே இல்லை.

5.150 கோடி லாபம் சம்பாதித்திருப்பது குறித்து சந்தோஷப்படுகிற நிர்வாகம், அதில் compliment to all கொடுப்பதற்கு மட்டும் மறுக்கிறது.

2009ம் ஆண்டில் நிறுத்தி வைத்த Maternity Leave இப்போது கொடுக்கப்பட்டு இருக்கிறது. அதை நாம் பாரட்டினோம். பாராட்டுகிறோம். அதற்காக, நாம் மற்ற கோரிக்கைகளை வலியுறுத்தாமல் அமைதி காக்க வேண்டும் என்று நிர்வாகம் எதிர்பார்க்கிறது. சிறு சிறு சலுகைகளை செய்து கொடுத்துவிட்டு, பெரிய காரியத்தை செய்துவிட்டதாக நிர்வாகம் நினைத்துக் கொள்கிறது. நிர்வாகத் தரப்பில் நிலவும் காலதாமதத்தை பொறுத்துக் கொள்ள வேண்டும் என எதிர்பார்க்கிறது.

நல்லதைச் செய்தால் நிச்சயம் பாராட்டுவோம். செய்யாமல் இருந்தால் சுட்டிக் காட்டுவோம். வலியுறுத்துவோம். போராடுவோம் இதுதான் PGBEAவும், PGBOUவும்.

CC / DPN  லோன் தொகையை ஐ.ஓ.பியில் உள்ளதைப் போல வழங்கப்பட்டதை நிச்சயம் வரவேற்கிறோம். ஆனால் அதில் loss of pay எடுத்தவர்களுக்கு கிடையாது என்றும், vigilance /non vigilance case இருக்கிறவர்களுக்கு கிடையாது என conditions விதிப்பதையும் எதிர்க்கிறோம். இங்கு வருடக்கணக்கில் leave regularise செய்யாமல் இருப்பது யாருடைய தவறு? ஒழுங்கு நடவடிக்கைகளை வருடக் கணக்கில் முடிக்காமல் வைத்திருப்பது யாருடைய தவறு?

இந்தக் கேள்விகளுக்கு பதில் அளிக்க முடியாமல், திரும்பத் திரும்ப நிர்வாகம் சாக்குப் போக்கு சொல்வதும், இழுத்தடிப்பதுமே நடக்கிறது. இதனை மேலும் பொறுத்துக் கொள்ள நாம் தயாரில்லை.

ஏற்கனவே முடிவு செய்தது போல, நமது கோரிக்கைகளையும், நிர்வாகத்தின் குளறுபடிகளையும் சுட்டிக்காட்டி அங்கங்கு ஃபிளக்ஸ் பேனர்கள் வைக்கப்படும். மண்டல வாரியாக ஆர்ப்பாட்டங்கள் நடத்தப்படும்.

மே மாதம் 1ம் தேதி, உழைப்பாளர் தினத்தில் நமது இரு சங்கங்களின் செயற்குழுக்களும் கூடி, இது குறித்து திட்டமிடுவதென முடிவு செய்யப்படுகிறது.

அக்கினி நட்சத்திரம் ஆரம்பிக்கிறது.

தோழமையுடன்

தோழமையுடன்


   
(J.மாதவராஜ்)                                         (T.சங்கரலிங்கம்)
பொதுச்செயலாளர் - PGBEA                பொதுச்செயலாளர் - PGBOU                       

5.2.14

PGBEA - PGBOU Circular 2/2014 dated 5.2.2014


பாண்டியன் கிராம வங்கி ஊழியர் சங்கம்
(360/RMD) (இணைப்பு: AIRRBEA, NFRRBE & BEFI)
பாண்டியன் கிராம வங்கி ஆபிசர்ஸ் யூனியன்
(144/KMR) (இணைப்பு: AIRRBEA, NFRRBO)



சுற்றறிக்கை: 2/2014                                         நாள்: 05.02.2014

அருமைத் தோழர்களே!

வணக்கம். ஊதிய உயர்வு பேச்சுவார்த்தை குறித்து IBA. க்கும் UFBU-வுக்குமிடையே 5 சுற்றுப்பேச்சுவார்த்தைகள் நவம்பர் 2013 வரை நடைபெற்றுள்ளன. 18 டிசம்பர் 2013 ஒருநாள் வேலைநிறுத்தத்தை தொடர்ந்து ஜனவரி 20,21 ஆகிய தேதிகளில் வேலை நிறுத்தப் போராட்டத்தில் ஈடுபடுவது என்று முடிவு செய்தனர்.இதனையடுத்து ஜன. 13 அன்று மத்திய தொழிலாளர் ஆணையர் தலையீட்டின் பேரில் ஜன. 17 அன்று ஊதிய உயர்வுப் பேச்சுவார்த்தை நடைபெற்றது. இதில், தொடக்க கட்ட உயர்வு 9.5 விழுக்காடு என்பதாக ஐபிஏ அறிவித்தது.

மேலும், இருவாரத்துக்கு ஒருமுறை ஊதிய பேச்சுவார்த்தையைத் தொடரலாம்; ஜூன் 2014க்கு முன்பே ஒப்பந்தம் கையெழுத்தாகிவிடும் என்று உறுதியளித்தது. இதைத் தொடர்ந்து தொழிற்சங்கங்கள் வேலை நிறுத்தத்தை ஒத்தி வைத்தன.மீண்டும் ஜன.27 அன்று நடந்த பேச்சுவார்த்தையின் போது 0.5 விழுக்காடு மட்டுமே ஊதிய உயர்வு அறிவிக்கப்பட்டது.இது ஊழியர், அதிகாரிகளை அவமானப்படுத்துவதாக அமைந்தது.இதற்கிடையில், 55 வயது நிறைந்த ஊழியர்களை அல்லது 30 ஆண்டு பணிபுரிந்த ஊழியர்களை பணியிலிருந்து நீக்கலாம் , மாநிலம் முழுவதும் ஊழியர்களை இடமாற்றம் செய்யலாம் ஊழியர் ‘திறன்' அடிப்படையில் ஏற்ற தாழ்வான ஊதிய அமைப்பு விகிதத்தை வங்கித்துறையில் அறிமுகப்படுத்தலாம் என்று நிர்வாகம் சார்பில் எதிர்க் கோரிக்கையாக முன்வைக்கப்பட்டது.

சுமூகப்பேச்சு வார்த்தை மூலம் தீர்வு காணலாம் என்றிருந்த தொழிற்சங்கங்களை ஆவேசமடைய வைத்தன. வங்கி ஊழியர்களை பிரித்தாளும் சூழ்ச்சித் திட்டங்களை அமல்படுத்த, கூட்டமைப்பு சங்கங்கள் எதிர்ப்புத் தெரிவித்துள்ளன. கடந்த ஒப்பந்தத்தைக் காட்டிலும் இம்முறை வெறும் 10 விழுக்காடுதான் உயர்வு என்பதை ஏற்க இயலாது என்பதால் யுஎப்பியு கூட்டமைப்பின் 9 சங்கங்களும் பிப்.10ம் தேதி காலை 6 மணி முதல் 48 மணி நேர வேலை நிறுத்தத்துக்கான அறைகூவல் விடுத்துள்ளன.

இந்த வேலை நிறுத்தத்தில் பங்கு கொள்வது என அகில இந்திய அளவில் அனைத்து கிராம வங்கி ஊழியர்கள் மற்றும் அலுவலர்கள் சங்கங்கள் அறிவித்துள்ளன. AIRRBEA இதனை நமக்குத் தெரிவித்துள்ளது. எனவே PGBEAவும், PGBOUவும் இந்த வேலைநிறுத்தத்தில் பங்கு கொள்கின்றன.

தோழர்களே, வேலை நிறுத்தத்தை வெற்றிகரமாக்குவோம்.

நமது வங்கியும் நமது இயக்கமும்:


பாண்டியன் கிராம வங்கி நிர்வாகம் குறித்து நமது இரு சங்கங்களும் தொடர்ந்து கீழ்க்கண்ட விமர்சனங்களை முன்வைத்து வருகிறோம்.
1. மனிதாபிமானமற்ற முறையில் நடந்துகொள்கிறது.
2.வெளிப்படைத்தன்மையற்றதாகவும், இறுக்கமானதாகவும் இருக்கிறது.
3.ஊழியர்கள் பணிநெருக்கடிகளுக்கு தீர்வு காணாமல் இருக்கிறது.
4.வங்கிப்பணிகளில் அவரவர்க்கான விதிகளை வரையறுத்து ஒரு ஒழுங்கை ஏற்படுத்தாமல், ஊழியர்கள் மற்றும் அலுவலர்களின் நடத்தைகளில் மட்டுமே ஒழுங்கை பார்க்கிறது.
5.சம்பளப்பிடித்தம் என்றால் அதிவேகமாகச் செயல்படுகிறது. அதே வேளையில் உரிய சலுகைகளையும், உரிமைகளையும் வழங்குவதென்றால் காலம் தாழ்த்துகிறது, தட்டிக் கழிக்கிறது.
6. ஊழியர்களோடும், அலுவலர்களோடும் நட்பு ரீதியான நல்லுறவு வைத்துக்கொள்ளாமல், அனைவரையும் எதிரிகளாகவும், குற்றவாளிகளாகவும் பார்க்கிறது.
7.ஓய்வு பெறப் போகும் ஊழியர்கள் மற்றும் அலுவலர்கள் அடிவயிற்றில் பயத்தையும், படபடப்பையும் உருவாக்கி, வங்கிப்பணியில் அவர்கள் இயல்பாகவும் சுதந்திரமாகவும் ஈடுபடுவதை குறைக்கிறது.
8.புதிதாக பணிக்குச் சேர்ந்த இளம் ஊழியர்கள் மற்றும் அலுவலர்களை அரவணைத்து அவர்களுக்கு இந்த வங்கியின் மீது பிடிப்பையும் பற்றையும் உருவாக்குவதற்கு பதிலாக அதிகாரம் செலுத்தி இந்த வங்கியை விட்டு வெளியேறும் எண்ணத்தை  ஏற்படுத்துகிறது.

இவைகள் குறித்து பலமுறை நிர்வாகத்திடம் பேசியிருக்கிறோம். இவைகளை சரிசெய்வதற்கான யோசனைகளையும், வழிகளையும் நம் தரப்பில் சொல்லியிருக்கிறோம். இந்த நிர்வாகம் சரிசெய்வதாக சொல்கிறது. ஆனால் ஆக்கபூர்வமான, திட்டமிட்ட நடவடிக்கைகளை எடுக்காமல் இருக்கிறது.

'தலைமையலுவலகத்தை புனரமைக்க வேண்டும்' என்று நாம் பலவருடங்களாக சொல்லிக்கொண்டே இருக்கிறோம். ஊழியர்கள் மற்றும் அலுவலர்கள் பலரது வாழ்க்கையை சிதைத்து, இந்த வங்கியில் உற்சாகமாக பணிபுரியும் மனோபாவத்தை கெடுத்த  மிஸ்டர்.சங்கரநாராயணனை, AIVDயை நிர்வகிக்கும் பொறுப்பிலிருந்து விடுவியுங்கள் என்று எத்தனையோ முறை சொல்லியிருக்கிறோம். நிர்வாகமோ மார்ச் மாதத்தில் பணி ஓய்வு பெற இருக்கும் அவருக்கு பதவி உயர்வு கொடுத்து பாராட்டியிருக்கிறது.

மிஸ்டர் சங்கரநாராணனுக்குப் பதிலாக இப்போது மிஸ்டர் சந்தானக்குமாரை உட்கார வைத்திருக்கிறார்கள். இவரும் சங்கரநாரயணனைப் போன்ற மோசமான பார்வை கொண்டவர்தான். கிளைகளில் performance செய்யாதவர். பல கேஸ்களில் investigating officerஆக இருக்கிறவர். எனவே மிஸ்டர் சந்தானக்குமாருக்கு AIVDயை நிர்வகிப்பதற்கு தார்மீக உரிமை கிடையாது. அவரை மாற்ற வேண்டும் என நாம் கோரிக்கை வைக்கிறோம். வந்தவுடன் அவர் செய்த முதல் பணி, புளியங்குடிக் கிளையில் கடைநிலை ஊழியராக பணிபுரியும் தோழர்.முருகதாஸை சஸ்பெண்ட் செய்ததுதான். தோழர்.முருகதாஸ் வேலைபார்த்த நாட்களுக்குரிய ஊதியம் கொடுக்கப்படவில்லை. wages Act, 1936 பிரகாரம் இது தவறு, ஊதியத்தை உடனடியாக கொடுங்கள் எனக் கேட்டோம். அதற்குத்தான் இந்த சஸ்பென்ஷன்.  சஸ்பென்ஷன் ஆர்டரில் எந்தக் காரணமும் குறிப்பிடப்படவில்லை. ஊழியர் விரோத மனப்பான்மை அப்பட்டமாக வெளிப்பட்டு இருக்கிறது.

எனவே நாம் மாற்றங்களை ஏற்படுத்தக் கூடிய காரியங்களில் ஈடுபட வேண்டி இருக்கிறது. அதற்காக  நாம் கீழ்க்கண்ட கோரிக்கைகளை முன்வைத்து இயக்கம் ஆரம்பிப்பது என இரு சங்கத்தின் தலைமையும் தீர்மானித்திருக்கின்றன.

1. தலைமையலுவலகத்தை புனரமைக்க வேண்டும். டிபார்ட்மெண்ட்களின் பொறுப்பு வகிப்பவர்கள் performerகளாகவும், இணக்கமான அணுகுமுறை கொண்டவர்களாகவும் இருக்க வேண்டும்.
2.NREGS, OAP கணக்கு வைத்திருப்பவர்களுக்கு அவர்கள் இருக்கும் இடத்தில் பணம் பட்டுவாடா செய்யப்பட வேண்டும். அதற்கேற்ப தொழில்நுட்ப வசதிகள் உடனடியாக முழுமைப் படுத்தப்பட வேண்டும்.
3. நிலுவையிலிருக்கும் ஓழுங்கு நடவடிக்கைகள் அனைத்தும் குறிப்பிட்ட காலத்திற்குள்  பாஸிட்டிவான பார்வையோடு முடிக்கப்பட வேண்டும்.
4. எந்தக் காரணம் கொண்டும் ரிடையர் ஆகிறவர்களின் ஓய்வுகாலச் சலுகைகளை நிறுத்தி வைப்பது கூடாது.
5. Graduation pay to newly recruited Office Assistants, Boarding and lodging expenses for officers on par with sponsor Bank, Petrol allowance and House maintanence allowance on par with sponsor bank, enhancement of LTC/LFC ஆகிய பொருளாதாரக் கோரிக்கைகள்  உடனடியாக நிறைவேற்றப்பட வேண்டும்.
6. அவரவர்க்கான Duties and responsibilities களை வரையறுத்து சர்க்குலர் வெளியிட வேண்டும்.

விரைவில் நமது இரு சங்கங்களும் நிர்வாகத்துடன் இந்தக் கோரிக்கைகள் குறித்து பேசுவோம். சாதகமான நிலைமைகளும், முன்னேற்றங்களும் ஏற்படவில்லையென்றால் நாம் அடுத்தக்கட்ட நடவடிக்கைகளில் ஈடுபடுவோம். இந்தக் கோரிக்கைகள் குறித்து நமது வங்கியில் இருக்கும் சகோதரச் சங்கங்களோடும் பேசி வருகிறோம். அவர்களும் இதுபோன்ற சிந்தனைகளோடு இருக்கிறார்கள் என்பது ஆரோக்கியமான விஷயம்.

தோழர்.முருகதாஸ் சஸ்பென்ஷன் குறித்து பொதுமேலாளரிடமும், வங்கியின் சேர்மனிடமும் பேசியிருக்கிறோம். உடனடியாக அவரை Reinstate செய்ய வேண்டும் என வலியுறுத்தியிருக்கிறோம். ஓரிரு நாட்களில் Reinstate செய்வதாக ஒப்புக்கொண்டு இருக்கிறார்கள். மேலும் உற்சாகமான செய்திகளோடு விரைவில் சந்திப்போம்.
தோழமையுடன்


                                                
(J.மாதவராஜ்)                                                        (T.சங்கரலிங்கம்)
பொதுச்செயலாளர் - PGBEA                         பொதுச்செயலாளர் - PGBOU   

6.1.14

PGBEA Circular 1/2014 dated 4.1.2014


சுற்றறிக்கை: 1/2014                                         நாள்: 04.01.2014

அனைவருக்கும் ஆங்கிலப் புத்தாண்டு வாழ்த்துக்கள்.

2013ம் ஆண்டு பிறந்தபோதும் நிறைய எதிர்பார்ப்புகள் நம்மிடம் இருந்தன. அதே எதிர்பார்ப்புகளுடன்தான் நாம் 2014ம் ஆண்டிலும் காலடி எடுத்து வைக்கிறோம்.   ஊழியர்கள் நலன்கள் புறக்கணிக்கப்பட்ட காலமாக சென்ற வருடம் கழிந்திருக்கிறது என்பது கசப்பான உண்மையாக முன்னிற்கிறது. ஆனால் அவைகள் குறித்து நமது சங்கம் தொடர்ந்து பேசியிருக்கிறது. சுற்றறிக்கைகள், வட்டாரக் கூட்டங்கள், இணையதளம் மூலமாக பிரச்சாரம் செய்திருக்கிறது. போராடுவதன் மூலமே நாம் நம்மைத் தற்காத்துக் கொள்ள முடியும் என்பதை உணர்த்தி வந்திருக்கிறது. இவை யாவும் அனுபவங்களாக நமக்குள் நிறைந்திருக்கின்றன. 2014ம் ஆண்டை சிறப்பானதாக அமைத்துக்கொள்ளும் வல்லமை உழைக்கும் மக்களாகிய நம் கைகளில்தான் இருக்கிறது என்பதை நினைவில் நிறுத்துவோம்.

PGBEAவின் செயற்குழு 22.12.2013 அன்று விருதுநகரில், சங்க அலுவலகத்தில் நடந்தது. வங்கியில் ஊழியர்களின் இன்றைய நிலைமை, அவர்களது பிரச்சினைகள் மற்றும் நிர்வாகத்தின் போக்குகள் குறித்து விரிவாக விவாதிக்கப்பட்டன. அதன் அடிப்படையில் முடிவுகள் எடுக்கப்பட்டன.

1. பல்வேறு கோரிக்கைகளை உள்ளடக்கிய கடிதம் ஒன்றை நிர்வாகத்துக்கு எழுதி, அதன் மேல் பேச்சுவார்த்தையை ஜூலை, ஆகஸ்டு மாதங்களில் நடத்தியிருந்தோம். PGBOUவுடன் இணைந்து ஒரு கோரிக்கை சாசனத்தை அக்டோபரில் சமர்ப்பித்து, சர்க்குலரில் தெரியப்படுத்தி இருந்தோம். அவைகளில் STaff Housing Loanஐத் தவிர வேறு எந்தக் கோரிக்கையும் நிறைவேற்றப்படவில்லை. ஊழியர்களின் நலன்களிலும் பிரச்சினைகளிலும் நிர்வாகம் மெத்தனமாக நடந்துகொள்வதாக செயற்குழு கருதியது. அந்தக் கோரிக்கைகளை வலியுறுத்தி நிர்வாகத்துடன் பேசி, அவைகளை வென்றெடுப்பதற்கான நடவடிக்கைகளை மேற்கொள்ள வேண்டும் என செயற்குழு தீர்மானித்தது.

2. இங்கு முறையான Transfer Policy இல்லாமலிருப்பதே, பல்வேறுவிதமான குழப்பங்களுக்கும், விதிமீறல்களுக்கும், பாரபட்சங்களுக்கும் காரணமாக அமைந்திருக்கிறது. நிர்வாகத்துடன் இதனை பலமுறை பேசியிருக்கிறோம். Transfer Policy ஒன்றை உருவாக்க ஒரு கமிட்டி அமைத்து, அனைத்துச் சங்கங்களுடனும் பேசி இறுதிப்படுத்தலாம் என நிர்வாகம் சில மாதங்களுக்கு முன்பு ஒரு யோசனையை முன்வைத்தது. இன்றுவரை அப்படியொரு கமிட்டி அமைக்கப்படவில்லை. Transfer Policy ஒன்றை, வங்கித்துறையின் இருதரப்பு ஒப்பந்தங்களின் அடிப்படையில் உருவாக்க இயக்கம் நடத்த வேண்டும் என செயற்குழு தீர்மானித்தது.

3. கிளைகளில் NREGS மற்றும்  OAP அக்கவுண்டுகள் குவிந்து கிடக்கின்றன. அவைகளுக்குரிய Transactionகளை பார்க்க முடியாமல் ஊழியர்களும் அலுவலர்களும் திணறுகின்றனர். NREGSக்குரிய பணம், கிராமங்களில், மக்கள் வேலை செய்யும் இடங்களிலேயே பட்டுவாடா செய்யப்பட வேண்டும் என்பதுதான் அரசு விதி. Business Corespondentகள் அதற்குரிய வகையில் தொழில்நுட்பரீதியாக equip செய்யப்பட்டு இருக்க வேண்டும். ஆனால் வருடங்களாகியும் நிலைமை சரிசெய்யப்படவில்லை. நிர்வாகத்துடன் பேசும்போதெல்லாம் பல்வேறு உறுதிமொழிகள் கொடுக்கப்பட்டன. ஆனால் நிலைமையில் முன்னேற்றம் இல்லை என்பதுதான் உண்மை. இந்த நிலைமையில் Money Transfer-ம் நம் வங்கியில் அறிமுகம் செய்யப்பட இருப்பதாய் அறிகிறோம். அதே வேளையில், ATM கொண்டு வருவதற்கான முயற்சிகள் நிறைவேறாமல் இருக்கின்றன. பொதுவாக ஊழியர்களுக்கு வேலையை அதிகரிக்கும் காரியங்கள் வேகமாகவும், வே¨யை ஓரளவுக்கு சமன்செய்யும் காரியங்கள் இக்கு மந்தமாகவும் நடைபெறுகின்றன. செயற்குழு இந்தப் போக்கை கடுமையாக விமர்சித்ததுடன் இதனை சரிசெய்யும் இயக்கத்தை முன்னின்று நடத்த வேண்டும் என தீர்மானித்தது.

4. அறுபது வயதுக்கு மேல் ஓய்வு பெற்ற அலுவலர்களை பாண்டியன் கிராம வங்கி நிர்வாகம், குறிப்பிட்டப் பணிகளுக்காக பயன்படுத்துவதை செயற்குழு விவாதித்தது. இது ஆரோக்கியமான நடைமுறை இல்லை என்றே கருதியது. அறுபது வயதுக்கு மேல், ஒருவரது ஓய்வு நாட்களில், இப்படி பணிபுரிய பயன்படுத்துவதை எந்த சமூக நோக்குள்ள சங்கமும் எதிர்க்கவே செய்யும். மேலும் இந்த சமூகத்தில் வேலையில்லாமல் எத்தனையோ இளைஞர்கள் இருக்கிறார்கள். அவர்களுக்கான புதிய பணி வாய்ப்புகளை இதுபோன்ற நடவடிக்கைகள் பெரிதும் பாதிக்கவேச் செய்யும். நமது Staff Service Regulationக்கும், Reserve Bank guidelinesக்கும் எதிரான காரியம் இது. எனவே நிர்வாகம் 60 வயதுக்கு மேலான அலுவலர்களை, வங்கிப்பணிகளுக்கு பயன்படுத்துவதை எதிர்ப்பது என்றும், தடுப்பது என்றும் செயற்குழு தீர்மானித்தது.

இந்தப் பிரச்சினைகளையும், கோரிக்கைகளையும் முன்வைத்து நிர்வாகத்துடன் பேச்சுவார்த்தை நடத்தி, அடுத்தக் கட்ட நடவடிக்கைகளில் ஈடுபடுவது என்றும் முடிவு செய்தது.

5. வங்கிப்பணியிலிருந்து ஓய்வு பெற்ற தோழரும், PGBEAவின் மகத்தான தலைவருமான தோழர்.சோலைமாணிக்கம் அவர்களை செயற்குழு பாராட்டியது. வங்கிப்பணியிலிருந்து அவர் ஓய்வு பெற்றதைத் தொடர்ந்து அவருக்குப் பதிலாக, PGBEAவின் உதவித்தலைவராக , செயற்குழு உறுப்பினராயிருந்த தோழர்.நாசர் (அடைக்கலப்பட்டிணம் கிளை) co-opt செய்யப்பட்டார். அதனால் உருவான செயற்குழு உறுப்பினர் பதவிக்கு தோழர்.ரெங்கநாதன் (கயத்தாறு கிளை) தேர்தெடுக்கப்பட்டு இருக்கிறார்.

நிர்வாகத்துடன் பேச்சுவார்த்தை:

செயற்குழு முடிவின்படி, நமது பிரச்சினைகளை முன்னிறுத்தி ஏற்கனவே கடிதங்கள் எழுதியிருந்தோம். 31.12.2013 அன்று, வங்கியின் சேர்மனை சந்தித்து பேச்சுவார்த்தை நடத்தினோம்.

1. `பதவி உயர்வு, டிரான்ஸ்பர் என்று ஊழியர்களுக்கும் அலுவலர்களுக்கும் நிர்வாகம் நிறைய செய்து இருப்பதாகவும், ஆனால் Staff Housing Loan மட்டுமே நிறைவேற்றி இருப்பதாக நாம் கடிதம் எழுதி இருப்பதாகவும்` என நிர்வாகத்தரப்பில் சொல்லப்பட்டது. நாம் ஜூலை மாதத்தில் முன்வைத்த கோரிக்கை சாசனத்தில், SHL  மட்டுமே நிறைவேற்றப்பட்டு இருப்பதை எடுத்துச் சொன்னோம். பெருமாள் மலை கிளைக்கு Hill and Fuel Allowance வழங்கப்பட்டு இருப்பது நிர்வாகத்தரப்பில் தெரிவிக்கப்பட்டது. நாம் அதற்கான மகிழ்ச்சியைத் தெரிவித்தோம். அதே வேளையில் எண்ணற்ற கோரிக்கைகளும், பிரச்சினைகளும் தீர்க்கப்படாமல் காலம் தாழ்த்தப்படுவதை சுட்டிக்காட்டினோம். Staff vehicle Loan சர்க்குலர் சில நாட்களில் வெளியாகும் என தெரிவிக்கப்பட்டது. 2013ம்  ஆண்டு பணிக்குச் சேர்ந்த Office Assistantகளுக்கு graduation increment  கொடுப்பது குறித்து நபார்டு நிதியமைச்சகத்துக்கு கடிதம் எழுதி இருப்பதாகவும், அதுவரை காத்திருக்க வேண்டியிருக்கிறது என சொல்லப்பட்டது. அப்படிச் சொல்வதற்கு நபார்டு எந்த அதிகாரமும் இல்லை என்னும் நமது நிலைபாட்டைத் தெரிவித்தோம்.

2. Transfer Policy ஒன்றை உருவாக்க நிர்வாகம் சம்மதம் தெரிவித்தது. மற்ற சங்கங்களின் பிரதிநிதிகள், நிர்வாகத் தரப்பில் சில அதிகாரிகள் ஆகியோரை உள்ளடக்கிய ஒரு கமிட்டி அமைத்து Transfer policy உருவாக்குவோம் என உறுதியளிக்கப்பட்டது.

3. தொழில்நுட்ப வசதிகள் செய்து தர நிர்வாகம் தயாராக இருப்பதாகவும், வங்கிக்கு அமைந்த service providerகள் சரியில்லை, அதற்கு நாங்கள் என்ன செய்ய முடியும் என விளக்கமளிக்கப்பட்டது.

4. 60 வயதுக்கு மேல் ஓய்வுபெற்றவர்களை நிர்வாகம், வங்கிப்பணிக்கு பயன்படுத்துவது குறித்து நமது நிலைபாட்டைத் தெரிவித்தோம். Book of Instructionஐ update  செய்ய இரண்டு ஓய்வு பெற்ற அலுவலர்களை பயன்படுத்தியிருப்பதாகவும், இனி யாரையும் பயன்படுத்தப் போவதில்லை எனவும் தெரிவிக்கப்பட்டது.

தோழர்களே, நிர்வாகத்துடன் தொடர்ந்து பேசி வருகிறோம். அந்தந்த நேரத்துக்கு காரணங்கள் சொல்லி சமாதானம் செய்கிற நிர்வாகம்,  நமது பிரச்சினைகளை தீர்ப்பதற்கான நடவடிக்கைகளை துரிதமாக எடுப்பதில்லை என்பதுதான் நமது அனுபவங்களாக இருக்கின்றன.

PGBOU வுடன் கலந்தாலோசித்து, மேற்கொண்டு நடவடிக்கைகள் எடுப்போம். புத்தாண்டை, நமது பிரச்சினைகளை தீர்க்கிற ஆண்டாக அமைத்துக் கொள்வோம்.

தோழமையுடன்



                                                
(J.மாதவராஜ்)
பொதுச்செயலாளர் - PGBEA                           

28.12.13

PGBEA செயற்குழு (22.12.2013) முடிவுகள்



PGBEAவின் செயற்குழு கடந்த ஞாயிறு, 22.12.2013 அன்று விருதுநகரில், சங்க அலுவலகத்தில் நடந்தது. வங்கியில் ஊழியர்களின் இன்றைய நிலைமை, அவர்களது பிரச்சினைகள் மற்றும் நிர்வாகத்தின் போக்குகள் குறித்து விரிவாக விவாதிக்கப்பட்டன. அதன் அடிப்படையில் கீழ்க்கண்ட முடிவுகள் எடுக்கப்பட்டன.

1. பல்வேறு கோரிக்கைகளை உள்ளடக்கிய கடிதம் ஒன்றை நிர்வாகத்துக்கு எழுதி, அதன் மேல் பேச்சுவார்த்தையை ஜூலை, ஆகஸ்டு மாதங்களில் நடத்தியிருந்தோம். PGBOUவுடன் இணைந்து ஒரு கோரிக்கை சாசனத்தை முன்வைத்து சர்ர்குலரில் தெரியப்படுத்தி இருந்தோம். அவைகளில் STaff Housing Loanஐத் தவிர வேறு எந்தக் கோரிக்கையும் நிறைவேற்றப்படவில்லை. ஊழியர்களின் நலன்களிலும் பிரச்சினைகளிலும் நிர்வாகம் மெத்தனமாக நடந்துகொள்வதாக செயற்குழு கருதியது. அந்தக் கோரிக்கைகளை வலியுறுத்தி நிர்வாகத்துடன் பேசி, அவைகளை வென்றெடுப்பதற்கான நடவடிக்கைகளை மேற்கொள்ள வேண்டும் என செயற்குழு தீர்மானித்தது.

2. இங்கு முறையான Transfer Policy ஒன்று இல்லாமலிருப்பதே, பல்வேறுவிதமான குழப்பங்களுக்கும், விதிமீறல்களுக்கும், பாரபட்சங்களுக்கும் காரணமாக அமைகிறது. நிர்வாகத்துடன் இதனை பலமுறை பேசியிருக்கிறோம். Transfer Policy ஒன்றை உருவாக்க ஒரு கமிட்டி அமைத்து, அனைத்துச் சங்கங்களுடனும் பேசி இறுதிப்படுத்தலாம் என நிர்வாகம் சில மாதங்களுக்கு முன்பு ஒரு யோசனையை முன்வைத்தது. இன்றுவரை அப்படியொரு கமிட்டி அமைக்கப்படவில்லை. Transfer Policy ஒன்றை, வங்கித்துறையின் இருதரப்பு ஒப்பந்தங்களின் காணப்படும் அம்சங்களோடு உருவாக்க இயக்கம் நடத்த வேண்டும் என செயற்குழு தீர்மானித்தது.

3. கிளைகளில் NRGES மற்றும்  OAP அக்கவுண்டுகள் குவிந்து கிடக்கின்றன. அவைகளுக்குரிய Transactionகளை பார்க்க முடியாமல் ஊழியர்களும் அலுவலர்களும் திணறுகின்றனர். NRGESக்குரிய பணம், கிராமங்களில், மக்கள் வேலை செய்யும் இடங்களிலேயே பட்டுவாடா செய்யப்பட வேண்டும் என்பதுதான் அரசு விதி. Business Corespondentகள் அதற்குரிய வகையில் தொழில்நுட்பரீதியாக equip செய்யப்பட்டு இருக்க வேண்டும். ஆனால் வருடங்களாகியும் நிலைமை சரிசெய்யப்படவில்லை. நிர்வாகத்துடன் பேசும்போதெல்லாம் பல்வேறு உறுதிமொழிகள் கொடுக்கப்பட்டன. ஆணால் நிலைமையில் முன்னேற்றம் இல்லை என்பதுதான் உண்மை. இந்த நிலைமையில் Money Transfer-ம் நம் வங்கியில் அறிமுகம் செய்யப்பட இருப்பதாய் அறிகிறோம். அதே வேளையில், ATM கொண்டு வருவதற்கான முயற்சிகள் நிறைவேறாமல் இருக்கின்றன. பொதுவாக ஊழியர்களுக்கு வேலையை அதிகரிக்கும் காரியங்கள் வேகமாகவும், வேலை ஓரளவுக்கு சமன்செய்யும் காரியங்கள் மந்தமாகவும் நடைபெறுகின்றன. செயற்குழு இந்தப் போக்கை கடுமையாக விமர்சித்ததுடன் இதனை சரிசெய்யும் இயக்கத்தை முன்னின்று நடத்த வேண்டும் என தீர்மானித்தது.

4. அறுபது வயதுக்கு மேல் ஓய்வு பெற்ற அலுவலர்களை பாண்டியன் கிராம வங்கி நிர்வாகம், குறிப்பிட்டப் பணிகளுக்காக பயன்படுத்துவதை செயற்குழு விவாதித்தது. இது ஆரோக்கியமான நடைமுறை இல்லை என்றே கருதியது. அறுபது வயதுக்கு மேல், ஒருவரது ஓய்வு நாட்களில், இப்படி பணிபுரிய பயன்படுத்துவதை எந்த சமூக நோக்குள்ள சங்கமும் எதிர்க்கவே செய்யும். இந்த சமூகத்தில் வேலையில்லாமல் எத்தனையோ இளைஞர்கள் இருக்கிறார்கள். அவர்களுக்கான புதிய பணி வாய்ப்புகளை இதுபோன்ற நடவடிக்கைகள் பெரிதும் பாதிக்கவேச் செய்யும். மேலும் நமது Staff Service Regulationக்கும், Reserve Bank guidelinesக்கும் எதிரான காரியம் இது. எனவே நிர்வாகம் 60 வயதுக்கு மேலான அலுவலர்களை, வங்கிப்பணிகளுக்கு பயன்படுத்துவதை எதிர்ப்பது என்றும், தடுப்பது என்றும் செயற்குழு தீர்மானித்தது.

இந்தப் பிரச்சினைகளையும், கோரிக்கைகளையும் முன்வைத்து நிர்வாகத்துடன் பேச்சுவார்த்தை நடத்தி, அடுத்தக் கட்ட நடவடிக்கைகளில் ஈடுபடுவது என்றும் முடிவு செய்யப்பட்டு இருக்கிறது.

வங்கிப்பணியிலிருந்து ஓய்வு பெற்ற தோழரும், PGBEAவின் மகத்தான தலைவருமான தோழர்.சோலைமாணிக்கம் அவர்களை செயற்குழு பாராட்டியது. வங்கிப்பணியிலிருந்து அவர் ஓய்வு பெற்றதைத் தொடர்ந்து அவருக்குப் பதிலாக, PGBEAவின் உதவித்தலைவராக , செயற்குழு உறுப்பினராயிருந்த தோழர்.நாசர் (அடைக்கலப்பட்டிணம் கிளை) co-opt செய்யப்பட்டார். அதனால் உருவான செயற்குழு உறுப்பினர் பதவிக்கு தோழர்.ரெங்கநாதன் (கயத்தாறு கிளை) தேர்தெடுக்கப்பட்டு இருக்கிறார்.

செயற்குழு முடிவுகளையடுத்து, நிர்வாகத்துடன் பேச்சுவார்த்தை நடத்த முயன்றோம். தொடர்ந்து கிளைகள் திறக்கப்படுவதையொட்டி நிர்வாகத்தரப்பில் அதற்கான நேரம் ஒதுக்க முடியாமல் இருந்தது. இப்போது சேர்மனோடு பேச்சுவார்த்தை 31.12.2013 அன்று குறிக்கப்பட்டு இருக்கிறது. பேச்சுவார்த்தைக்குப் பிறகு அதன் விபரங்களை தோழர்களுக்குத் தெரியப்படுத்துகிறோம்.

செயற்குழுவின் முடிவின்படி, நிர்வாகத்துக்கு கடிதங்கள் எழுதப்பட்டு இருக்கின்றன. அவைகளை இங்கு தருகிறோம்.


----------------------------------------------------------------------------------------------------
(1) On demands:

Pandyan Grama Bank Employees Association
(360/RMD) (Affi: AIRRBEA & BEFI)
CO Colony,  (Near) RTO Office, Virudhunagar -626001

TO

The chairman
Pandyan Grama Bank
Administrative office
Virudhunagar


Sir,

Our demands- Reg

We wish to remind the Charter of demands submitted by us in the month of July, 2013 and the discussions had with the management. Except one or two demands like Staff Housing Loans and Transfers to General Secretary and President of PGBEA, none other demands are looked into so far.

Management had assured to implement some demands and take up some demands with sponsor Bank. But there was no development in the last few months.

We request your goodselves to concentrate on Staff Welfare measures which will boost the morale and job satisfaction of the employees.

Thanking you

Yours faithfully
Inline image 1
(J.Mathavaraj)
General Secretary
----------------------------------------------------------------------------------------------------------------------------------------------------------
(2) On Transfer Policy:

Pandyan Grama Bank Employees Association
(360/RMD) (Affi: AIRRBEA & BEFI)
CO Colony,  (Near) RTO Office, Virudhunagar -626001

TO

The chairman
Pandyan Grama Bank
Administrative office
Virudhunagar


Sir,

Transfer Policy

We recall our discussions with the management on the above subject several times. Management had assured to look into the matter, proposed to form a committee to examine a transfer policy and agreed to frame a transfer policy within Mar, 2014.

We remind the same and request your goodselves to take necessary steps in this regard.

Thanking you

Yours faithfully
Inline image 1
(J.Mathavaraj)
General Secretary

-------------------------------------------------------------------------------------------------------------------------------------------------------
(3) On NRGES and OAP:

Pandyan Grama Bank Employees Association
(360/RMD) (Affi: AIRRBEA & BEFI)
CO Colony,  (Near) RTO Office, Virudhunagar -626001

TO

The chairman
Pandyan Grama Bank
Administrative office
Virudhunagar


Sir,

Handling ‘NRGES’ and ‘OAP’ accounts - Reg

We come to understand that our management is going to introduce the business of ‘Money – Transfers’ in our bank. It will be good for the bank and we welcome the move. At the same time we have to point out our miserable experiences and observations in this regard.

As per the Govt guidelines, money should be given to the people at their working spot under ‘NRGES’. But our bank does not pave the way for it so far. So, our branches are filled up with the customers under ‘NRGES’ and ‘OAP’. Our employees and Officers are finding it very difficult to manage the transactions under ‘NRGES’ and ‘OAP’. Poor customers and agricultural labourers under ‘NRGES’ are waiting in the branches for a very long time and are suffering very much. When we brought the matter to the management, it was said there would be technological updating soon to handle them. Even after the lapse of one year, we regret to inform that there is no development. In all other banks, these accounts are being managed as per Govt norms with necessary technology. We also wish to point out here that management has not concentrated in the technology such as ‘ATM’ facilities, which will reduce the work load in the branches.


In these conditions, ‘Money Transfers’ shall not be an additional burden to our employees and Officers in the brnches. Hence, we request the management to give due priority for the technology updating to handle the ‘NRGES’ and ‘OAP’ accounts in the branches.


Thanking you

Yours faithfully
Inline image 1
(J.Mathavaraj)
General Secretary

------------------------------------------------------------------------------------------------------------------------------------------------------------
(4) On Engaging Retired Officers for Bank work:


Pandyan Grama Bank Employees Association
(360/RMD) (Affi: AIRRBEA & BEFI)
CO Colony,  (Near) RTO Office, Virudhunagar -626001

TO

The chairman
Pandyan Grama Bank
Administrative office
Virudhunagar


Sir,
Engaging Officers over and above the age of 60 for official Duties of the Bank

We come to understand that our management is engaging some officers who are above the age of 60 for some of the official work of the bank. We place our strong objection and protest in this regard.

Being a trade union with social outlook we see this practice will curtail the job opportunities for the unemployed youth of the society. Further, it will not be also fair to extract work from any person after the age of 60. We also point out that this practice is against our Staff Service Regulations, 2010 and RBI guidelines.

Hence, we request your goodselves to stop this practice and engage the regular employees of the bank for any official work.

Thanking you

Yours faithfully
Inline image 1
(J.Mathavaraj)
General Secretary:
----------------------------------------------------------------------------------------------------------------------------------------------------------------


17.12.13

10.12.2013 டெல்லி தர்ணாவும், அகில இந்தியச் செய்திகளும்


AIRRBEA அறைகூவலின்படி, அகில இந்தியக் கோரிக்கைகளை முன்வைத்து, போராட்டங்கள் நடந்து வருகிறது. அதன் முதற்கட்டமாக அந்தந்த கிராம வங்கி தலைமை அலுவலகம் முன்பாக 22.11.2013 அன்று ஒருநாள் தர்ணா நடத்தப்பட்டது. அதனை ஏற்று பாண்டியன் கிராம வங்கி தலைமை அலுவலகம் முன்பாக நாம் தர்ணா நடத்தியதை, நமது வலைப்பக்கத்தில் வெளியிட்டு இருந்தோம்.

அதனைத் தொடர்ந்து 10.12.2013 அன்று டெல்லி ஜந்தர் மந்தரில், தேசம் முழுவதும் உள்ள கிராம வங்கிகளிலிருந்து பிரதிநிதிகள் வந்து கலந்து கொள்ளும் தர்ணாவை AIRRBEA அறிவித்திருந்தது. 600க்கும் மேற்பட்ட தோழர்கள் கலந்து கொண்ட அந்த தர்ணாவில், தமிழ்நாட்டிலிருந்து, AIRRBEA இணைச்செயலாளர் தோழர்.மாதவராஜ் தலைமையில் நான்கு தோழர்கள் பங்குபெற்றனர்.

AIRRBEA தலைவர் தோழர் ராஜீவன் தலைமையில் நடைபெற்ற தர்ணாவில், அகில இந்தியப் பொதுச்செயலாளர் தோழர்.சையீதுகான் ,  AIRRBEAவின் அலுவலர்கள் சங்கமான NFRRBOவின் பொதுச்செயலாளர் தோழர்.வெங்கடேஸ்வர ரெட்டி ஆகியோர் கோரிக்கைகளை விளக்கிப் பேசினர்.

பல்வேறு அரசியல் கட்சிகளையும், அமைப்புகளையும் சேர்ந்தவர்கள் தர்ணாவில் கலந்துகொண்டு, நமது கோரிக்கைகளை வாழ்த்தியும், மத்திய அரசின் போக்கைக் கண்டித்தும் பேசினர். அவர்கள் வருமாறு:
       i.      Sri Basudev Acharia, MP, Chairman, Standing Committee on Agriculture in the Parliament.
          ii.            Sri Jagadambika Pal, MP, a veteran Congress Leader in the Parliament.
        iii.            Sri Raja Ram Pal, MP (from Congress Party).
        iv.            Sri Tapan Sen, MP, General Secretary, CITU.
          v.            Sri R Ananda Bhaskar, MP (Congress Party).
        vi.            Dr Ram Chandra Dome, MP, Deputy Leader of the CPIM Parliamentary Party.
      vii.            Dr (Smt) T N Seema, MP (CPIM Party).
    viii.            Sri Rajendra Agarwal, MP (BJP Party).
        ix.            Sri Mahendra Rai, MP (CPIM Party).

          x.            Sri Pulin Bihari Baske, MP (CPIM Party).

அன்றைய தினமே தோழர்கள் ராஜீவன், சையீதுகான் மற்றும், வெங்கடேஸ்வரரெட்டி ஆகியோர் திரு. அனுப் வத்வா (joint secretary, Ministry of Finance), அரவிந்த் குமார் மற்றும் திரு.தோக்ரா (Deputy Secretary, Department of Financial Services, Ministry of Finance) அகியோரை சந்தித்து மெமொரெண்டம் அளித்து பேசியிருக்கிறார்கள். நமது கோரிக்கைகளையும், பிரச்சினைகளையும் விரைவில் தீர்ப்பதற்கான நடவடிக்கைகளை எடுப்பதாகவும், அதுகுறித்து நம்மோடு பேச்சுவார்த்தைக்கு ஏற்பாடு செய்வதாகவும் Ministry Of Finance-ன் உயரதிகாரிகள் உறுதியளித்திருக்கிறார்கள்.

11.12.2013 மத்தியக் கமிட்டி கூட்டம்:

தொடர்ந்து அடுத்த நாள், 11.12.2013 அன்று ஹோட்டல் ஆரியாவில் AIRRBEAவின் மத்தியக் கமிட்டிக் கூட்டம் நடைபெற்றது.அதிலும் தோழர்.மாதவராஜ், தமிழ்நாட்டிலிருந்து கலந்துகொண்டார்.

22.11.2013 அன்று நபார்டு, அனைத்து கிராம வங்கிகள் சங்க பிரதிநிதிகளோடு நடத்திய பேச்சுவார்த்தைகள் குறித்தும், 10.12.2013 அன்று நமது AIRRBEAபிரதிநிதிகள் நிதியமைச்சக உயரதிகாரிகளிடம் நடத்திய பேச்சுவார்த்தைகள் குறித்தும் விவரங்கள் தெரிவிக்கப்பட்டன. தோழர்.நாகபூஷண்ராவ், பென்ஷன் வழக்கு குறித்த விபரங்களை தெரிவித்தார்.

அகில இந்திய கோரிக்கைகளை முன்வைத்து நடைபெறும் இயக்கம் குறித்து மாநில வாரியாக பகிர்ந்துகொள்ளப்பட்டன. தொடந்து Core Committee,  Legal subcommittee, Disciplinary Sub committee, Website subcommittee, SC/ST/OBC sub committee கள் அமைக்கப்பட்டன. தோழர்.மாதவராஜ் அகில இந்திய சங்கத்திற்கான website sub-committeeயில் உறுப்பினராக இருக்கிறார்.

நிதியமைச்சருடன் பேச்சுவார்தை:

11.12.2013 அன்று AIRRBEA தலைவர்கள், திரு. நமோ நராயண் மீனா (Minister of State, Finance) அவர்களை சந்தித்துப் பேசியிருக்கிறார்கள். கிராம வங்கிகள் லாபம் ஈட்டும் பட்சத்தில் பென்ஷன் உட்பட அனைத்து சலுகைகளும் வழங்கப்படும் என தெரிவித்திருக்கிறார் அமைச்சர்.  முந்தைய மத்திய நிதியமைச்சர் திரு.பிரணாப் முகர்ஜி அவர்கள் கிராம வங்கி ஊழியர்களுக்கு பென்ஷன் கொடுக்க கையெழுத்திட்ட பின்னர், மத்திய அரசு, நீதிமன்றத்தில் அப்பீல் செய்த விஷயமே அமைச்சருக்குத் தெரியாமல் இருந்தது. நமது தலைவர்கள் எடுத்துச் சொன்ன பிறகு, அதுகுறித்து ஆராய்வதாக சொல்லியிருக்கிறார்.

அடுத்த நாள் 12.12.2013 அன்று நமது தலைவர்கள், திரு.ஜெகதாம்பிகா பால் மற்றும் திரு.ராஜா ராம் பால் ( காங்கிரஸ் எம்பிக்கள்) ஆகியோரோடு நிதியமைச்சரை சந்திக்கச் சென்றனர். எம்.பிக்கள் இருவரும் நமக்கு ஆதரவாகப் பேச, நிதியமைச்சர்  சிதம்பரம், கிராம வங்கி ஊழியர்களுக்கு வணிக வங்கி ஊதியம் கிடைக்க தான் உதவியதாகவும், அதுபோல, இப்போதும் நமது பிரசினைகளில் அக்கறை செலுத்துவதாகவும் தெரிவித்திருக்கிறார்.


டெல்லி தர்ணா காட்சிகள்:











23.11.13

அகில இந்திய கோரிக்கைகளை முன்னெடுத்து நமது இயக்கம்!


AIRRBEAவின் அறைகூவலை ஏற்று கீழ்க்கண்ட கோரிக்கைகளை முன்வைத்து அகில இந்திய அளவில், இயக்கங்களை நடத்திக்கொண்டு இருக்கிறோம்.

1.  Scrap RRBs Act Amendment Bill, 2013 aimed at privatization of Gramin Banks.
2.     Implement Pension Parity and agreement dated 29-10-1993 in RRBs.
3.     Establish State Level Rural Banks, one for NE States, under NRBI
4.     Regularize all Part Time/Casual/Daily Waged workers.
5.     Allow participation of Workman/Officers in the Board of RRBs.
6.     Recruit adequate staff, promote staff in time and effect massive branch expansion.
7.     Allow Special Leave to T.U. Leadership at par with those in Banking Industry.
8.     Relax service period for promotion of all cadres of staff including Office Attendant at par Sponsor Bank

இந்தக் கோரிக்கைகளை விளக்கி இராமநாதபுரம், திருநெல்வேலி, காரைக்குடி, மதுரை ஆகிய நான்கு மையங்களில் பிரச்சாரக்கூட்டங்களை நடத்தி முடித்திருந்தோம்.

திருநெல்வேலி கூட்டத்தில் தோழர்கள்....

காரைக்குடி மையக்கூட்டத்தில் தோழர்கள்...

மதுரை மையக் கூட்டத்தில் தோழர்கள்...

இந்தப் பிரச்சாரக் கூட்டங்களை அடுத்து, நேற்று, 22.11.2013 அன்று தலைமையலுவலகம் முன்பாக ஒருநாள் தர்ணா நடத்தியிருக்கிறோம். ஏறத்தாழ நூறு தோழர்கள் பங்கெடுத்த இந்த தர்ணாவை PGBOU தலைவர் தோழர்.சாமுவேல் ஜோதிக்குமார் துவக்கி வைத்தார். தோழர் சோலைமாணிக்கத்தின் கோஷங்களால் பந்தல் களை கட்டியது.

அகில இந்தியக் கோரிக்கைகளோடு ஸ்தலப் பிரச்சினைகளையும் முன்வைத்து தோழர்கள் பேசினார்கள். PAD மற்றும் AIVDயின் செயல்பாடுகள் குறித்துப் பேசப்பட்ட போதெல்லாம் தோழர்கள் ஆவேசமடைந்ததையும், கடும் அதிருப்தியை தெரிவித்ததையும் பார்க்க முடிந்தது. பணி ஓய்வு பெறுகிறவர்கள் மீது நடத்தப்படுகிற தாக்குதல்கள், ஒழுங்கு நடவடிக்கைகளில் அரங்கேற்றப்படும் அராஜகங்கள், லீவில் கடைப்பிடிக்கப்படும் அராஜகங்கள், பொதுவாக எந்த காரியத்தையும் பெரும் காலதாமதம் செய்து இழுத்தடித்து வதைக்கும் நிகழ்வுப் போக்குகளை தோழர்கள் கடுமையாக விமர்சித்தனர்.

தமிழ்நாடு அரசு ஊழியர் சங்க மாவட்டத் தலைவர்கள் கலந்துகொண்டு தர்ணாவை முடித்து வைத்தனர்.








13.11.13

PGBEA - PGBOU circular 3/2013 dated 31.10.2013


அருமைத் தோழரே!

வணக்கம்..

நமது அகில இந்திய சங்கம் AIRRBEAவின் Working Committee Meeting  26.10.2013 அன்று கோழிக்கோட்டில் நடந்தது. AIRRBEAவின் joint secretary தோழர்.மாதவராஜ் இந்த கூட்டத்தில் கலந்து கொண்டார்.

 கிராம வங்கிகளின் எதிர்காலத்தையே  சிதைத்து தனியார்மயமாக்கும் விதமாக மத்திய அரசு கொண்டு வந்திருக்கும் RRBs Act Amendment Bill, 2013 எந்த நேரமும் பராளுமன்றத்தில் நிறைவேற்றப்படலாம் என்னும் ஆபத்து நம்மை சூழ்ந்திருக்கிறது. இந்த தருணத்தில் கிராம வங்கி ஊழியர்களின், அலுவலர்களின் முக்கிய கோரிக்கைகளை முன்வைத்து இயக்கம் நடத்துவதென முடிவுகள் எடுக்கப்பட்டு இருக்கின்றன.

கோரிக்கைகள்:

1.    Scrap RRBs Act Amendment Bill, 2013 aimed at privatization of Gramin Banks.
2.    Implement Pension Parity and agreement dated 29-10-1993 in RRBs.
3.    Establish State Level Rural Banks, one for NE States, under NRBI
4.    Regularize all Part Time/Casual/Daily Waged workers.
5.    Allow participation of Workman/Officers in the Board of RRBs.
6.    Recruit adequate staff, promote staff in time and effect massive branch expansion.
7.    Allow Special Leave to T.U. Leadership at par with those in Banking Industry.
8.    Relax service period for promotion of all cadres of staff including Office Attendant at par with Banking Industry.

இயக்கங்கள்:

1. 22-11-2013·  அன்று தலைமையலுவலகங்களின் முன்பு தர்ணா
2. 29.11.2013 அன்று நபார்டு/ ஸ்பான்ஸர் வங்கிக்கு சங்கங்களின் சார்பில் டெபுடேஷன்
3. 10-12.2013 டெல்லியில் தர்ணா
4.RRB Act Amendmentஐ பாராளுமன்றத்தில் கொண்டு வரும் பட்சத்தில் உடனடியாக Flash Strike.

29.10.2013 அன்று நமது சங்க அலுவலகத்தில் கூடிய நமது இரு சங்கங்களின் சப்கமிட்டிகளும் அகில இந்திய சங்கத்தின் முடிவினை அமல்படுத்துவது என்றும், இயக்கங்களை வெற்றிகரமாக நடத்துவது என்றும் தீர்மானித்திருக்கின்றன. அதன்படி, 22.11.2013அன்று நமது பாண்டியன் கிராம வங்கி தலைமையலுவலகம் முன்பாக தர்ணா நடத்துவது என்று முடிவு செய்து இருக்கின்றன. கோரிக்கைகளையும், இயகங்களையும் விளக்கி நான்கு மையங்களில் பிரச்சாரக் கூட்டங்கள் நடத்துவதெனவும் திட்டமிடப்பட்டு இருக்கின்றன.

1. 6.11.2013 - இராமநாதபுரம்
2. 9.11.2013 - திருநெல்வேலி
3. 12.11.2013 - காரைக்குடி
4. 16.11.2013 - மதுரை

இக்கூட்டங்களுக்கான அழைப்புகள் பிரத்யேகமாக தோழர்களுக்குத் தெரிவிக்கப்படும். தோழர்கள் திரளாகக் கலந்துகொள்ள வேண்டுமென அழைக்கிறோம்.

நமதி வங்கியில் நிலவும் பிரச்சினைகளும், எழுந்துள்ள கோரிக்கைகளும்:

வங்கியில் தொழில் அமைதியைப் பேணும் விதமகவும், வங்கியின் வளர்ச்சியை கவனத்தில் கொள்ளும் விதமகவும் சேர்மன் நம்மோடு பேசுகிறார். அவரது எண்ணங்கள் புரிகின்றன. ஆனால் நிலைமைகளும், நடக்கும் விஷயங்களும் அதற்கு நேர்மாறாக இருக்கின்றன. ஊழியர்கள், அலுவலர்களின் மத்தியில் கடும் அதிருப்தியும், மன உளைச்சல்களுமே நாளுக்கு நாள் அதிகரித்துக்கொண்டு இருக்கின்றன. குறைந்த பட்ச மனிதாபிமானமும், நேர்மைத் திறனும் அற்ற நிகழ்ச்சிகளும் செய்திகளையுமே தொடர்ந்து கேள்விப்பட வேண்டியிருக்கிறது.

இந்த வங்கியில் ஒழுங்கு நடவடிக்கைகள் என்ற பெயரில் தொடரும் நிர்வாக வன்முறைகள் எல்லைகளை மீறிகொண்டு இருகிறது. ஓய்வு பெறுவதற்கு சில நாட்களுக்கு முன்பு குற்றப்பத்திரிகைகள் அளிக்கப்பட்டு ஓய்வுகால சலுகைகளை இழந்து வாழ்க்கையே பெரும் அவலமகிப்போனவர்களின் எண்ணிக்கை கூடிக்கொண்டே இருக்கிறது. சஸ்பென்ஷன்கள் செய்யப்பட்டு  பல மாதங்களாகியும் குற்றப்பத்திரிக்கைகள் அளிக்கப்படாமல் அலைக்கழிக்கப்படுபவர்களின் எண்ணிக்கையும் ஒரு பக்கம் நீள்கிறது. குற்றப்பத்திரிக்கைகள் அளிக்கப்பட்டு, என்கொயரி நடந்து முடிந்தாலும் உரிய நேரத்தில் findings அளிக்கப்படாமல் வைத்திருப்பது தொடர்கிறது.  findings அளிக்கப்பட்டாலும், அதன் மேல் நடவடிக்கைகள் உடனடியாக எடுக்காமல் இழுத்தடிப்பது வாடிக்கையாகி இருக்கிறது. அப்படி அளிக்கப்படும் findings  பெரும்பாலும் நேர்மைத்திறனற்று Enquiry Officerகளால் ‘proved' என்றுதான் முடிவு எழுதப்படும்.  அத்திப் பூத்தாற்போல், நேர்மைத் திறனோடு ஒரு என்கொயரி ஆபிஸர் இங்கு ‘not proved' என எழுதியிருக்கிறார். ஓய்வு பெற்ற தோழர் MLR மோகன் மீது நடத்தப்பட்ட ஒழுங்கு நடவடிக்கைகளில் இப்படி ஒரு நியாயமானத் தீர்ப்பு கிடைத்திருக்கிறது. ஆனால், என்கொயரி ஆபிஸரின் findingsஐ தான் ஏற்றுக்கொள்ளவில்லை என்றும், அந்த குற்றங்கள் அனைத்தும் 'not proved'  என்று Disciplinary Authority தீர்ப்பினை திருத்தி எழுதுகிறார். அப்படியென்றால் இந்த என்கொயரி எதற்கு? இவ்வளவு காலக் கொடுமை எதற்கு? இந்தத் தீர்ப்பை அப்போதே கொடுத்து  தோழர் MLR.மோகன் அவர்களை தண்டித்திருக்க வேண்டியதுதானே. தாங்கள் எழுப்பிய குற்றங்கள் எப்படியானாலும் நிருபிக்கப்பட வேண்டும் என்னும் திமிரும், ஆணவமும் கொண்ட AIVDயின் பெருமூளைக்கரர்களால்  நியாயங்களும், நீதிகளும் இப்படி தொடர்ந்து கொன்று குவிக்கப்பட்டால் ஊழியர்களும், அலுவலர்களும் எப்படி நிம்மதியாக பணிபுரிவார்கள்? வங்கி எப்படி வளரும்?

அடுத்ததாக, ஊழியர்கள் பிரசினைகளில் நிர்வாகம் கையாளும் மிதமிஞ்சிய கால தாமதம் சகிக்க முடியவில்லை.  இங்கு பணிபுரிபவர்களது நலனை ஒரு பொருட்டாகவே இந்த நிர்வாகம் மதிக்கவில்லை என்றேத் தோன்றுகிறது. கடந்த போர்டு மீட்டிங்கில் முடிவு செய்யப்பட்ட Staff Housing Loan மற்றும்  Staff Vehicle Loan  சர்க்குலர்கள் இன்னும் வெளியிடப்படவில்லை. புதிதாக பணிக்குச் சேர்ந்தவர்களில் ஏறத்தாழ இன்னும் 20 பேருக்கு ஒரிஜினல் சர்டிபிகேட்கள் கொடுக்கப்படவில்லை. அதுபோல அவர்களின் graduation increment-ற்கு நாம் சொன்ன வாதங்களின் அடிப்படையில், நபார்டுக்கு சாதகமான கடிதம் எழுதுவதாகச் சொன்னது. இன்று வரை எழுதப்படவில்லை. Lightining strike சென்ற 65 தோழர்களுக்கு ஒப்புக்கொண்டபடி இன்னும்  leave regularise செய்யப்படவில்லை. பெருமாள்மலை எனும் ஒரே ஒரு கிளைகு hill and Fuel allowance வழங்கப்படவில்லை. இப்படி எவ்வளவோ இருகின்றன. அனைத்தையும் கோரிக்கைகளாக முன்வைத்து இயக்கம் நடத்துவது நமது இரு சங்கங்களின் சப்கமிட்டிகளும் முடிவு செய்திருக்கின்றன.

1.Revamping of  Administrative Office
2. Time Bound  and Honest Disciplinary Actions
3.Two Graduate increments to Newly recruited Office Asistantsas per Bi-partite settlement
4. Transfer Policy
5. Defining of Duties and Responsiblities of each cadre
6.Regularise Temporary mesengers
7. Posting Of Officers as per categaorisation of Branches
8. Regularisation of Leave to all
9.Staff Housing Loan and Staff Vehicle Loan on par with sponsor Bank
10.Following allowances on par with sponsor Bank:
a) Transport allowance b) House Maintanence Allowance c) Petrol Allowance d) Boarding and Lodging Facilities e) Compensatory Allowance for Working in Holidays f) Hill and Fuel Allowance
11. LFC/LTC  on Par with Sponsor Bank
12.Medical Reimbursement as per settlements in Banking Industry
13. Staff Medical Insurance should be with Public Sector Insurance Company only
14.Enhancement of Local charges, Sweeping charges
15.Sanction of Joining Time and Lumpsum for probationers during Transfers
16. Activating SC/ST Cell and Women Cell
17. TA to Defence Representatives
18 Compiling of all neccesary Old circulars for the reference of New Branches and New Staff
19. Replacement of  all Old Computers, Printers, Generators, Counting Machines
20. Seperate Toilets for Women Staff
21. Air conditioning of All Branches
22.Medical Reimbursement to Retired Staff
23. Repayment of recoveries made from Retired Staff
24.Auto Credit System of Salary from Head Office
25. Introduce Technogy updation as per comercial Banks in handling NRGES accounts

கோஷங்களையும், குரல்களையும் இந்த  கோரிக்கைகளுக்காகவும் எழுப்ப வேண்டிய அவசியம் ஏற்பட்டு இருக்கிறது. தலைமையலுவலகத்தின் முன் நவம்பர் 22ம் தேதி நாம் நடத்த இருக்கிற தர்ணவில், அகில இந்திய கோரிக்கைகளோடு இந்த கோரிக்கைகளையும் முன்வைப்பது என தீர்மானித்திருக்கிறோம்.

பாதை தெரிகிறது.....
முன்னேறிச் செல்வோம்...

தோழமையுடன்